Madilim na kalangitan ang aking nagigisnan
Malamig na hangin ang aking nararamdaman
Walang ibang naririnig kundi ang ingay ng katahimikan
At ang puso ay tumitibok ng marahan
Lumipas ang oras umikot ang kalawakan
At dahan-dahang nag-iba ang pakiramdam
Mistulang may isang bagay na hindi ko mapigilan
Isang bagay na kahit kailan ma'y hindi ko mapaghandaan
Bigla na lang ang init ay kumagat
Init na nagmumula sa sinag ng araw
Ang araw ay unti-unting sumisipat
At ang dilim, sa akin ay inaagaw
Ang dating madilim ay biglang nagliwanag
At sa lamig ako'y pumalag
Ang katahimikan ay nagkaron ng musika
At ang pusong marahang tumitibok ay naging maligalig at masaya
Patuloy siyang nagbigay ng kulay
Patuloy siyang nagbigay ng init sa aking buhay
Patuloy niyang pinasaya ang dating matamlay
Patuloy niya akong pinaglalakbay
Dahil sa saya di ko alam na ako'y umiiyak
Dahil sa saya di ko namalayan na ako'y lumagapak
Dahil sa saya di ko na maintidihan
Dahil sa saya ang sakit ay di ko na nararamdaman
Nabulag na ako sa liwanag na kanyang binigay
Namanhid sa sakit na ipinadama
Nabingi sa perpektong ingay
Napipe at ang mga salita ay nawala na
Di kalaunan nagising ako sa katotohanan
Nagising ako sa sakit na aking nararamdaman
Nasasaktan sa bagay na nagbigay sa akin ng pakiramdam
At ang luha ay tumulo ng hindi ko namamalayan
Hinihiling ko na lang na sana ay bumaba na
Ang araw na patuloy na nagbibigay sa akin ng sakit at saya
Hinihiling ko na sana ay tumigil na
Ang pagpatak ng luha mula sa aking mga mata
Ngunit bakit hindi siya mawala-wala
Bakit ayaw ko siyang mawala
Pinipigalan ang mata sa pagsulyap
Pinipigilan ang sarili na muling humarap
Di ko na alam kung kailan matatapos
Ang sakit na sa aking puso ay tumatagos
Di ko na alam kung kailan titigil ang paghaplos
Ng init ng pagmamahal na sa aking puso ay gumagapos
YOU ARE READING
Compilation of Poems (English & Tagalog)
PoetryThis is just my poetry compilation. PLEASE do not copy, edit, or re-post without credit. I want to thank all the rare few individuals who have inspired me to write such beautiful masterpieces of poetry. You could be the subject behind my work, or th...