كسرتني

البارت السابع

امير

يمه احنه بعد بس نحدد مو عد الخطوبه
يمته اتريده انته
يمه مااعرف انتي شوفي ياموعد مناسب وحددي
چا خوش يمه انا اشوف يوم جمعه مناسب لان خطيه هيه عده مدرسه

خوش يمه بعد براحتج
انا رايح انام لتكعديني

روح يمه نوم العافيه
الله يعافيج
رحت انام بلغرفه وگلبي يم نهئ
وعقلي يم رزان
يالله احس نفسي تايه
مااعرف شريد
يارب دخليلك دليني ع طريق صح
كلبي يكول نهئ مناسبه وحلوة
بس عقلي يعارض ويكول رزان حبيبتك
تايهه وحس نفسي بحرب بس حرب صعب اطلع منه

نمت وانا افكر برزان وبنهئ
انفجر راسي من تفكير

نهئ

شنووووو

اوووو ولجن نسيت اكلجن
منتضر قبل جم يوم
طلب من امي اتروح تخطبله علياء بت خالي
وراحت امي وخطبته وهم قبلو
اوووف ولا اتمنئ علياء تزوج منتضر لان متستاهله

ليش شبيه

لج شبيج نهئ نسيتي متزوجه ومطلكه

اي حتئ لو هذا مو عذر مترديه

اي صح بس انا مااريده لان هيه مو حلوه صح ام بيت ومعدله
بس تعرفين فد خبيثه وحقوده

نور تحجي واباوع ع ايات الي دا تصارع علمود لا ينزل دموعه
حجت بكل قوه وبانكسار وبحزن وبغصه والعبره جرحت حنجرته

مبروك نور انشالله يعيشون بسعاده

حبيبتي تسلمين يوم الج

مشكوره يالله راح اعوفجن وحدجن اشوف امي
اخاف محتاجتني

نور .... اخذي راحتج

وانا خليت ايدي ع ايد ايات واباوعله بحزن
هيه تباوعلي بانكسار
وراسمه بسمه القوه ع شفايفه

لما لزمت ايده جنه فهمتني
وهي مبتسمه هزت راسه والعيون غركن من دمع الحابسته
بس تركت ايده
كانما اطلقت سراحه

راحت ركض طلعت وسدت الباب

اي همزين طلعت
اي ست نهئ كوليلي شلونه العريس حلو مو

نور العريس نفسه الولد السولفتلج علي

نور وهي مصدومه وفاتحه عيونه
عاااا احلفي نفسه نفسه
اي نفسه واسمه امير

يااااا حبيبتي هسه لازم اتفرحين لان الشخص التحبي حيصير زوجج بعد شتردين
شفتي شكد بجيتي ونقهرتني بس ربج مانساج
حياتي نهاوي ربي يسعدج

يعمري تسلمين
نور ممكن سؤال

اي اسئلي
منتضر يمته راح شاف البنيه وهوه جان يحبه

شافه قبل ثلاث ايام اعتقد اي يحبه لان
هوه اصر ولح ع امي تخطبه

اها الله يسعده
اتعرفين الكلام بيني وبينج امي رادت تخطب
ايات لمنتضر
وامي بس حجت وي منتضر ظل يصيح
انا مااخذ وحده امه كاوليه
وامي كلتله هيه ماله غرض بامه
بس هوه كال حتئ لو تبقئ بنضري راكوصه مثل امه