#سحر_كادي ❤ حلقة 4 ❤
للكاتبة " هبوش "
رواية لها بصمة واقعية ممزوجة بالاكشن
مهند خش : صلاااااح فوتها
صلاح طلق يدي : ماتشوفش فيها
مهند قطع عليه : تو نتفاهم معاها أطلع
صلاح نفخ وطلع مع علامات الاستغراب ع وجهه
اني : شن إلي مزال تبيه انت ؟
مهند رد الباب ورجع وقف قدامي : اسمعي خليك عاقلة وماتنفعليش عليا واني جاي بنقولك ماتخافيش مش حايقدرو يديرولك شيء مدامني موجود
اني : يا عيني ومزال تبيني نوثق فيک
مهند : اوثقي فيا شن خاسرة عيشي حياتک اهني بين لبنات ومدامك ف حمايتي ما حد ليه كلمة معاي اهني مش احسن ماترجعي للعذاب غادي !!
اني : اصلا يوم حكيتلك كان يوم اغبر قاعد تستغل فيا انت توا وتتشمت
مهند ضحك : بالله شن تخرطي
اني رجعت شفتله : وبعدين مستحيل نقدر نرجع لحوش عمي والله يقتلني 😢
مهند : انتي من بيخليك ترجعي غير معاش تفكري ف شيء واطلعي توا افطري وعطيني شوية وقت بس
وطلع وسيبني طبعا مادورتش كلامه ولا فكرت فيه حتى التفكير لأني كرهته ومعاش عندي فيه ثقة لو كان يدوي جديات ره قلبه حن ع البنات وردهم لحياشهم 😑
.
صلاح : مش عارف ياراجل خيره بدي يخرط مهند فيه قصة وراء هالبنت
فارس : اسس فكنا منه ره يسمعك الحكم عنده هو احني مادخلنا بشيء
صلاح : اني خايف عليه من خليفة .....
مهند خش ع الكلمة هادي : خيره خليفة ؟ شن فيه
صلاح وفارس سكتو وقعدو يشوفو لبعض
مهند ضرب يده ع الطاولة : تي تكلم انت ويااااه
فارس : خليفة قال يبي نغم حولوها غادي
مهند قام حاجبه : شن السبب !
صلاح : ومن يقدر يسأله اصلا
مهند : خلاص حولوها اصلا شن الفرق اهني ولا غادي
فارس : اني نقول من الأحسن نغيرو مكانهم كلهم قعدين يلاحقو فينا وغادي أمان أكثر
مهند : هذا كله مش شورک يا فارس
فارس : تمام
.
طلعت لقيت البنات ف الجنان ويهدرزو لبنى واقفة ع صابر ونغم مقعمزة بروحها تحت شجرة مشيتلها
اني : نغم ؟
نغم : تعالي قعمزي
اني : وين سرحانة
نغم : مش عارفة فيه حاجة مش مريحتني
اني : استغفري ربک وتو تفرج ... وابتسمتلها
وقعمزت مديت رجليا : المكان هذا غريب والمعاملة فيه غريبة حتى ف الأفلام مامرش عليا صح فيه هلبة ناس تخطف فالبنات لكن مش عارفة اهني حسيتهم وراهم حاجة تانية
نغم : انتي ماشفتيش المكان التاني متع واحد اسمه خليفة هو إلي يحكم فيهم حتى الماكلة ماتشوفيهاش باليومين وسب وشتم ويعاملوک كأنك حيوان حشاک اهني فيهم الخير
اني : يعني عندهم من يدعم فيهم ؟
.
.
ف نفس اللحظة مهند واقف ع الروشن ومقابلني وحاط يديه ف جيبوه ويفكر ف خاطره : مهند انت شن صارلك كيف قلبك رجع يحن بعد البنت هادي معقول تكون جديات ؟
لا مهند رد بالك تكرر نفس الغلطة اصلا شن وصلني لهالمكان إلا هالشيء
.
فارس جي وقف علينا : انتي هي إلي اسمك نغم
تلفتناله الزوز
فارس : نوضي لمي حوايجك بيحولوك يلا من زيك تتدهوري من مكان لمكان
نغم شافتلي بصدممممة
اني : علاش تحولو فيها
فارس : انتي شن دخلك حلوة والله
نغم قعدت حاطة يدها ع قلبها وتبكي مسكينة
وفارس خش لحقته : غير اسمعني ياخوي
فارس دفني : انتي شن جابک اهني امشي اطلعي
اني : بالله عليك نبي نكلم مهند بالله عليك
فارس : تي بري اطلعي خير ماتشوفي شيء مايعجبكش برري
مهند فتح الباب : فارس شن فيه
فارس : الحصلة إلي جبتها امس
مهند : خيرها
فارس قعد يحكيله واصلا عندهم ممنوع اي وحدة تخش للقاطع إلي يخططو فيه ضروري ماتتعاقب
مهند : والله ؟ خليها حسابها عندي الليلة
فارس : خليني نفش غلي فيها اني ومنها نقابل هالوجه السمح 😍
مهند : برا من وجهي خير مانولي عليك انت
.
نغم قعدت تلم ف دبشها وتبكي وأني واقفة مقابلتها ونشوفلها وواجعتني 💔 مانبيش نقعد بروحي
صلاح فتح علينا الباب : انتي ايوه تعالي معاي
اني : اني قصدك 😕
صلاح : تي اطلعي الزفت سقديني
طلعتله ونرعش م الخوف : شن تبي
صلاح : الليلة ليلتك ياكادي يا بنت الطليان😍😂
وشدني من يدي وخداني لغرفة مظلمة قعدت واقفة فيها مانشوف ف شيء وصقققع قريب جمدت
لين خش واحد عليا داير فلاش .........يتبع >
أنت تقرأ
سحر كادي ( روايات ليبية )
Romance" كادي " بنت ليبية من أصول غربية تملك سحر خاص ، تنقلب حياتها راس علي عقب بعد ان تقابل شخص يغير حياتها 🔥❤️😍 ؟ فما النهاية ؟ للكاتبة : هبوش
