في بيت شيراز و نهلة و ياسمين كانوا راقدين حتي فاقوا علي زقزقة العصافير ... ستوب نفذلك معاكم طبعا دخلت نبع الحنان و النتيجة كانت
هدف في شيراز و نهلة بالبليغة .
شراز تحكي: اوفف نهار جديد مسود كي سعدي دوك نبدا نضف حتي نموت موتت الكلاب
دوك انا فديت من لعب دور الطفلة العاقلة نرجعو ليوميات البليغة دوكا . رحت لبست واش ما جا . جبة خضرا و شعري بالزيت و فولارة حمراء نشجع فالمزنبيق لا علاقة . خرجت نلقا امين يستقهوا و بدا يقرعج علي صباح ربي ...
امين يحكي " يا جدك دوك عرس امير و انا كي تكتوك فالدار متت اليوم جت حبقلبي ياسمين باتت عنا كنت نستهوا و نستنى نصبح عليها لكن حصل ما لم يكن فالحسبان يا فوزييي خرجتلي الكشرودة اختي لابسة بالأخضر تقول تحيي فالمزنبيق الشقيقة والله فجعتني على صباح ربي ...
"اسمعي ا وشسمك قلقتيني بريحت الزيت الشعر الارطب ما عند ربي "
شيراز " ااا سي محمد تلم خير ما نجن عليك "
اذي باين فيها ما تعقالش أمين" أسمعيي طيري من وجهي لانجي نكسرلك منضرك"
شيراز لروحها " انا نسكت لنضهر في برنامج يبتسمون رغم الإعاقة "
"أسمع يا وشسمك اسكت لنروح لياسمين نقولها راو يعشق فيك "
شيراز تحكي " ياو خلات نتلفت نلقى ياسمين في وجهي مصدومة مسكينة انا هكاك حتى نتلفت نلقى ماما و حصل ما لم يكن فالحسبان يا فوزي البليغة جات في نص وجهي ..
ماما " يا وحد البقرة ارواحي ليوم دوك نقتلك روحي قدي شغل الدار ندادك معرسين .." تم حذف البقية مراعات لشعور القارئين ...
اااه هربت من ماما بطلوع الروح هه و خليت امين مسكين واحل في ياسمين و طلعت لبيتي نلقى نهلة نازلة هيا و عزيز حبوبي و ياسين روحي صبحت عليها و هيا مشوكيا فيا ههه خايفين خاتر رجعت لهبالي ....
نهلة تحكي " كالعادة فطنتنا ماما بالبليغة انا و البقرة شيراز رحت فطنت عزيز وليدي و ياسين لبستهم و عطرتهم و انا هابطا نخمم وين راح يوسف نلقى المصيبة قدامي (شيراز) بقيت مشوكيا فيها و هيا كيف قوس قزح و ريحتها زيت تشوكيت باسكو هذا يدل انها ما سمعت كلام ماما و رجعت لهبالها اني خايفا ديرش كاش موصبة . هبتت لتحت نلقى ماما وحدها سألتها وينهم الجماعة قاتلي ..
ماما " باباك مشى يقضي للفطور و امير راح هوا و يوسف يجيبا شغلات للحنة و امير و ياسمين خرجو و عماتك و ناناك عدهم جو "
جواد يحكي " كنت راقد نومة عسل وحدي فالبيت خاتر يوسف خرج مالصباح الدنيا ضلمى منحي تريكويا انا هكاك حتى يدخل لبيتي إعصار أخضر (عرفتوه البنات) ياو حلت عليا الشبابك و ندهت تعيت ...
شيراز " ايا ااا سي محمد نوض نوووض خليني نشوف شغلي النهار راح "
الحاصل حليت عيني بقيت نخزرلاها شاد روحي باش ما نضحكش علاها الربع سانتي قتلتني بريحت الزيت لاكن رغم هذا الكل مزيانة اااه ملا موصيبة مزالت تعيط
شيراز" اا وشسمك واشبيك تخزر لجدي عجيتك واقيل ارواح نعطيك فوطو و اقعد قرعج في عقلك .."
