صلو على نور الهدى شفيعنا يوم القيامه سيدنا محمد صلى الله عليه وسلم-عليه افضل الصلاه والسلام-🌾🌾
السادس عشر
ليلى اتصدمت :جوزك ازاى!؟؟ وامتى؟؟!
انطقى ؟؟!
رهف اخدت نفسها وحكتلها على كل حاجه هى كانت مخنوقه ومحتاجه حد تفضفض معاه
رهف اتنهدت بحزن:ودا اللى حصل
ليلى مش مقتنعه بخطوتها ابدا:لا انتى غلطانه جدا كمان كان لازم تفكرى ف اللى جاى ....فمل حاجه قبل ماكنتى تاخدى خطوة زى دى!!
رهف:بس انا بحبه وهو بيحبنى وهخليه يعترف بكده غصب عن انفه!!😬😬
ليلى ضحكت غصب عنها من لهجتها:ههههههههه دا انتى بلوى مسيحه يخربيتك
من بعيد
::مين اللى مع ليلى دى؟؟
::مش عارف بس دى جديده اول مرة اشوفها ...استنى كده(نده على بنت)سلمى تعالى
سلمى :نعم يا ياسر خير يا على
على شاورلها على رهف:مين دى؟؟
سلمى :مش عارفه اظنها البت الجديده لانها ماكنتش هنا السنه اللى فاتت
ياسر:اممم تمام
🌾🌾🌾🌾💓🌾🌾🌾🌾🌾🌾
ايام بتعدى وجه فرح حسام واخيرااااا
علا اصرت تعزم رهف على الفرح
فهد واقف تحت السلم مستنيها ومش طايق نفسه رهف نزلت من على السلم وفهدبصلها وتنح من شكلها من اول شعرها لفستانها للميكاب وكل حاجه اتوهم بجمالها ورقتها ف اللحظه دى لسانه اتلجم مش قادر ينطق رهف لاحظه بصته وفهمت نظرة عيونه وابتسمت ونزلت عنده انبهرت بشكله ف البدله
رهف ببتسامه ::ايه العسل دا.. لا لا كده انا اغير
فهد رفع حاجبه وايديه ف جيوبه::ايه الفستان دا؟؟
رهف نفخت بضيق:ماله مش عندى فساتين غيرة ..عيونها دمعت...وكمان ماما كانت جيباهولى ف عيد ميلادى اللى فات وانا مش رضيت البسه وكل اللى عندى انت شوفته
فهد صعبت عليه نظرة الحزن والكسرة اللى ف صوتها ودموعها :خلاص سماح ...حاول يهزر .. وبعدين لابسه كعب بتعرفى تمشى فيه ازاى؟؟
رهف اتعلقت ف دراعه بطفوله :مهو علشان انت طويل وانا مش بطولك قولت البسه بس يسترك امسكنى احسن مااقع ..
فهد مسك ايديها :يلا...
حسام مستنى قصاد الكوافير على نار وزين واقف يضحك عليه :اهدى ياض زمانها طالعه
حسام:نفسى اعرف بقالى اسبوع اوديها واحيبها الكوافير والنهارده طالعه من الصبح وكل دا بيروح ف دقيقه وانا عارف الاصل مالو بقا مايخلصو...
زين :النهاردة يومها سيبها بقا
شويه وفهد وصل وجمبه رهف ونزلو مع بعض
زين لف وتنح من منظر رهف بفستانها القصير شويه تول منفوش اسود كلها تهبل
زين بهمس لحسام:بقا دى ينتقم منها ربنا ينتقم منه دى فاصلها اتنين ڤولت وتنور
فهد وصلهم وحضن حسام :مبروووك يا حووس
حسام ا::الله يبارك فيك يا باشا ..(بص لرهف)منورة يا رهف
رهف برقه ابتسمت:مبروك يا بشمهندس
حسام :لا اسمى حسام انا بقولك رهف
رهف ضحكت:اوك حسام
زين قرب وحضن فهد:حبيبى ...وهمس...بقا دى تزعلها دى بتنور يابنى امانه عليك لو ناوى تطلقها اتجوزها دى قشطه يابا!!
