المنتقم بقلم/ دنيا امجد dolly🍭( مكتمله)

الفصل 21

المنتقم
الواحد والعشرون
بقلمى//دنيا امجد
صلو على الحبيب💕💕
كام يوم عدى على الرساله اللى وصلت لرهف
"" محتاج نتقابل حددى المعاد وابعتيلى رساله على نفس الرقم""
سرحانه واقفه ف المطبخ بتقلب ف الاكل فهد جه من وراها ضمها:مالك؟؟
رهف بصتله: مافيش (دوقته)ها استوى
فهد:لسه شويه
فضلو مع بعض اكلو ورهف لسه سرحانه بتفكر فهد جاله تليفون
فهد:حبيبى مضطر امشى ورايا مشوار هخلصه واجى تمام
رهف:تمام
فهد سابها وطلع ورهف مسكت فونها بعتت الرساله واستنت الرد
فهد راح لصالح :ايه الجديد ؟؟
صالح.:صادق مجهز شحنه جديده من من غير الكبير ولا صابر مش عارف ليه ؟؟بس شكل الكبير بتاعهم ناوى على حاجه
فهد:وانا بقا عاوز الكل اسد وصادق وصابر مع بعض اخلص من الكل علشان ارتاح وريح ابويا ف قبره
صالح هز راسه بتفهم:احنا وراهم بس اسد بيغير مكانه باستمرار ...انا طول عمرى بحب والدك ونفسى انتقم من اللى كان السبب
رهف وصلت المطعم وكان فاضى الى حد ما!!
دخلت قعدت واستنت
الجرسون :تحبى تشربى حاجه يا انسه
رهف:قهوه تركى مظبوط
الجرسون اخد الطلب ومشى   ورهف متوتره وماسكه فونها فهد رن
رهف:الو
فهد:انتى فين رهف انا وصلت وانتى مش موجوده ليه؟؟
رهف:رحت مشوار ساعه وجايه باى
فهد :باى
حسام مع زين ف الشركه
حسام:فهد فين يا زينو؟؟
زين:هو ف البيت اجازه النهارده
حسام:ايه رائيك نقوم نفسح البنات علا مخنوقه من الحمل والقعده ف البيت
زين:فكره هكلم زينه برضو
كلموهم وخرجو مع بعض
علا بطنها كتير ووزنها زاد وتعبانه
حسام ماشى جمبها محاوطها باديه وهى مبتسمه
زين ماشى جمب زينه مش راضيه حتى يمسك ايدها
راحو كافتريا
علا :حسام عايزه حاجه مسكره ...حسام قام وزين معاه
زينه قربت منها:انتى حامل ف ايه يا علا
علا: تعالى كده قربى ...((قرب منها وعلا همست))حامل ف تؤام بس حسام مايعرفش
زينه ضحكت
حسام وعمر جم وقعدو
حسام:ايه سر الضحك دااا؟؟
زينه:مافيش عادى
زين:تاكلو ايه؟؟
رهف فضلت مستنيه دخل شابين وقعدو قصادها وهى خافت
آسر ابتسم:متخافيش انا اسر ودا ياسين
رهف ابتسمت بتوتر:وانا رهف انتو اللى بعتولى الرساله تعرفونى منين؟؟
ياسين :احنا اخواتك
رهف اتصدمت:نعم!! اخواتى منين؟؟
آسر :انا هفهمك ...انااسمى آسر صادق ناصف ودا اخويا التؤام ياسين
رهف:يعنى انتو اخواتى من بابا هو كان متجوز على مامى
آسر :لا كان قبلها احنا اكبر منك ب 7سنين
رهف :انا مش فاهمه حاجه
آسر :انا هفهمك
الحكايه بدأت لما صادق اتعرف على امى كانت يتيمه لوحدها ضحك عليها واتجوزها ....امى كان عندها ورث (اتنهد بحزن )اتجوزها على اساس يشغل فلوسها خدعها باسم الحب (ابتسم بسخريه)وامى كانت صغيره وحلوة اعجبت بيه ....ووافقت فضل متجوزها سنه امى وكلته بكل فلوسها يشغلهالها ....وهو شغلها وعطته الامان بس بدء يشتغل من وراها ويعمل صفقات من غير موافقتها ولما عرفت ...وواجهته انكر طبعا ..فضل على الحال ده سنه كمان لحد ما مضاها على عقد بيع من غير ماتاخد بالها (كمل بغيظ)اخد كل فلوسها خلاها على الحديده اخد كل حاجه ورماها ف الشارع من غير اى مأوى ...امى كانت حامل فينا ولما راحتله علشان تقوله انها حامل وتفرحه يمكن يرجعها اتصدمت انو بيخونها ف شقتها على سريرها مع السكرتيره
(رهف دموعها نزلت وهو كمل)ساعتها راحت وسابت البيت عاشت ف اسكندريه بس الحظ خدمها انها كان معاها فلوس بإسمها  كان على جمب مايعرفش عنهاحاجه راحت اشترت شقه وفتحت مطعم وعاشت ف اسكندريه وولدتنا وسجلتنا بإسمه لانو كان لسه ماطلقهاش ويشاء ربنا بعد مانتولد بشهر يبعتلها ورقه طلاقها بس كنا اتسجلنا وخلاص فضلنا عايشين معاها وكبرنا ولما امنا تعبت ....حكتلنا على كل الحكايه وعرفتنا ان ابونا اتجوز كنا كبرنا وانا كنت ف كليه شرطه اخر سنه وياسين ف طب ....امى تعبت جدا
واتوفت بعدها اتخرجت واشتغلت وفضلت وراه لحد ما عرفت ان شغله مشبوه مخدرات وغيره وكان لازم حد يساعدنى انا وياسين
ورحت تركيا ووالدتك ساعدتنى كتير الله يرحمها (رهف برقت من الصدمه
رهف:ماما ...كانت عارفه ؟؟
آسر كمل:كانت عارفه وبتساعدنى لما عرفت كل حاجه منى وبقت تبلغنى بمعاد كل الصفقات اللى مع التاجر واللى بتيجى عن طريق المينا بما انها ليها معارف  ف الجمارك ف المينا وبقت تبلغنى بكل جديد بس للاسف
ابوكى عرف وقرر انو لازم يخلص منها
رهف هزت راسها بعنف :لا لا انت كداب
آسر:يوم ما قولتى لسوزن على فهد عرفتنى وقولتلها على كل حاجه ان ابوه مات بسبب ابوكى نصب عليه طبعا بس هى اكدتلى انو بيحبك وانتى بتحبيه ....
