سحر كادي ( روايات ليبية )

حلقة 12🔥

#سحر_كادي ❤ حلقة 12 ❤

الكاتبة والمؤلفة " هبوش "

طلعت شوية ورجعت : مهند يبيك

اني : وينه

هند : ف الصالة

لبست وشاحي وطلعتله : ها مهند

مهند : حبيبتي شن الأمور عندک

اني ابتسمت : اطمن اني مرتاحة

مهند : اهني حانكونو ف أمان إن شاء الله

اني : به رد بالك تطلع مش حانسامحك لو تطلع وماتقوليش

مهند ضحك : حاضر خشي ارقدي توا

اني : تمام تصبح ع خير

مهند : وانتي من اهلو

وقصتي حاتبدا من اهني لأن كل شيء انقلب وكأني رجعت نعيش من جديد

هند هادي بنت طيبة مافيش منها اتنين عندهم ولدين وبنت وتوا حامل
وفرتلي كل سبل الراحة ورقدت واني مطمنة وفرحانة بمهند لأن اعترفلي بحبه ليا ❤

تاني يوم مع ساعه 11 نضت

طبقت البطانية لين خشو عليا أحمد وانس يتعاركو ع سيارة لعبة

أنس : عمتي قوليله يعطيني سيارتي

أحمد هذا شكله شرير ومسيطر ع خوه😂 : والله ماني عاطيك

اني : حبيبي انت شن اسمك

أحمد : أحمد

اني : وانت ياحلو

أحمد : هذا اسمه أنس

اني : به يااحمد سيارتك ولا سيارته هادي

أحمد : هيا متعه لكن نبيها هو ديما يلعب بيها

هند خشت وفي يدها سفرة لفطور : أحمد عطي لخوك خيرلك ره

أنس قعد يبكي

واحمد لوحها عليه وطلع

لحقاته هند شداته مع وذنه : شن ندير فيك توا

اني مشيت وفكيتها منه : لا حرام عليك صغار شن يفهمو

هند : امشي ألعب برا أنت وياه

تي مدهشيني بالذات أحمد مانوده لعدوي

اني : ههههه يهبلو الصغار إلي هكي

وقعمزنا الزوز ع السفرة

اني : عندك ولدين بس

هند : وبنت أكبر منهم غير قعدة مع جداها تقرأ من غادي اسمها أريج

اني : ربي يحفظهملك وينوضك ع خير

هند : سلمک إن شاء الله

اني : مهند زعما ناض

هند : ناض هو وخليل من بكري وعطيتهم حتى يفطرو

بينما قعدين نفطرو نسمعو ف صوت عياط وعالي