راكان:يسمع و مصدوم
ايناس:تشبح في جحيم حياتها بيبدا من اليوم
ماقدرتش أدير اي شي غير انها تلم نفسها في فراشها و تبكي و تدعي في قلبها
راكان:ناض طلع ولع سيارته يجري
سراج :شافه راكان راكاااان خيرك يا راجل
اويس:خلص و طلع يجري وركبو السيارة و لحقو راكان
وصل راكان لي استراحت صاحبهم مالك
مالك هدا استراحته يجره الولاد لما يتعفلقوا يشربو معاه و مرة مرة يجيب في بنات
أويس و سراج :وصلى شافوا استراحة مالك
اويس:اففف يا سراج هدا مدامه جي هني معناها المصيبة كبيرة هلباااا
سراج:تي اي الزح ليه فوق من تلاتة سنين ماحطاش في فمه و تعرف راكان انت الا لما تبدا المشكلة كبيرة ليحي هني
اويس:هيا يا راجل ننزلو نشوفو شن المشكلة
مالك:اروى راكان وبين عاش من شافك
راكان :تعيش و تشوف بالله مانشبح في شي نبي حاجة تغيرلي جوي
مالك:البنات مافيش حد توا راه للكن لو تبي انكلملك للكن شرب خش داخل و خود راحتك اني طالع
راكان:لالالا بنات مانبيش غو نبي نقعد شوية بروحي بس
مالك :تمام هود راحتك بعدين نتكالوا خش راكان و اول شي قعمز طاسة و را طاسة طاسة ورا طاسة لين سكر علي الآخر
اويس و سراج برا :شدهم مالك بدوة شوية
اويس اني بنخش انشوف راكان
سراج:حتني خاش داخل هي تشاو نتلاقو
مالك:هي تمام يا ولاد نتلاقو
خشو اويس و سراج القو راكان متلوح و سرحان
اويس:راكان خيرك شن صاير قوللنا حني زي هواك و أكيد نلقوا حل
سراج:اي صح و اكيدة مشكلة كبيرة مدامك جيت تشرب
راكان:ضحك علي جنب يبو يلصقوها فيا هكي بالعاني اكيدة هادي لعبة من خوها ولا بوها يلصقوها فيا و هيا مش بنت تي شن هدا النم شن هدا اني عيت راه مشاكلكم انتو فوق أم راس راكان مشاكل الخدمة فوق راصي الزفت حتى مشاكل النت ياربي شن داير اني شن داير
سراج:اهدى يا راكان الله إذا احب عبد ابتلاه
اويس:لازم من خفة دمه توا قولي كيف بيحبك ربي و انت حاليا غارق في بحر محرمات😂
سراج:اويسس مش وقت انك توا اسكت
اويس:عندي حل سراج اهرب و ماتاخدهاش البنت
راكان:ساكت و سرحان و يفكر
ناض سراج ايدير لي راكان في قهوة جابهالها و صحصح شوية
اويس:اي زي ماقتلك يا راكان اهرب
راكان :تي شن نهرب ياراجل و الخدمة و تبي بوي ينحلط بعد هدا كله
اويس:اي صح تفكير سليم🙂
سراج:تفكير فتحي مش سليم
راكان:ايااه علينا بتقديرنا حل ولا بتقعدوا تتبردوا😐
سراج:اسمعني خلاص ماديرش دوشة يا راكان
اقبل لي الأمر الواقع و برا تزوج البنت لو طلعت في حاجة طلقها بعد تلاتة شهور و تم الموضوع
راكان :تنهد تمام تمام هي اني طالع بنمشي نشم هوا
اويس و سراج:تمام حتى حني طالعين
حذر الفلوس لي مالك فوق الطاولة و طلعوا
اويس اسمع نلحقوه
سراج :لالا يا راجل يبي يقعد بروحه
اويس:نشوفو وين ماشي ونقعد نراقبو فيه من بعيد ياراجل تقول ماتعرفش الصحافة يشدو اي حاجة علي راكان مايخلو مايقولو
اويس:اي اي صح تمام خلاص خلينا نقعد نراقبوا فيه و خلاص
_________________________________________________
رسل:ايوا حياة شن الجو
حياة :تمام حمد لله
رسل:كلماتك ايناس تتصل بيها ماتردش
حياة:لالا للكن عندي رقم أمها اعطتهولي لما بنعزمها علي العيد ميلاد
رسل:تمام
بعتت حياة لي رسل الرقم
أم ايناس:يا بنتي نوضي كولي حاجة من بكري و انتي تبكي استهدي بالله مرات يكون ولد حلال
ايناس:يا ماما اني مخنوقة مش قادرة شن هدا هادي حياة جديدة راه يا ماما مع شخص تاني مغصوبة عليه و مغصوب عليًا 😭😭😭
أم ايناس:كانت بتتقطع علي بنتها
لي فجاءة يشرين تليفون أم حياة و كان رقم غريب
ردت أم حياة
إلى السلام عليكم
رسل:و عليكم السلام خالتي كيف حالك اني رسل صاحبة ايناس تتصل علي تليفونها ماتردش نبي نسالها بتجي لي عزومة حياة ولا لا
أم ايناس:ايناس توا راقدة يا بنيتي لاكن إنشاء الله تو تجي
ايناس:لما سمعت أمها تقول اوك فرحت فرحة مش طبيعية وناضت تنقز و تحضن في أمها كان المشية لي حوش حياة ردتلها الروح
أم ايناس :فرحت لما شافت بنتها فرحانة هكي ضحت هذه كانا نعرف مكالمة زي عادي بتفرحك راهو اتصلت من بكري
ايناس :تنهدت شكرا يا احلى أم و هيا خانقتها العبرة حضنت أمها
ياماما علاش ربي ما كملهاش معاي و اعطاني بوه يوتق فيا و خو يسندني خو يمضغني و مايلوحنيش خوي يغطي علي خلطي مش يصلحه بي دماري خوي بهون عليا مشكلتي مش ايزيد يكبرها و يخليها عبئ علي كتافي
اتي عييت يا ماما راه تعبت
أم ايناس:متقطعة علي كل كلمة لتقودها و كانا تلقى تاخد بنتها و ادسها بين دهب عيونها كانا تقدر
أنت تقرأ
Pubg غيرت حياتي
Randomرواية تحكي علي المصيبة اللي نزلت ها امهات اللي هي لعبة بابجي😂😂😂و قداش غيرت حياة ناس و أو نشوفو الأحداث اللي بتصير فيها و نهايتها مفاجاءة 😇🙂
