كرونيك: ابنة الشيطان 🔫 لاتعبث مع النساء

120

الحلقة120 #Søühilâ🔮 #إبنة_____الشيطان💀 #لا_تعبث_مع_النساء  عند رامين   فاقت من نوم دخلت صال دوبان  غسلت وجهااا وخرجت فتحت لخزانة ولبست تريكواا زرق كوبي بليدين و مرشها شوية باينة مع سروال نواغ وسوندالة زرقا .... ولمت شعرها بإهملل وهبطت لتحت لقاتهم متلمين كامل فطابلة ويكلوااا ... شافت فيهااا صونيااا بنص عين وكملت تاكل .... فاتت عليهم رامين بلى متشوف حتى واحد تمشي بكل ثقة ......               قعدت في مكانهااا حطتلهااا لخدامة لماكلة .... تاكل رامين بلعقل و غاطسة راسهااا فلماكلة بلى تشوف فيهم .......        أوس متبعهااا مع كل حركة تعمل فيهااا.. ومهبطش عينواا عليهاا .... وهذا كل صرى تحت نضرات صونيااا لي قريب تتفقص مش حاملة نضرات أوس لرامين  تمنات كون جات هي بلاصة رامين ويكون يحبهااا كيما  يحب رامين ....... زادت كرهاتهااا .... وحقدت عليهااا أكثر كملواا لفطور خرج أوس من لقصر  وبقات  رامين وصونيا و سوزان  ناضت سوزان وخلاتهم وحدهم ....                     صونيا : وقيلى عجباتك لقعدة هنيا .....  رامين مداتهاش كامل في كلامهااا وكملت تفطر .... صونيا : وينتا معولة تروحي مناااا ..... حطت رامين  لكاس لي فيدهاا بهدوء وشافت فيهااا وتحكي بملامح باردة ..... رامين : هذا سؤال سأليه روحك ... انا سيدة لقصر ومعندي وين نروح ... نتي لي مش مرحب فيك لهناا ...وغريبة بينا باقي كامل اهل لبيت  صونيااا ضحكت بأعلى صوت : هههههه نتي سيدة لقصر ... كشما صرى لمخك ... اوس مستحيل يسامحك  يفكر يتزوج وحدة كيفك خاينة ...... فيقي من احلامك أوس يحبني أنا ويتزوجني انا وعن قريب نكون انا سيدة القصر .... ونتي لي غريبة بيناا .... رامين : نتي لي راح تخرجي من هذا لقصر  ونتي عارفة وانا عارفة اوس ميحب حتى وحدة غيري ورسمت ابتسامة مستفزة ... و اوس مقدرش يكمل حياتواا بعيد عليا و ونسى كلش وبدينا انا وياه صفحة جديدة .... وتزوجنا ورانا عيشين اجمل أيام ... ونتي مبقالك ما تعملي هنا تقدري تتفضلي برى بلى مطرود .....ناضت من طابلة ... وفاتت عليهاا .....                        صونيااا تغلي وشر يطاير من عينيهااا ....  شافت من من كاش حاجة ترميهااا عليهاا  رامين كانت طالعة وراسمة بتسامة على وجهاا ... صونيا رفدت طبسي لي كان فوق طابلة ورمتوااا عليهااا ..... تلفتت مفزوعة  رامين كي سمعت صوت طبسي تكسر ..... صونيا وجهااا تبدل كي شافت اوس واقف قدامهااا وطبسي جا في صدرواا تجرح ودم يقطر من شميز تاعي   رامين راحت تجري عند أوس وتقيس في لجرح تاعوااا  بخوف  ........               رامين : تجرجت ... راهي توجع فيك ... شداتوااا من يدوااا وتعيط  على لخدامة  تجيبلهااا علبة الإسعاف ... نحالهااا اوس يدهااا وشر يطاير من عينيه ....  شد صونيااا من شعرهااا ويعيط عليها ...       اوس : هبلتي واش كنتي راح  تعملي ... تتهجمي على مرتي في نص داري  بلى حتى سبب ... .... عارفة روحك وااااش درتي.... صونيااا : اي شعري وجعتني ...  اوس طلقهااا ورمهااا فلرض ... وهو ينهج صدرواا يطلع ويهبط من لغضب ....           صونيا : تزوجت بيهااا ونسيت واش عملتك فيك ...و انااا كنت ديرني وسيلة تنفذ فيهااا مخططاتك .... اوس : حياتي هذي ومدخلكش واش نعمل فيهااا ..... نتي عارفة ملولة اني نحبهاا هي ونتي تقبلتي لموضع وقعدتي معيااا ... مكذبت عليك و موعدتك بحتى حاجة .....              كنت محتارمك وبتصرفك هذااا خليتيني ننسى أحترامك ليااا .... مبقى عندك حتى حاجة في هذا لقصر منقدرش  نخلي مرتي مع وحدة متوحشة كيما نتي ناضت صونيااا من لرض شعرهااا مخرب وتهدد فيه ... راح تندم على واش عملت فيااا ونوعدك مراحش تفرح راح نخربلكم حياتكم ... شافت في رامين  ونتي راح تندمي على يوم لي قررتي تعاودي تدخلي فيه لحياتي وعسي روحك فأي لحضة نقدر نخرج ليك  وعودت شافت في اوس دير هذا لكلام مليح في رسك مشي صونيااا لي تتهان ... اوس شدهااا من يدهااا يجر فيهااا وهي تعيط يطلقهاا   رمهااا برى لقصر وغلق لباب وخلاهااا تعيط برى .... رامين بقات واقفة في بلاصتهاا مقدرتش تستوعب وش سمعت واش قال أوس لصونياا .. مزال يحبهااا و تزوج بيهاا لانوا مزال يحبهااا .... مكانتش متوقعة كان يحبهااا صح ... كل لي كانت عارفاه انوا تمصخر بيهااا ومكانش يحبهااا .... بقات وقفة في مكانهاا مصدومة ... حتى انهاا مسمعتش كامل تهديد صونيااا مخهااا عند اوس  واش حكى .....