امنة تحكي " عرس المصيبة اختى مزالو 3 ايام رحنا انا و البنات خذينا الروب بعدها رحنا ناخذو للصغار عزيز و ياسين و مرام حتى مالك يا للا شيراز خذاتلو منكذبكش مام ماشي اكبر منو بزاف مي حاسباتو وليدها و هوا زادة باسك هوا يتيم و زادة منيرة راحت تاخد لأيمن ايا قلت نعاون في دار عجوزتي شويا و نروح نعاون ماما انا و نهلة ماي شيراز قالتلي بلي سهام و منيرة راح يجو زادة ياسمين و دنيا و هنا نبقى انا و مينا و نهلة و مباعد تجي سهام تعاونا خاترش نهلة و ياسمين و دنيا و مينا بالحمل يلزم ما نكتروش علاهم .. ايا بعتت مرام و ياسين و عزيز يقعدو عندهم و انا بدينا شغل الدار جواد مسكين يجري منا و منهيك باش يلحق زيد اللولاد موح و يوسف و سيف و صاحبو هاداك اا اياد و صاحب موح و جواد هداك حمدي مهمش مقصرين و تفاهمو مع العشية يروحو موح و حمدي و يوسف يعاونو شيراز خاترش صاحبتهم بزاف و يجو غي بلاصتهم امير و امين بدينا نحضرو واش من حلو عصير قاطو اللبسة الماعون الكراسة ايا سيدي نهار تعدى بالخف متنا بالعيا رحنا نرقدو خاترش غدوة باش نقيو الدار و الجاردا و نسيقو ..."
سهام تحكي " ايا مزالو 2 ايام على عرس مقارون والله تستاهل الفرحة هدي الشيرة الحق كيما تعاون هيا و خواتتها انا و منيرة و خالتي خداوج عمي قدور و موح و حمدي رحنا نعاونوها هيا و دار طاطا سناء قسمنا ايا عملنا واش من حلو العصير القاطو تعبنا بالبزاف اليوم نشالله نقيو الدار و نسيقو و خاترش غدوة نرفدو الزهاز انا بقيت غير نكحل علا حمدي هه حب الطفولة .."
ليليا تحكي" ااه يا يما نوارة الدار باش تتزوج راح تبقى الدار خاوية بلا بيها مي معليش و كيما كل حال المرا مالها غير ضيفة في دار باباها اخرتها في دار راجلها ايا من يوم بدينا التحضيرات كملنها الحلو واش من بقلاوة كعك الورق كعابر الوز القطايف القريوش .. ما خلينا والو ايا و عملنا عصير واش من روزاطة شروبو سيترون و فريز و ارنج و كيوي .. بانان .. ايا و عملنا الطمر المحشي باللوز و الفصدق و الشامية و حضرنا الجهاز غدوة نشالله نرفدوه و شيراز بنتي تقول موش زواجها تديها تلعب البالو معا مالك و مرام و عزيز و ايمن و تاكل تقول راحلا مراهيش رايحة تتزوج اما الحق تعاون هداك هو ..."
دنيا تحكي " يا يما الحنانة راه عرس جواد مكنتش مأمنا بلي هداك المخلوق راه حيتزوج كنت دايرة يقعد باير قاع بصح طلعت غالطة ياا يما طيحاطو مقارون ااه اكا الطفلة الزينة زلة و متربية ماي مهبولة اخاه زيد مرهوجة مي والله فرحتلهم قاع ربي يهينيهم يستاهلو الفرحة انا كيما تعرفو راني بالحمل و الصطر راه قاتلني ماي راني نعاون بصح عجوزتي الحبوبة ما حبتش ايا كي كبشت راها تعطي فيا في حاجات خفاف بصح وين امير هبلني ' ديري بالك علا ولدي اعملي هاك ديري هاك ما ترفديش هاديك ما تاكليش هاديك ما ترقديش هكاك ' حسسني اول مرا نرفد (نحبل) 😀 ييه بصح هيا اول مرا واشبيكم تشوفو فيا هاك اخاه زلة لسان ايا روحو عليا عجوزتي تعيط نروح نشوفها كاش ما تستحق ..."
شيراز تحكي " يااا يما راح نتجوز فهموني دوك نفرح ولا نزعف
😀 ايا ملول رحت انا و البنات شرينا قش تاع الفرح و كي راحو ياخدو للصغار رحت انا شريت لمالك ولدي البوقوص ياك فكرتوني مرسي دوك لازم نهدر معا هداك جماد ولا جراد عليه وادا بدا يخرط هيا وقتها يبدا المسقي نعطيه جوج (2) كفوف نطيرلو عينو و نبطل من هاد العرس نتاع البق
ايا روحو علا جدي خنروح نرهج ما تتغشوش ياك ايا باي تروحو ترقدو لالا ستناو تحضرو لعرسي زغرتو ياك ما تنسوش ستاناو نضرب ليكم زغروتة قبل ما نروح يويويويويويو ايا طيرو .."