فهد عيونه احمرت من الغيظ وضرب زين بوكس ف بطنه:اااااه يا متخلف
رهف اتخضت :ماله؟؟!
حسام ابتسم وهمس جمبها:اصل زين شكله عاكسك وفهد ضربه ..
رهف اتكسفت:لا اكيد حاجه تانيه وبعدين فهد مش كدا
حسام بمكر:مش كدا والله انتى غلبانه دا فهد متيم اول مرة اشوفه ينزل بنفسه يشترى هدوم لحد وراح ليكى
رهف ابتسمت وافتكرت الهدوم اللى جابها ليها
حسام راح فصل بينهم وشويه وعلا طلعت ملكه بفستانها الابيض وفرحتها منورة وشها حسام مسك اديها وباسهم بحب:ملكتى مبروووك
علا:الله يبارك فيك!!!
رهف قربت منها وحضنتها:مبروك يا علا قمر ماشاء الله (رائعه الجمال ياالهى حماكى الله من الاعين حبيبتى))
علا :بتقولى ايه؟؟
رهف ضحكت بصوت عالى:سورى انا اتكلمت تركى ونسيت انك مش بتعرفيه هو نفس اللى قولته بالعربى مش بشتم يلا...
ركبو وراحو الفرح ورهف مبسوطه بالزفه والجودا اول مرة تعيشه
حسام وعلا بيرقصو سلو وفهد متغاظ من كل واحد يبص لرهف جاله تليفون ووقف:انا طالع خمسه وراجع
زين جه قعد جمبها:منورة
رهف بصتله وابتسمت :ميرسى ...هو فهد ليه ضربك؟؟
زين:اصلى بقولو انك حلوه اوى..
رهف استغربت:اكيد لا!!فهد مش بيغير ومش بيعمل كدا؟؟
زين:لا دا فهد ابو كده انتى مشوملاحظه انو قاعد جمبك من اول الفرح دا عمره ماعملها وقعد على طول بيمشى واى حد يبصلك يزغرله بعينه
رهف ضحكت :ملاحظتش خالص
فهد جه قعد جنبهم :هايازين شايفك قاعد يعنى قوم كده قلب رزقك
زين اصلا ماكنش مركز معاه عيونه كانت على المدخل معقوله ام عيون عسلى هنا😍😍
زين راح للبنت :عقبالك
البنت لفت واتفاجأت بوجودة هى اصلا انبت نفسها كتير لانها ضربته:ميرسى ...انا اسفه انى ضربتك بس انت مش محترم بتمسك ايدى
زين:ولا يهمك بس ياريت ماتتكررش
البنت وشها احمر:احممم انا والله اول مرة اضرب حد.كده اسفه يا بشمهندس زين
زين بستعباط:انتى قولتى ايه؟؟
البنت:اسفه يابشمهندس
زين:لا اللل بعدهم
البنت ::زين
زين مسك قلبه بدراما :آااااااه لا قلبى لايتحمل احلى مرة اسمع فيها اسمى يالهوى..
البنت اتكسفت وهتمشى:ها وانتى اسمك ايه؟
البنت من غير ماتبص:زينه ...ومشيت مكسوفه
زين:اااه زين وزينه هيييييييح!!!
أنت تقرأ
المنتقم بقلم/ دنيا امجد dolly🍭( مكتمله)
Romanceممنوع نقل او اقتباس الروايه بدون اذنى👋 اراد الانتقام فاتخدها وسيلته لكنها احبته فهل سيظل حبها ام يزول بانتقامه. ............ فهد &رهف عشق على حد السيف مملؤ بالانتقام فهل ستتحمل ام تستسلم وتذوب داخل دوامه الانتقام #dolly❤💀
