اهلا لبنات نتمنى من اللي يقراو فالكرو
يدرو الكمنترات بلييز و و أذا تقدرو
تقولو a لي امي نتاعكم باش يجوزو يقراو 😍😍😍
******
حلت الساشيات تلقى فلول دبدوب ابيض كبييييير . و الساشي الثانية تلقاها معبيا شيكولا كل الانواع لين عينيها لمعت . الشاسي الثالثة تلقى فيها برشا الوان نتاع فولارات (حجوبية) الشاسي الأخرى تلقى فيها بارفا و ميكياش و مشتاقاتها
دارتلو و عينها تلمع عنقاااتو و قتلو
شيراز "مرسي جواد مرسييي فرحتني "
جواد " بلا مرسي بلا دراما قتلك عندك معزة عندي " ....
تعداو لي جور فيسع:
جواد رجع للأمريكان و كان ديما على تواصل مع شيراز ..
امير و دنيا في دارهم و يستناو في بيبي خهههخه
امين و ياسمين فب دارهم في صحفت العسل .
يوسف و نهلة و عزيز كيفكيف و يسكنو في دار العايلة (سناء و جمال) .
موح و مينا قرروا يستقرو الفيلاد و بعد التشحات و التبواس سكنوا عند سناء ..
صباح جديد على ابطالنا .
في بيت شيراز راقدة وحدها بعد ما نهلة مشات .. كالعادة جبة خضراء شعرها مشمخ بالزيت و طالع للسمى تقول ضاربها التريسيتي و كل ساق ملوحة في بلاصة و شطرها فالأرض
حتى تزدم نبع الحنان
ليليا" يالبايرة يالحايرة يا الشعشبونة نوضي النهار راح " بالعياط
شيراز" ممممم عدنا للخرطي"
ليليا " انت ما تجيبش معاك السياسة "
دخلت عبت صطل ما و صباتو علاها لين تشمخت
شيراز " مامااااااااا " بدت تندب علا صباح ربي على زهرها لمسود
مشات دوشت و نقت روحها و جبدت شعرها لبست سروال جين boy friends و شوميز بلو طويلة و فاها صانتوير نواغ مع بسكات نواغ و فولاغ نواغ ما دارت والو في وجها خاتر تكره الميكاب و زيد هيا مزاينة من عند ربي
اليوم اول نهار لاها فالخدمة (جراحة )
كلمت ياسمين خاتر كيما قلت يخدمو معا بعض ...
شيراز " الووو بنجوغ بقروتشي حضرتي لعروسة "
ياسمين " واه انا راح يوصلني امين "
شيراز "اا راح يوصلك امييين ايا روحي الله يسهل " قالتهالها بسخرية
كوبات في وجهها
نزلت لتحت تلقى باباها و يماها يفطرو
شيراز " صباح الخير عصفورات الحب "
باباها " صباح الخير الزينة نتاعي "
ماماها " تصبحي على الصباح لنكسرلك فمك. "
شيراز " باهي اعطينيي نرهج و إدعيلي كي الأمات اول نهار ليا فالخدمة "
ليليا " ربي يسهلك بنتي. " قالتها بحنية محمد " واش ياسمين موش رايحة معاك "
شيراز و هييا تقلد في ياسمين " سألتها. قاتلي راح ياخذني امين "
ليليا و محمد "هههه "
شيراز " خنروح انا تتشرشح في الكيران ايا نخليكم "
بعد رهجت كي لبقرة مشات تجري ورا الكار كي البقرة و بعد ركبت الكلاب في الكار شافت الكلينيك اللي راح تخدم فيها بقات bouch bée هيا هكاك
و تشوف ياسمين جايا ليها تجري
ياسمييين " شيراااز احوووبباااي "
شيراز " بقرتيي"
دخلو للكلينيك سألو علا مكتب المدير و طلعو يلقاو راجل كبير شعرو ابيض و بو كرش كيف بابا نوال
شيراز بضحكة "ياك عانا بابا نوال فالجزائر "
ياسمين و هيا تسكرلها في فمها " سلام مسيو احلا الجراحات الجداد "
****" اهلا بيكم بنتي انا مسيو حسين المدير نتاع الكلينيك و اشهر طبيب هنا "
شيراز " اهلا عمي حسونة انا شيراز "
مدتلو يدها باش تخمس
