# غموض ❤ حلقة 16 ❤
ما قبل الأخيرة 🔥
الكاتبة " هبوش "
حسيت إن الطريق غريبة مش نفسها إلي ترفع لحوشهم😨
صهيب : غريبة ماسئلتيش وين ماشيين
اني : إن شاء الله تاخدني لآخر الدنيا عادي واثقه فيک
صهيب ابتسم وعدل لمرايا قعد يساوي عليها ف شعره
درسنا قدام عمارة
صهيب خذي المفتاح والتلفون : هي انزلي
.
فاطمة تبكي ورابطه راسها
صالح : ولدك راجل ماهوش عيل تو يضربه الحيط ويرجع
فاطمة : الله لا تسامحك يا سعد انت إلي وحلتنا فيها
صالح : الذنب ع ولدك البنت شن دخلها
فاطمة : به كيف بنديرو أنت عارف صهيب إلي ف راسه يديره يديره
صالح سكت
فاطمة : تكلم اعطي رايك ماتقوليش انك موافق عليها
صالح تنرفز : واااك تو اني قتلك موافق ... ووقف : لا حول ولا قوة إلا بالله
.
خشيت وراء صهيب وسكر الباب
اني : علاش جينا اهني به
صهيب حط يديه ع كتافي : هادي شقة هيثم صاحبي وانتي حاتقيمي اهني فيها تمام
اني فهمت : معاش يبوني ف الحوش به إني شن ذنبي ؟ شن درتلهم
صهيب : اني إلي اخترت هالشيء ومعاش نبيك تخدمي والحوش مش حاتخشيله إلا معززة مكرمة
اني : مافهمتش
صهيب : تو تفهمي
اني : بنقعد بروحي اهني معقولة ؟ ونفس الوقت مايجيش يا صهيب تقعد معاي
صهيب : عارف واني الحرام مانديراش ف خلي الموضوع ساهل تو نلقو حل آن شاء الله
خشيت قعمزت ع الصالون
صهيب : بنمشي نجيب حاجات من المحل مانيش معطل وانتي ردي بالك تفتحي الباب لأي حد شوفي من العدسة قبل
اني : تمام
هو طلع واني عاد قعدت بروحي وبدت الأفكار تجيني وتمشي وخايفة بنموت مش متقبلة اني نخسر صهيب بعد كل إلي صار😭
.
صالح طلع متنرفز وصل للشركة لقي حالتهم حاله وحايسين
وكل إلي صار إن صالح ليه شهر خاش ف صفقة مع شركة تانية نصابة وخسروه كل املاكه😳 اي كل فلوسه حطهم ف الصفقة هادي والشركة خسرت كل شيء وفلست
والموظفين كلهم حاسو ومجرد متشابهة زادو خشو بعضهم وماعرفوش كيف يوصلوله الخبر
أنت تقرأ
غموض ( روايات ليبية )
Romanceتدور الاحدات حول بنت شاء القدر انها تشتغل في بيت لم تتخيل يوم انها تشتغل فيه و تنقلب حياتها راس علي عقب و قصة شاب يحلم في حلم غير يتكرر له شبه يوميًا جعل حياته تتغير . رواية من داخل المجتمع الليبي 🔥
