#غموض ❤ حلقة 4 ❤
الكاتبة " هبوش "
صهيب طفى التلفون ونزل من السيارة وخش بيني اني والشاب
لين خشينا المحل
صهيب : هيا يما وقت
فاطمة : بسم الله 😕خيركم لحقتوني
اني شفت لي صهيب
صهيب : فيه محلات قراب من اهني نمشولهم بالمرة وتقعد السيارة مدرسة
فاطمة : باهي هي
ومشينا قصينا الطريق ونتبعو ف صهيب لين خشينا المحل
فاطمة : خشي غادي خوذي شن ناقصك
اني : تمام
وخشيت خذيت توتين ودجاكة وفانيليا وكم حاجة تانيات
صهيب كان متكي ع الباب وفاتح تلفونه وبعدين شاف جيهتي ونزل عيونه للتلفون
خذينا كل شيء وطلعنا روحنا
.
.
تاني يوم خشت غادة لمعاذ ف داره
غادة : معاذ يامعاااذ
معاذ فتح عين وحدة : خير امک
غادة : نوض وصلني بنمشي انزل مواد
معاذ بصوت ناعس : اقلبي وجهك يوصلك صهيب
غادة : تي صهيب مهناش هيا يابارد ماعنديش غيرک
تلقاني ف السيارة باااي
وطلعت تجري
معاذ : تي ..... استغفر الله منين طلعتلي
وناض خش للحمام حشاكم
اني كنت نغسل ف اماعين فطور عمي صالح ومرته
خشت غادة فتحت الثلاجة خذت منها طرف شكلاطة : ترا دوريلي
اني : نعم
غادة تفتح فيها وتتسهوك : اممم خديتيها امس
اني : اي علاش
غادة : شن دخلك نسئل فيك جاوبي 😑
اني رجعت نغسل ومارديتش عليها
معاذ نزل : هيا وينك يادراه
غادة طلعتله ومشت معاه
.
صهيب كان عنده اجتماع ويتناقشو كلهم
نحكيلكم عليه شوية " صهيب انسان جدي مع الكل ماعنداش ع البصارة شخصيته قوية وباردة وتفنيصته بروحها تخوف .. جاته فترة تعرف ع رفاق السوء وبدا يتعاطى زيهم رغم انه كان إنسان كويس ويخاف ربي من يوم خلط عليهم سيب صلاته وانقلب حتى ف الحوش ع حاله
مواصفاته " طويل لكن مش هلبا جسمه معضل وابيض وعيونه ملونات "
كان مش طايق روحه وديما يحاول يبتعد ع المخدرات لكن مش قادر حاول بجميع الطرق لكن خلاص ادمن عليهم💔
أنت تقرأ
غموض ( روايات ليبية )
Romansaتدور الاحدات حول بنت شاء القدر انها تشتغل في بيت لم تتخيل يوم انها تشتغل فيه و تنقلب حياتها راس علي عقب و قصة شاب يحلم في حلم غير يتكرر له شبه يوميًا جعل حياته تتغير . رواية من داخل المجتمع الليبي 🔥
