الكاتبةرومانتيكا ❤️❤️ايناس:الوو رماس شني وينكم انتي و البنات مش بتخطمو عليا
رماس :احني في فتحة حوشكم هيا وتي روحك
ايناس:تمام هي سلام
وصلو البنات قدام حوش حياة و تقطقوا و خشو
حياة:اهلين تفضلو تفضلو
البنات كل سنة وأنتي طيبة حبيبتي
حياة :سلمكم هيا خشو فيسع فيسع ولد خالي بيجي باش يوقف علي متع الديكور البنات اوك تمام
حياة :داري غادي نحو عباياتكم فيها و تعالو البنات نحو عباياتهم الا ايناس ماحبتش تنحيها لين يبدا العيد ميلاد حياة رماس بالله عليك انتي ورسل رتبو العشي في الماعين تلقيهم هني و ردينة انتي ستفيلي الطواسي في الصفرة
حياة:ايناس تعالي انت معاي نبيك ترسميلي حاجات علي كرتوني التوقيع ايناس :اوك تمام
حياة :تمام انتي اقعدي هني شوية انجيبهم و انجي
ايناس :اوك اني نراجي فيك
حياة:ماما راكان وين دار إلحاحات اللي وصيته عليهم 😡
امها (حيراء):امها شوفيهم في داره أكيدة جابهم امبكري لما جي
حياة :اوك تمام
جت حياة كيف بتركب اتصل بيها سند ولد خالها
سند :ايوة حيوتة اني قدام الباب افتحيلي الباب
حياة:اوك تمام هيا دقيقة بس
حياة:ايناس يا ايناس
ايناس:نعم
حياة :بالله اركبي فوق اول جناح عا ايمين تلقي دار خوي راكان فيها الحاجات خوديهم و قعمزي فوق مكتبه و ارسمي عادي
ايناس:بالك خوك في الدار ولا حاجة نقعد في موقف
حياة لألا خوي راكان مهناش
ايناس ركبت و حياة طلعت لي سند ورتله كل شئ كيف تبيه و خشت للكوجينة تعاون في البنات خش راكان الحوش القي سند
راكان :اووو ولد الخال عندنا و اني اخر من يعلم
سند :ضحك و قال هادم البنات و دبايرهم
خش راكان و هوا يضحك ركب لي داره
_________________________________
ايناس :خدت الحاجات شبحت رسمات راكان لفتولها نضرها شافتهم و ماحبتش تفركسهم و تقصقص لا خلتهم في مكانهم و اول ما بدت ترسم حست ان شعرها بتضربه الرطوبة و بيزيت فا فتحاته و ولعت المكيف و قعمزت ترسم
________________________________
الكاتبة رومانتيكا
ركب راكان لي غرفته و خش للحمام و اكرمكم الله كان الحمام قبل الغرفة يعني باب الحمام قبل باب الغرفة خش غسل و جه و توضى باش يصلي فتح الباب
خش لقي بنت مقعمزة يحسابها اخته حياة
راكان:سني انتو البنات عدسات و رموش و ضوافر قلنا باهي حتى شعر مركبتيه هلبا عاشركة راه
ايناس:يبست في مكانها و لسانها تربط
راكان :خيرك تبكشتي
ايناس😳😳😳😳
راكان بدي يقرب و بدي يحس ان هادي مش اخته حياة لين وصل جنب الكرسي و قال مني
ايناس :تلفتت و قتله آه سامحني اني صاحبة حياة نوتيلها في الكرتوني للعيد ميلاد و هيا بلغتني باش نقعد نرسم هني
راكان :قعد متنح في رموشها و فمها الصغير و هيا تكلم لين قاطعه صوتها
ايناس :عفوًا
راكان انتبه علي نفسه فاقال
مشاء الله خطك حلوة
ايناس:تسلم
خشت حياة
هيييييييييي انت شدير هني قالها حلوة هادي اني في داري يا ماما فاتاته حياة و مشت انوسة شن كملتي
راكان لما سمع كلمة انوسة اذكر اللي يلعب معاها في ببجي كيف تقوله مش حا ننقدك لين تقولي انوسة
ضحك علي جنب و طلع و هوا مسكين مايعرفش ان هادي نفسها و شن داسلة الزمان معاها
ايناس اي كملت
حياة تمام هيا ننزلو
نزلت حياة ووراها ايناس و هيا تفكر في عيون راكان اللي هايمة فيه و في نضراته
خدت حياة الكرتوني من ايناس و اعطاته لي ردينة
رودي حبيبتي عادي اطلعيه برا باش يحطوه ردينة اوك هي شوية نلبس عبايتي
لبست ردينة عبايتها و نزلت و هيا كيف طالعة تحي طايحة من دروج و تنوض تبكي بصوت عالي....
توا من بيحي يساعد ردينة و كيف بيعرفها من هيا وريماس مع من بتتقلاقى
و و شن الحصلة اللي يتحصل فيها رسل من ورا سيراج
و شن اخرت راكان و ايناس
و حياة شن بيتغير معاها
كله تعرفون مع الحلقات الجايات
الكاتبة رومانتيكا نحبكم❤️❤️❤️
أنت تقرأ
Pubg غيرت حياتي
Casualeرواية تحكي علي المصيبة اللي نزلت ها امهات اللي هي لعبة بابجي😂😂😂و قداش غيرت حياة ناس و أو نشوفو الأحداث اللي بتصير فيها و نهايتها مفاجاءة 😇🙂
