#سحر_كادي ❤ حلقة 10 ❤
الكاتبة " هبوش "
فارس سكر باب الكوجينة بالمفتاح وقرب مني
اني نوخر وهو يقدم
فارس : خيرك خايفة ماتخافيش مني اني نبيك كادي
اني : زيد خطوة تانية تشوف شن يصيرلك ..... وجبدت موس لحم
فارس ضحك : خلينا نتفاهمو خير ماتندمي
اني : ماعندناش علاش نتفاهمو ابعد من عليا واطلع
فارس : حتى لو الموضوع فيه حياة مهند ؟
اني : كيف !!!
فارس : تقبلي تكوني ليا مقابل انک تنقذي مهند وتنقذي روحك
اني : محقرکككككك
فارس ضحك ع جنب : هذا إلي عندي توا
اني : يعني وقفتك معانا مش بلاش ياواطي ... تفي عليك
مهند مسح وجهه : مافيش حاجة بلاش ف وقتنا هذا
اني : بس حتى لو قبلت بيك تأكد إني مستحيل نحبك ولا نتقبلك
فارس : اووو ههههه ياحرام شكلك تحبيه هلبة
اني : حسبي الله ونعم الوكيل فيك ياغدار
فارس : حبيتك مش بيدي😂
اني سكتت
فارس : حانتزوجك خلال الاسابيع هادي
اني : ومهند ؟
فارس : مهند يعيش معانا يعني ف حوش صاحبه ومرته وهكي يكون ف أمان حتى هو
اني نزلو دموعي لا اراديا لأن ايديا ورجليا تربطو كل خيار كان اصعب من التاني فارس طلع واحد نذل وكل المساعدات إلي قدمها عشان مصلحته بس
دق الباب طلعله فارس
مهند : عندك دخان ماحصلتش
فارس : عندي ف السيارة اصبر نجيبه ونجي
مهند رد الباب ردان وخش : كادي
اني انهرت بكاء أول ما سمعت صوته وحطيت يديا ع عيوني
مهند خشلي ف الكوجينة : كاد..... تي خيرك شن صار
واني قعمزت ومنهاااااارة
مهند سيب الاكياس وجاني يجري : بسم الله شن جاك
اني : ياريتني متت معاهم شن إلي شفته 22 سنة
مهند يشوفلي بااستغراب : فارس قالك حاجة زعلاتک ؟
اني هزيت راسي بمعنى لا
مهند : تي مالا خيرك
فارس خش وسكر الباب
مهند تلخبط وناض طلعله
فارس قعمز ع الصالون : ان شاء الله غير ارتحتو
مهند ولع دخانه : مافيش شخص ملاحق مرتاح
أنت تقرأ
سحر كادي ( روايات ليبية )
Storie d'amore" كادي " بنت ليبية من أصول غربية تملك سحر خاص ، تنقلب حياتها راس علي عقب بعد ان تقابل شخص يغير حياتها 🔥❤️😍 ؟ فما النهاية ؟ للكاتبة : هبوش
