الحلقه الخامس والعشرين
,,,,,,,,,,,,,,,,
عمر بيكلم مي علي التليفون
مي: الو
عمر: واحشتيني
بعتهالي في مسج ليه ليه مكلمتنيش
مي: يعيني قلت هتبقا مشغول فبلاش اعطلك
عمر: وانا اقدر انشغل عنك
وبعدبن هوا هيكون يوم حلو وجميل ازاي لو مبداش بصوتك الناعم دا
مي: ــــــــــــــــــ
عمر: هتفضلي ساكته كدا كتير
علي فكره انا قلتلك وحشتيني
في الاول ومستني الرد
مي:احمد طيب اسيبك انا علشان وراك شغل
عمر: شغل مين ها اسمع
مي: وانت كمان
عمر: يالهوي علي الرقه مش قلتلك ربنا معايا
مي: طب سلام بقا علشان ماما بتناديني
عمر : ماشي سلام
مي: كلمني او ل ماتروح
عمر : حاضر
,,,,,,,,,,,,,,,,,,,
بدات تستعيد وعيها بعد ان تم نقلها الي غرفه عاديه فقد مرت مرحله الخطر بسلام
جنا : اممم
هدي لاحظت صوت جنا فراحتلها بسرعه
هدي :جنا حببتي انتي كويسه
جنا : انا فين
هدي : انتي مش فاكره حاجه
خالص
جنا : لا
ووضعت يدها علي راسها
هدي: ولا اي حاجه لا مسدس ولا ضرب نار ولا اي حاجه
جنا بدات تمر امامها الاحداث و ما قد خانتها ذاكرتها في تذكره للحظات
جنا : ايوه المكتب بتاع عمو كان في حد ضرب عليا نار
مين دا يا طنطن وليه كان في البيت اصلا وضربني بالنار ليه انا اساسا معرفوش
خدت هدي جنا في حضنها
وظلت جنا تبكي
جنا : هوا فين عمو
هدي : في القسم
بيتعرف علي المتهم وكمان هوا اصر انو يقعد مع الي مايتسمي دا
جنا : هما قبضو عليه
هدي : ايوه عمك مسكوا وهوا بيحاول يهرب
جنا : بس انا اعرف انو مينفعش يعقد مع المتهم دا علي حد علمي
هدي : لا ماهو ابن عمك رأفت ليه صاحب ابوه في البوليس فعلشان كدا الموضوع اسهل بالنسبالنا سواء في كدا او في اننا نعرف مين البعتو
جنا : احمد ؟؟
لمعت عينا هدي وتظاهرت بالغباء : ايوه دا حتي انهارده الصبح لما جينا لقيناه قاعد بره
وبلهجه كانها صدقت كلام احمد : اصل يا عيني ليه واحد صحبه عمل حادثه واتصلو بيه وهوا في الغرفه الي كانتت جنبك
مسكين كان نايم علي الكرسي البره
كانت جنا من جواها بتطنطط من الفرحه
وقالت : وهما عرفو ازاي اصلا
جنا : بيقولو الخبر اتذاع في التلفزيون
...............
وفي نفس الوقت كان والد مي لسه داخل البيت
الاب : السلام عليكم
مي كانت نازله من علي السلالم
مي : وعليكم السلام يا بابا
الاب : ازيك يا مي فين مامتك
مي :ماما دخلت نامت بعد العشه علي طول
الاب : ليه هيا تعبت تاني
مي: لا بس علشان كانت صحيه بادري
الاب وهوا يجلس ويفتح التلفاز
علي الاخبار
الاب : خليهم يعملولي كبايه شاي يا مي
مي : انا الي اعملهولك يا جميل
الاب : ههه ماشي يا ستي
وضعت مي الشاي امام والدها وجلست بجانبه
وعلي التلفاز
( تم استقرار حاله ابنه رجل الاعمال رياض حجازي بعد ان ظلت ليله امس كامله في غرفه العمليات وتم التحقيق مع المتهمين واعترفوا بان رجل الاعمال شكري السيوفي كان وراء هذه الحادثه وتم استدعاءه ليتم التحقيق معه وياخذ القانون مجراه )
مي فتحت فمها : يا نهارابيض جنا
الاب : جنا مين
مي وخذت هاتفها بسرعه لتحادثها : دي صحبتي يا بابا هيا دي الي كانت في العمليات
وخرجت لتحادثها ولكن رن هاتفها اكتر من مره ولم ترد
حادثت المنزل اكتر من مره ولم يرد عليها احد لك تنم من التفكير وكيف تنام وتوام روحها لا تعلم حالها وفي الصباح حاولت الاتصال مره اخري ولم يرد في اول مره