مينا تحكي " والله مين رجعت للجزائر و انا عاملا لمبيوص هديك شيراز صاحبت موح دارتلي لومبيونص شيتح طفلة فدلاكة و حلوة واليت انا وياها صحاب هه مام لوخرين منيرة سهام حمدي الفصغون مالك و ايمن طاطا خداوج عمي قدور و بيانسور لافامي ديالي و زيد البنات نهلة امنة هاديك لانتيم خلي عاد من حبوبات عمتهم مرام و ياسين و عزيز ايا دوك راني بالحمل و علا ذكر الحمل دوك راهو زواج مقارون نروح نعاون ماما فالكوزينة لاتجي تعوقني هاداك البغل جواد هوا يعرس و انا نتهرس يا رب العالي راو كلش محسوب عند ربي .."
ايا وفا النهار بالخف كلش حاضر الديار مسيقة و منقية ايا حبو اليلة البنات الصحابات يدرو لمة يشطحو و يغنو في بلاصت الحنة خاتر شيراز عنها حساسية منها ..
ايا تلمو الكل في بيت شيراز ايا يا لالا عندك بطبيعة ياسمين و خواتها دنيا و مينا و بطبيعة منيرة و سهام و خوات شيراز امنة و نهلة و ربيعة بنت خالتكم نعيمة (مزوجة و عندها زوز صغار ) و اختها صغيؤة ألهام (تقرى جامعة ) ايا لدا الغنا و دنيا و يلسمين غاناولعم بالتونسي يا قلتلكم بلي طاطاكم سناء تونسية
و عايروني بيك اا حمة و عايروني بيك ا حمة و عايروني بيك قلتهم ما نسلم فيك ا حمة
و ما عيني بيك يالعمة و ما عيني بيك ناخد ولدك و نوريك بالعمة
و دور دور خبز شعير و كعك محور خرجت مالحمام تفور شدوها لاطيح لتالي (اني عملتلكم لومبيوص زيدو قولو شيماء خايبة 😂 ايا روحو عليا خنكتب) يا لالا شطحوهم كلش سيرتو القبايلي و تقوم اكا شيراز حاصل حتى وحدة ما نجمت تقدها ...
في الصالة الكبيرة قاعدين النسا الكبار
ليليا سناء ام حمدي و منيرة (حمدي و منيرة خوات) ام سهام و خداوج و نعيمة جارتهم و زوز صحابات ليليا قاعدين لتم يقصرو ..
ايا و فالصالة الصغيرة قاعدين رجال كبار محمد اا جمال . قدور . بابات حمدي و منيرة .. جد سهام ( باباها ميت ) و راجل نعيمة و 2 رجال صحاب عمكم محمد 3 رجال جوارينكهم قاعدين يقصرو و يشربو فاللاتاي. ..
ايا و لبرى الولا عند جواد و سيف و يوسف و امير و امين و موح و حمدي و اياد و راجل ربيعة خالد ريان صاحب امين (هوا و إلهام ان كوبل ) ايا و زوج صحاب امير (مهيب و احمد ) و يا لالا و يحطو الغنا قلبوها بالشطيح ...
في بيت لفوق كاين الدراري مالك و مرام و ياسين و عزيز و راسل (في عمر مالك) و رنى(في عمر عزيز ) (ولاد ربيعة ) و هبة (في عمر مرام بنت مهيب ) روى و اوسامة ( توامة في عمر مالك ولاد احمد ) و زيدهم ايمن (ولد خو حمدي الكبير امو و بوه ماتو في اكسيدون راه مربيه حمدي و منيرة )صاحب مالك ....
وفات الصهرة الجوارين روحو بقو كان منيرة و سهام يباتو معا شيراز و حمدي بات معا الولاد و صحاب امير و امين خاترش يسطو بعيد
زادة مالك و ايمن باتو معا الصغار ايا و الي كانو حاضرين كلش رقدو لتم ..
"""""""""
البنات وفا البارت غدوة نشالله نزل واحد ولا زوز واله تعب فيه برشا باللي ما تنسوش اكا النجمة و الكمنتار تفرحوني بيه و اعطوني رايكم 😍
1191 mot
