ردينة :اههه رجليي ايييي 😭😭
سمعها سند جي يجري يحسابها حياة لما جي شافها ردينة عرف انها مش حياة قعد اينوض فيها و هيا تبكي و تقول اييي رجلي و دموعها ينزلو سمعتها حياة جتها تجري لقت سند مقعمزها علي الكرسي و قالها بري جيبيلها مية تشربها و تلج لي رجلها
ردينة :شبحت لي سند عرفاته ان هوا اللي يلعب معاها في بابجي للكن تحشمت انها تقوله بي ما انه هوا مش شايفها و هي حالتها حالة و في نفس الوقت سند حس ان صوتها مش غريب عليه للكن انكر قال أصلا البنات كلهم صواتهم زي بعض
كملو البنات وتو كل شي و جي وقت ينزلو نزلو البنات للعيد ميلاد و كل وحدة كانت احلا من التانية للكن حياة طالعة تحفةةة خشت علي أغنية كل سنة و انت طيب لي تامر حسني اسمعوها حلوة
و بعدين تعشو بعدين قصو التورتة و صورو كلهم و كل وحدة وقعتلها في الكرتوني و كتبتلها حاجة و بعدين حلو التورتة و باقي الحلويات و العصاير و رقصوا تاني بعدين بدلت بيجامة حرير و نزلت لي صحباتها و و بدو يفتحو في الهدايا
ردينة :كل عام و انتي بخير حبيبتي
حياة :شكرا يا قلبي و الله و جودك ساد
رسل:و هادي هدية الحلوة و خيتي
حياة :سلمها الغزالة صحيتي
و كملو باقي البنات أعطوها
_________________________________
بو ايناس علي:هي توا نص ساعة تكوني لوطة اني جو البنات هدا مانحباش مانخليش بنتي في حياش الناس لي نص اليل
ايناس:حاضر بابا 😭😭
كانت مقعمزة داخل في المطبخ تبكي واجعها كلام بوها و خيره هكي واعر مش زي الباقين و ديما تتدعي ان يجيها نصيبها كويس و طيب
بنت خالت حياة :خشت المطبخ طبعًا هيا السم يجري في عروقها
قالت خيرك تتدمعي ولا تراجي في الامير يخش عليك ايسكت
طبعًا ايناس فاتتها و مافهمتش شن تقصد فا ما حبتش تتعارك معاها قاتلها:نعم تبي حاجة
بنت خالت حياة:هييي مش معقولة وحدة زيك بتعلمني في حوش خالتي اصلا انتو صحباتها ق... زي بنت خالتي حياة
علي خشت راكان و هوا عيونه نارر من اللي سمعه من ملك (و هوا طبعًا عارفها هي اللي تتصلق علي ولاد العيلة و ديما تحاول تشوه سمعة اي بنت في العيلة)شدها راكان من أيدها انتي شن تقولي و هوا راكبة فيهم النار كيف تتجرئ تحكي علي اختي هني و يحكي بنفاد الصبر ملك:و الله لا هي مش اني هيا الي بدت و هيا تسبل في دموع التماسيح
رومانتيكا :لفعة 😂😂
راكان :تعرفي يا ملك اخرلك مرة تقولي همي علي اختي و بنفوتهالك المرة هادي علي خاطر العيد ميلاد و مانبيش حياة تزعل هي طيري
طلعت ملك و هيا تكفر و تسب في ايناس و خايفة بتموت من راكان 😂
ايناس تبكي بشهقة و تحاول تخفي عيونها من علي راكان
راكان و هوا سارح في عيونها سامحيني علي اللي صار توا لاكن هيا همي تبي من يوقفها علي حدها
ايناس تبكي:آه لالا عادي حصل خير
راكان قرب منها و مسح دمعتها و هني ايناس توتر فاق علي روحه راكان و خر وقالها خلاص معاش تبكي انزلي كملي العيد ميلاد خير ما حياة تحس عليك
لين شرين تليفون ايناس
بوها علي:خمسة دقيقة و تكوني لوطة آه فهمتي بعياط
ايناس نزلو دموعها من صوت بوها العالي
و راكان لاحضها
سكرت التليفون (رومانتيكا
ايناس:هي اني نستادن بنروح مع السلامة
راكان:خليك باتي
ايناس:بحسرة لالا نقدرش بابا ماخلينيش
مشت طلعت سلمت عليهم و روحت
روحوا باقي البنات رسل:ماما عادي نبات
ملاك:لاش مش ضروري
حياة جبدت التليفون هيا ورأس عمتي الحوسة هلبا و اني هادم هما و خياتي ماعنديش من يعاوني😭
ملاك:قلبها طيب هلبا باهي خلاص باتي و رد بالك علي روحك و خودي حاجة من حياة البسيها
رسل :ماتخافيش يا ماما جايبة حاجاتي
ملاك:مخططة ماك يا فانص😂
رسل :هي تصبح علي خير يا احلى أم
ملاك:هي تصبح علي خير يا بنتي
و ردينة باتت علي خاطر رجلها ما تبيش تشغل أمها في اليل البنات رقدو من التعب ور ردينة تكلم في سند نت فا قلها تفتحي بابجي مشي قتله اوك نزلت للمطبخ
نكملو غدوا استنوني ❤️❤️❤️
ملاحضة فرقو بين ملك بنت خالت حياة
و ملاك أم رسل 😂😂❤️
نحبكم رومانتيكا
أنت تقرأ
Pubg غيرت حياتي
Randomرواية تحكي علي المصيبة اللي نزلت ها امهات اللي هي لعبة بابجي😂😂😂و قداش غيرت حياة ناس و أو نشوفو الأحداث اللي بتصير فيها و نهايتها مفاجاءة 😇🙂
