Linked Souls

Chapter 35

Chapter 35: Congratulations

Hindi ko alam kung ilang minuto ko nang pinagmamasdan ang mukha ni Brix. Basta pagkagising ko ay naabutan kong magkaharap na ang mga mukha namin na may sobrang liit na pagitan. This is the first time I've managed to stare at his face this close.

The details were satisfying my morning desires. Mula sa tikom niyang labi at bahagyang nakataas na damit kung saan sumisilip ang kanyang v-line. Hindi ito nakuntento sa malambot na unan dahil ginawa niya pang unan ang kanyang braso. Parang gusto ko rin tuloy abutin ang kanyang isa pang braso at gawin ding unan.

I sniffed. How could he smell this good this early?

"Ang aga naman, Astra," pangaral ko sa sarili sa isipan.

I suddenly remember the schedules and rules he mentioned yesterday. Kahit na labag sa kalooban ay napilitan akong bumangon sa pinakamarahan na paraan. Halos maging ang aking paghinga ay pigilan ko para hindi makalikha ng ingay.

Kumuha ako ng damit sa closet ko para makaligo. Bago pa man ako tuluyang lumabas ng silid ay nilapitan ko uli si Brix. Hinaplos ko ang kanyang mukha bago tumakbo palabas at marahan na sinarado ang pinto.

"Yes," I murmured.

Nakangiting pumasok ako sa CR para maligo. Pinuno ko muna ng tubig ang isang malaking timba bago nag-umpisang maghubad ng damit at maligo. Nakabukas ang gripo para habang kumukuha ako ng tubig sa timba ay napapalitan din ito agad.

Wala sa sariling napatingin ako sa hawak kong sabon. Lumunok ako. Wala namang ibang sabon dito kaya malamang na ito rin ang ginamit ni Brix nung naligo siya kahapon.

So, what?

Muli akong lumunok bago inamoy ang sabon.

"Ang bango," bulong ko.

Kinagat ko ang labi ko para pigilan ang pagtagas ng tawa sa bibig. Ano bang nangyayari sa akin? Malamang na sabong mabango ito kaya mabango. Anong katarantadahan ito, Astra?

Nang matapos maligo ay agad akong nagbihis at pinulupot sa ulo ang towel para hindi mabasa ang damit ko dahil sa buhok ko. Dumiretso rin agad ako sa kusina para maghanda na ng agahan.

Oh, hell. I forgot the process of preparing food in here. Kailangan kong magpadingas at mauusukan ako. Dapat pala ay nagluto muna ako bago naligo.

Hays.

Hindi ko ginaya ang ginawa ni Brix. I used the match to light up the woods. Habang nagliliyab ang mga kahoy ay dali-dali kong hinugasan ang bigas at sinalang sa apoy.

Naghugas ako ng kamay sa sink pagkatapos.

Siniguro ko munang pang matagalan ang siklab ng apoy bago pumunta sa sala. Hinubad ko ang towel sa buhok ko at sinampay. Habang nagsusuklay ay binuksan ko ang mga bintana at pinto.

Napasinghap ako nang salubungin ng sariwa at malamig na hangin. Dinig na dinig ko rin ang mga huni ng ibon at lagaslas ng mga sanga ng puno sa paligid. Sobrang gaan sa pakiramdam.

Hindi ako nakuntento sa loob. Lumabas ako para tuluyang malanghap ang hangin.

Nag-inat ako ng katawan bago tumingala sa langit. Maaliwalas ang langit at hindi pa gano'n katindi ang sikat ng araw. Sa totoo lang ay mas gusto ko ang ganitong lugar kesa sa dati kong tirahan. Tahimik at sariwa ang hangin. Pahirapan nga lang sa mga gawain pero ayos lang.

A question suddenly popped into my mind. Why here?

Dito rin ba madalas pumunta si Brix kapag gusto niyang mapag-isa? Alam din ba nila Oscar ang lugar na ito o tanging si Brix lang? Ano ba ang meron sa lugar na ito at bakit parang ang lungkot? Ang daming katatungan ang namuo sa isipan ko.