كسرتني

البارت الثالث

قد لا أعرف أشياءً كثيرة،
لكن هناك شيء واحد أعرفه جيدًا هو أنني لست في المكان الصحيح.
..................................................................
لج اي شبيج
لا ايات كولي جذب خطابتيش
ليش شكو احسلج لج يكولون خوش ولد
ياربي منين اجتلي هاي
نهئ شبيج احجيلي ليش رافضه

ايات وخواني يوسف وعلي مااكدر اعوفهم
ليش شبيهم
لج شنو شبيهم ماتدرين يوسف مريض
وعلي راح يجي من تركيا

جنه نحجي انا وايات يم باب الاستقبال
فجاة انفتح الباب

ام حسين
هله بيبي نهئ اجيتي
بيبي انتي اهنا
اي بيبي تعاي امشي وياي
رحت وي بيبي وخذتني للمطبخ
شوفي بيبي
اكيد ايات كالتج منو بلسقبال
اي بيبي كالتلي

بيبي المره خوش مره والولد حباب
وفوكاهه ضابط وهم هنا بيتهم مو بعيد
بس بيبي انا ....
اعرف بيبي اعرف شنو شغال بالج اخوانج
شوفي بيبي من ماتت امج سلمتنياكم امانه الي

لان جانت تعرف بابوج كلش زين
تعرف بي مراح يصونكم
وانا خليتكم بعيوني
تذكرين من خلصتي ثالث وبطلج ابوج
تعرفين شسويت بي
علمودج

اي بيبي لو لاج مارجعت للمدرسه
بيبي ام رائد اعرفه هيه صديقتي من احنه صغار حتئ ابو رائد الله يرحمه اعرفه

وابنه امير خوش ولد وضباط وباجر يترقئ ويصير نقيب ويطلعج للبيت
مع اني اعرف مراح تبقلين لان اكيد راح تتعلقين امه

ام رائد مثلج تحملت مسؤلية اخونه وهيه صغيره
كبرت وصار عمره 16 سنه واتزوجت

وصار عده رائد وكدرت تحمي بيته وزوجه ولده

بيبي ام رائد راح تخليج بعيونه
وامير راح يسويج ملكه
ويخليج بعيونه

بس بيبي ودراستي وحلم ماما
اعرف بيبي
اعرف تردين تكملين دراستج وانا كتله
وهمه ماعدهم مانع كالو ختكمل ماعدنه مشكله

ها بيبي شكلتي
مااعرف بيبي محتاره
لا محتاره ولا شي اقبلي وخليه علي
الولد ماتعيب اشو حلو وضابط وحباب

خلص بيبي القرار بيدكم انتي وبابا

ههه تعاي بيبي تعاي خل ابوسج
راح اتصيرين عروسه يابيبي
واخير راح اشوفج بدلت العرس
اخخ يا سهام تعاي شوفي بتج راح تصير عروسه

اتمنيته هسه يمي
لاضوجين بيبي اقريله الفاتحه اكيد هسه فرحانتلج

دمعت عيوني من بيبي ذكرت ماما

ماما ماتت وانا عمري 9سنوات
اتمرضت صاره بيه سرطان دم وتعبت يالله ماتت
بقينه انا واخوي يوسف وعلي عد بيبي لان بابا اتزوج خاله سعاد

ومن صار عمري 10 سنوات رجعنه لبيت بابا لان بابا وعمامي رفضو نبقه عد بيت بيبي

ومن عده اتحملت مسؤليه اخواني