الطفلة هاذي باين فيها متاع سمير لا و زيد كي نضت علابالكم حشمت ابدا بقات تخزر للموسكل تاعي لبست جد التريكو و غسلت خليقتي و خرجت و الطفلة مازالها تهدر كسرتلي راسي "
شيراز بقات تلم فالدنيا و تسمع في المهراجانات المصرية ياك تعرفوها حتي وصلت انا حبيتك و جرحتيني
وو بدات تغني بصوتها الجميل نقصد تصيح كالمعزة
أنا حبيتك و جرحتينييي
انا صنتك لاكن خنتيني
انت اكيد مش بتحبيني
ليه من الاول عشمتيني
و تدخل عليهاا نبع الحنان و هدااااااف البليغة في وجهها " يالبايرة يالمصفارة
سلالة و العرق جباد اسكي فضحتينااا الجيران الكل ولت الطل مالتاقة و انتي تصيحي كالمعزة يالمصيبة تحركي خفي العباد جاية للحنة نتاع خوك و احنى ما عملنا والو تحركي يا ربي الطفلة إلي جبتها راح تجيب اخرتي .
شيراز " باهي يما وجهي حفرتيه بالبليغة "
نعرفكم بليغة يما
تعرف بالبونوارة
ثلاثية الدفع . مدببة . حتى كان تبدى في المريخ تضربك . سلاح ابيض فتاك
ديما هدفها وجهي
هذا الكل كان قدام جواد إلي مات بالضحك .
شيراز " يا سي محمد مهرجان دوز تضحك علينا "
جواد " اسمعى ا لخرى بلعي لنكسرك ربع الصانتي لسانك اطول منك "
و حصل ما لم يكن فالحسبان يااا فوزيي هدااااف البليغة جات في ضهرها اما هربت
ماما " يااا وحد البغلة تحل غي جلغتك علي الضيوف "
شيراز طل مالباب "او يضحك عليا يما "
و هداااااف البليغة في خليقتها
ايا تلمو الناس و ليليا و البنات في الكوزينة بصنفو طيبو الاكلة الشهيرة الكوسكوس
و براك و طجين و حلو و عصير و تلمت العباد الدار تملات و الغنا يشرقع
لبنات لبسو روب مستورين متاع متدينات كيفيف فالبلو (شيراز . ياسمين . امنة . نهلة ..) و الولاد لبسو سبور و امير خموس عليه لبس جبة عربي شطحو للي فدو سرتو شيراز شطحت هيا و جواد للي فدو و هوا شاخ علاها ضحك و عمل معاها جوا الناس الكل بقات حالا فمها مالك اكبر الشريكات فالعالم و ابرد واحد يشطح معا شيراز المصيبة امو فرحت و قالت هاذي هيا كنتي ..
تعدت سهرية هبال سرتو على ياسمين و امين إلي ستعرفو لبعضهم و عداوها يتمعشقو و امين شكر اختو خاتر عاونتوا في حكاية كيما هاكة و قرر انو يخطبها مورا عرس دنيا و امير
يوسف و نهلة عدوها يحكو و يجبدو فالماضي و فضو برشا مشاكل و تاني هوما قرروا يتزوجوا مورا عرس امير ههه . امنة و سيف عدوها لاهين بالناس مرام تلعب هيا و عزيز اما ابطالنا ضاربين الدنيا بكوتباي و عادوها شطيح(سرتو عالغناية إلي لفوق تحيا تونس) كان دنيا العروسة قاعدا في دارهم تكونكتي هيا و امير و يستناو وقتاش يتسكر علاهم الباب في دار وحدة
اما هيا مسكينة خايفة خاتر شيراز خوفتها من ليلة الدخلاا نياهاهاهاها
تعادات ليلة هبال على ابطالنا سرتو جواد إلي ستغرب من روحو كيفاش تعلق بشراز كان فرحان غافل على التقرعيج متاع الناس عليهم و علي تخطيطات سناء و ليلياء ..
وفات السهرة و كل واحد روح لدارو
مسكينة شيراز باتت تغسل فالماعون معا النيا و تلم فدار . اما بوقوسنا كان يلم فالكراسي و يوصل في عايلتوا
بعد ليلة زرقاء علاهم تلموا الكل فالصالة و رقدوا على بعضهم كي الذبان (امير . امين . ياسمين. دنيا . نهلة . يوسف .جواد ) اما ليليا و محمد رقدو في بيتهم و الصغار زادة .
********************************
و هاكة عملتلكم بارت طويل عريض ملتقانا غدوة في بارت حديد و انتي متعدي ما تنساش اكالنجمة راي ماتحضش و كان تحب الكمنتار ما ياكلش نححبببكم و اللي يتبع بسكات تخافش ما ناكلوش تحية لتونس و الجزائر و المغرب ...
