Ito ang katapusan ng isang dekada
ngunit pagsisimula ng isang edad.
Ang nakalipas na panahon ay pag-asa
sa darating na panibagong kalamidad.
Ang dating kupas na litrato'y nagkaroon ng matingkad na kulay.
Bawat yapak sa abo't tuyot na dahon ay nangangapa ngunit mahinahon.
Ang gitna ay malabo at ang dulo'y wala sa isip
dahil tanging ang simula ang natatanaw ng paningin.
Sa pagpihit sa kinabukasan,
parang kay bilis ang pagsikat ng araw.
Nagbabaka sakaling sa pagtulog ng buwan
ay ang paggising din ng pinipigilang kalayaan.
Tila'y parang kalmanteng gislaw ng alapaap,
nag-aabang, nagtitimpi at kumakawala
sa siphayong unti-unting napapalitan ng ligaya,
at sa dalamhating umaalpas sa kawalan.
Sa kasukdulan ng daigdig at sa huling upos ng apoy,
patuloy na mangangako hanggang sa dinggin ng Kalangitan
ang pag-asang gumuguhit sa sangkatauhan,
at ang punyaging nakaukit sa sanduguan.
YOU ARE READING
Compilation of Poems (English & Tagalog)
PoetryThis is just my poetry compilation. PLEASE do not copy, edit, or re-post without credit. I want to thank all the rare few individuals who have inspired me to write such beautiful masterpieces of poetry. You could be the subject behind my work, or th...