ضحك بحنية و قالها " اهلا بيك بنتي "
ياسمين " موسيو حسين و انا ياسمين"
خمست معاه
حسين ايا تقدرو تعرفونا براوحكم
شيراز " انا شيراز كيما قتلك عمري 20 عندي 4خوات و بابا و يما راني مزلت بايرا ملي صغيرة نحلم باش نكون جراحة قلب و شرايين"
تبسم هوا و قالها " يييه بنتي مشالله و انت ياسمين "
ياسمين " انا ياسمين عمري 20 عندي 6 خوات و يما و بابا مزوجا خو شيراز و هيا صاحبتي مالصغر و حلمنا نكونو جراحات بصح انا جراحة العضام "
حسين بحنية " اهلا بيكم متشرفين ايا هذا جدول اوقاتكم شيراز انت مناوبتك اغلبيتها فاليل و ياسمين بما انك مزوجة جديد فمناوبتك فالنهار "
شيراز و ياسمين " الله يبارك "
شيراز " واش حسونة ثما رجال هنا كاش ما نلقى راجل"
حسين " ههه ثما بنتي ثما "
نخلوهم يتفاهمو في عقلهم و نروحو لجواد إلى كان يخمم في مرتو و حب حياتو اي شبيكم مصدومين جواد كان مزوج ماي مرتو خاناتو و هربت معا صاحبها (جواد كي كان في عمرو 23 تزوج حبيبتو و صديقة طفولتو ريم و كان فيبالو بلي هيا تحبو ماي لا العكس خذاتو على دراهمو و زيد نقلكم بعد ما ستولت على دراهمو هربت مع ولد عمتو و صديق طوفولتو كريم إلي حرضتتو ناناه اذاكة علاه هوا يكرها )
قام يصيح و يعيط و من وقتها كره النسا كان امنة مرت خوه و شيراز إلي حسها صديقتو (ابابابا ) كمل خدمتو و ريقل كل شي خاتر باش يرجع للجزائر وين باش يكمل خدمتو غادي تعب مالغربة و الوحدة حتي موح و يوسف و مينا إلي كانوا مونسينو رجعو للبلاد مكانش يعرف أنو كيف يرجع للجزائر حياتو باش تتبدل (زعما واش يستنى فيه )
في دار سناء و بالتحديد في بيتها تكلم في ليليا ام شيراز تسأل على حوالها و بعد ما تفاهمو علي كانو يحكو فيه قفلت التالفون و نزلت باش تطيب العشا معا البنات (امنة . نهلة مينا )
بعد العشا تجمعو فالصالة يخي قالت سناء
سناء " وليداتي غدوا يجي خوكم فالصباح و فاليل باش نعملو لمة و نستدعو دار طاطاكم ليليا عالعشا "
امنة و نهلة فرحو بجية عايلتهم
قعدو يتناقشو و يخططو للمة
نروحو للشيراز
شيراز " الو ماما "
ليليا " وينك لتوة "
حكت لأمها كيفاش باش تخدم باليل و بعد التشحات و التبواس و توصي فاها على روحها مشت شيراز باش تشوف بقية المرضى اما ياسمين روحت لراجلها إلي ملي وصلت حكتلو كلش و بعد العشا و تفاهمهم على غدوة بدو ليلتهم الحمرا 😈😈😈
عند دنيا و امير إلي كانو عاملين جو يستناو في صغيرهم بفارغ الصبر
قاعدين ياكلو فالفوشار و الشيكولا و يتفرجو على فيلم .
عند نهلة و يوسف إلي طوروا حبهم و قاعدين يلعبو معا عزيز و شايخين
عند موح (بوخنونة هههخههخ) و مينا قاعدين يعملو في دوش بالشمع 😂😂
عند امنة و سيف إاي مهبلها بالكلام المعسل و يحشم فاها و قاعدين يلعبو معا صغارهم .
نرجعوا للشيراز إلي بعد ما حكت كام معا جواد إلي معتبراتو صديق لا أكثر
و عملت معاه جو مشا لحسين باش تركرك معاه لاتاي ههه في 2 متاع اليل
(حسونة )
عند جواد إلي بعد ماا حكا معا شيراز كيما قلت مشا يحضر في فاليزتو و رقد خاتر غدوة نهار حافل
ايا نخليو ابطالنا يرتاحو شويا
************
هيا يا بنوتات هاو بارت طويل نسبيا
كيف ما وعدتكم
قراءة ممتعة
ملتاقانا غدوة
