المنتقم بقلم/ دنيا امجد dolly🍭( مكتمله)

ج11

الفصل الحادى عشر
((المنتقم))
بقلمى/dooody🍭🍭

رهف طبعا دخلت مبسوطه فرحانه طايره لانها اخيرا مع حبيبها واخيرا جمعهم بيت واحد بعد مكان بينهم بلاد وساعات طويله سفر اخيرا بينهم كام خطوه
🌹🌹🌹🌹🌹🌹🌹
فهد لسه قاعد مكانه على الكرسى وبيشرب السيجاره بهدوء رهف دخلت عنده
رهف ببتسامه ونظرة كلها حب:ايه مبروك دى يا فهدى  وبعدين ينفع تسيبنى كدا ..لا لا .  انا زعلانه ولازم تصالحنى
فهد طفى سيجارته ووقف مره واحد وهى خافت ورجعت ورا:ايه !!خفتى من ايه ؟؟
رهف:ايه .لا وهخاف من ايه فهدى مايخوفش
فهد بصلها بسخريه :فهدك .. اممم . وزعلانه كمان ..انتى عارفه انا اتجوزتك ليه؟؟
رهف استغربت سؤاله :ع .علشان بنحب بعض
فهد:تؤتؤتؤ بنحب بعض ..هههههه لا بجد
قرب وشه منها:انا اتجوزاك لغرض ف دماغى معين ومستنى الخبر يوصل واحققه..انما انتى بقا بتحبينى ف دى حاجه ترجعلك ياقطه

فهد كان بيتكلم ببرود ونظرته غامضه ومش مريحه
رهف بلعت ريقها بخوف من اللى جاى:طب انت تقصد ايه فهمنى ؟؟لو مش بتحبنى ليه اتجوزتنى؟؟
فهد :اتجوزتك ليه علشان اشوف وش ابوكى وانا معايا بنته الوحيده  وهى مراتى وتحت ايدى اخليكى هنا خدامه ليا تحت امرى  انما حكايه الحب دى ماليش فيها خاااالص وتنسيهاا انتى هنا علشان انتقم من ابوكى واشوفه مزلول مستنى يشوف هعمل ايه فيكى  ودى قمه متعتى اشوفه خايف متعصب .وابتسم . دا مزاااج بالنسبه ليا..
رهف طول ماهو بيتكلم مصدومه مافيش دموع قلبها اتكسر خلاص كل حاجه راحت فهد مش بيحبها بس ليه بيعمل كدا ؟؟
رهف بصوت واطى مهزوز:ط.طب ليه ؟؟ه هو اذاك ف .ف ايه؟؟
فهد قرب منها وضغط على فكها بغيظ وهمس بفحيح غاضب :عمل ..عمل كتير ابوكى السبب ف موت ابويااا عارفه يعنى ايه السسبب ف موته بسبب ابوكى ابويا مات ..صرخ...مااااات بحسرته بعد ماابوكى خانه واخد كل فلوسه واتمتع بيها وابويا بيموت دى وصيته لازم اربيه واكسره زى ما كسرنا بسبب ابوكى ابويا مااات ..هزها بعنف..وامى بعده تعبت ..اها تعبت وماكنش معانا حق الدوا وماتت هى كمان وانا بقا لازم انتقم لهم الاتنين
رهف رفعت راسها :وانا ذنبى ايه؟؟
فهد زعق:انك بنته بنت واحد معدوم الدم معدوم الضمير والانسانيه ..
زقها بعيد وهى اتخبطت ف دماغها ف حرف الترابيزة حست بحاجه دافيه على وشها لقت دم
فهد بصلها لقاها بتنزف بصلها بكل برود وجواه غصه ف قلبه من منظرها وفزعق ليها:غورى على فوق انتى من النهاردة شغلتك تخدمينى وبس وتبقى تحت امرى ...
رهف قربت منه بغيظ وضربته ف صدرة بغيظ وبوجع صرخت:انت حيوووووووان معندكش احساااس لييه تعمل فيا كده ؟؟..لييه انا حبيتك ..عارف يعنى ايه حبيتك!!!حرام عليك
كانت مع كل كلمه بتضربه ف صدره بغيظ
فهد مسك ايدها الاتنين بقبضه من حديد وهمس ف ودنها:لو على الحيوان انا ممكن اوريكى الحيوان دا هيعمل فيكى ايه؟؟
بعد عنهاوابتسم بخبث رهف جسمها اتنفض وحاولت تبعد فهد ضحك:ماتخافيش ياقطه ايه ...بصلها من فوق لتحت ...للاسف ماتعجبنيش ولاتملى عنيا  ....بص على سيل الدم اللى على خدها ..روحى يا حلوة اغسلى وشك يلا.