وبعدها ردت عليها الخادمه واكدت لها الخبر ولكن لم تسطتع ان تحكي االتفاصيل فمهمتها تلزمها ان تكون صماء بكماء عمياء
وبجرد ان مي عرفت اسم المستشفي راحت بسرعه وعلي الباب لقت احمد واقف تحت المستشفي كل شويه بيبصلها ويجي يدخل بعدين يخرج تاني وقرر انو يخرج وبعدين بص علي المشفي تاني وانطلق لداخل المشفي بسرعه جدا وهوا يحمل ورد وهيا تراقبه وبعد دقايق من دخوله دخلت مسرعه وسالت الممرضه وعرفت الغرفه وراحتلها لقت احمد عندها
مي : جنا كدا يا ام النداله اكون انا اخر من يعلم بجد اخس عليكي
قالت ذالك وهيا في حضن جنا وتبكي
هدي : طب براحه يا مي عليها علشان الجرح وبعدين سلمي يا شيخه
مي ابتعدت عن جنا علي الفور لما سمعت كلمه جرح وقالت وهيا مازالت تبكي
مين الي عمل كدا
جنا : معرفش بس اتمسك
خلاص بقاا متعيطيش اش حال لو مكنتش انا الي مضروبه مش انتي
مي :ههههه حتي دلوقتي بتعرفي تهزري
ازيك يا طنط معلش بس اتخضيت علي جنا جامد
وبحثت علي احمد في الغرفه ولكن لم تجده كانت تتوقع وجوده فقط وجدد الورد علي الطاوله بجانب جنا فقالت وهيا توجه كلامها الي جنا : حلو اوي الورد دا وغمزت لها فابتسمت لها جنا واشارت لها بان تسكت لان زوجه عمها موجوده وبعد قليل دخل وبيده افطار
جنا : اتفضل
احمد دخل نصف داخله وقال : روم سرفز يا فندم
جنا ابتسمت اما مي فاكتفت بقرص جنا
احمد: ايه دا ازيك يا مي انت هنا من امتي
مي : لسه من شويه وانت بتعمل ايه هنا
احمد : انا بشتغل هنا
مي: لا والله
احمد : امال مين الي بيوصل الفطار والغدا والعشا للبرنسيسه اي حد كدا لا طبعا
مي وهدي وجنا : ههههه
هدي : ها بقا يا احمد ادينا فطرنا ايه بقا الي كنت عاوز تقولو ومردتش تقولو الا بعد الفطار
احمد : بصي يا طنط ( قال ذلك وهوا ينظر الي جنا ) : ابو صاحبي الي قولتلكو عليه اتوصلو ان شكري السيوفي هوا الي كان مظبتها خاصتا لان اتنين من الشهود قالو كدا اي نعم الاربعه التانين انكروا وكمان شكري شكلوا بمجرد انو سمع الموضوع سافر ومش عارفين علي فين وخاصتا ان احوال البلد زي الزفت يعني كوسه بس في واحد اسمو فوزي المجرم نافسوا قال ان هوا الي اسموا فوزي دا الي كان كل تعاملوا معاه وان شاء الله هنعرف نوصلو ونعرف شكري دا راح علي فين
هدي : يارب يا بني
احمد : طيب استاذن انا بقا
هدي : اذنك معاك يا ابني
انا هقوم اصلي الضحي
وبالفعل قامت هدي وذهبت لتصلي
اما احمد فبمجرد خروجه تذكر انهو نسي مفاتيحه فعاد مره اخري
فلم يجد في غرفه غير جنا وقد سمحت جنا بدخوله علي اساس انه هدي
احمد : احم احم
امال فين القوم الي كانو معاكي ولا لما انا بجاي بس بيبقوا موجدين اكمني واد زي القمر كدا
جنا : لا يا ظريف طنط بتصلي ومي بتكلم عمر في البلاكونه
احمد : يا ابن المحظوظه يا عمر اتعرف عليها بعد اما انا عرفتك
ودلوقتي هيا مراتو وانا ولا حته قرايه فتحه حظي المهبب اني بحب واحده عامله عقد مع المستشفي
ضحكت جنا من كلامه ومن اسلوبه :هههههه
انت ايه الي رجعك اصلا
احمد : جيت اخد الورد
جنا : فعلا
احمد : فعلا ولا حرفا
جنا : ههه لا بجد ايه الي رجعك
احمد : نسيت اكتب حاجه علي الورد
وراح خد الكرت وطلع قلم من جيبه وكتب بحبك يا اجمل مجنونه شفتها
وخد الكرت وحطو مابين صبعها الصغير والي جنبو في اديها الشمال
وقال: عقبال مادبلتي تطحت مكان الكارت
مي سمعت اخر كلمع قالها احمد
واخذ احمد مفاتيحه وخرج