علشان كده كنت براقبه واراقبك علشان احميكى
كمل بحزن:بس للاسف يوم موت سوزى هربت من الحراسه وماتت ....
انا اسف لخسارتك بس كان لازم تعرفى كل حاجه ان ابوكى ناوى ياذى فهد بس انا معاكى
وهحميكو
رهف انهارت من العياط:يعنى ماما اتقتلت بدم بارد ...وابويا هو اللى قتلها
.لا انا مش مصدقه انت كداب
آسر طلع بطاقته:اهو اسمى وشغلى ورتبتى
احنا اخواتك
رهف سابتهم ركبت الرايس بتاعتها وساقت باقصى سرعتها عايزة تتنفس مخنوقه مفيش هوا جواها حاسه انها بتموت
كلامه بيتردد ف دماغها وصيه امها انها تنزل مصر وتتجوز فهد من كلام صحبتها كل حاجه
روحت بيتها طلعت ودخلت جمب فهد وحضنته قوى
فهد حس بيها:انتى ايه اللى اخرك؟؟
رهف ماردتش بس دموعها نازله بصمت
فهد حس بيها وحاول يهديها بس مافيش فايده فضلت تعيط بهستيريا لدرجه انها بتصرخ مش بتعيط
فهد كلم الدكتور وطلع عندها انهيار عصبى
شهر عدى ورهف جثه بلا حياه بتذاكر وبس تروح الامتحان وترجع قاعده لوحدها محاولات الكل انهم يخرجوها من اللى هيا فيه مافيش كلها فاشله
اخر يوم امتحان فهد قرر يفاجئها نزل من الشركه بدرى راح يشترى شوكلت ليها زى كل مره على امل انها ترضى وترجع تبتسم وعيونها تلمع زى زمان .. اد ايه وحشته ابتسامتها....ضحكتها ...لعبها ...وصوتها وهى بتنادى"فهدى"اشترى البوكس وفتح الباب فجأه الدنيا اسودت قصاده ومحسش بحاجه وغرق ف الضلمه
رهف قاعده سرحانه كالعاده حست بحد حوليها
آسر:رهف
صرخت:انت
قرب منها واخدها ف حضنه :عامله ايه ؟؟لسه مصدومه ؟؟
رهف عيطت
آسر:رهف عندى ليكى خبر
رهف بصتله وهو كمل:فهد
رهف قلبها دق بخوف انو يكون حصله حاجه مش هتتحمل ابدا يحصله اى شئ
آسر: فهد اتخطف...واللى خطفه صادق
رهف بجمود:لازم نرجعه
آسر:انا متابعه مع الرجاله ماتقلقيش هننقذه ماتقلقيش 
صادق دخل المخزن فهد متربط ومضروب
صادق:عاجبك كده ؟؟بس منورنى ياابن الدمنهورى والله!!
فهد رفع راسه:حمايا العزيز...بس ليه جبتنى هنا للدرجه دى واحشك؟؟
صادق:لا وانت الصادق عايز الشغل يمشى من غير مايبوظ المرادى بسببك فاانت هتشرفنى كام يوم لحد ما الصفقه تعدى !!
عدى يومين ورهف وآسر وياسين بيدورو على فهد وصالح بيدور مع رجالته
صادق كان زكى وغير المخزن اللى فيه فهد
رهف مع آسر :انتى لازم تروحى لابوكى
رهف:ليه؟؟
آسر: هفهمك.........
ف الشركه
زين:حسام هنعمل ايه !؟؟ فهد مختفى
ومحدش لاقيه ابدا حتى مراته
حسام:عندك حق !!ممكن يكون اتخطف او حد اذاه
زين:مش عارف صالح والرجاله بيدورو وراه ولسه مافيش حاجه ربنا يستر
حسام:يااارب
عند صابر
صابر مع صادق ف الشركه
صابر:واخره خطفك ليه ايه؟؟
صادق:شويه لحد ما الصفقه تمشى
صابر:اوعى تكون ناوى تموته ؟؟
صادق:انا اللى يقف قصادى اموته ...مراتى ماصعبتش عليا لما موتها ...هيصعب عليا دااا!/
::بابا😐
🌹🌹🌹🌹🌹🌹🌹🌹🌹توقعاتكم
سورى على التاخير
اللهم ارفع عنا الوباء والبلاء يارب العالمين
##دمتم فى طاعه الله
Dody💕