طفلة ولكن ( روايات ليبية )

حلقة 1🔥

#طفلة_ولكن
-
الأبطال ✨
العائلة الاولى
جاد العمر 32 سنة مهندس نفط وزي العادة يروح يومين ويخدم اسبوعين وهكذا
جهاد العمر 27 سنة مهندس مدني
هاجر العمر 22 سنة طب بيطري
هند العمر 22 سنة توأم هاجر صيدلة
هديل العنقود العمر 16 سنة ثانية ثانوي
الأب متوفي الأم عائشة
-
العائلة الثانية
طارق العمر 36 عايش برا ومتزوج
ايمن العمر 35 نائب مدير
علي العمر 28 سنة محاسبة
منذر العمر 25 سنة محاسبة
اسماعيل العمر 24 سنة مهندس معماري
يوسف العمر 20 سنة هندسة معمارية
عنقود العيلة ( مرام ) العمر 16 ثانية ثانوي
الام متوفية الاب اشرف مدير شركة او بالاحرى شركتهم المعمارية
-
مرام تبكي : انا مانبيشي افهممممووو
ايمن : مش بجوك هي بتولي مرته بتولي
مرام : يا بابا امنعهم يا بابا حرام عليكم ما زلت صغيرة
اشرف على صوته : انتي صغيرة ودايرة حمل كبير عليااا بتتزوجي يعني بتتزوجي
مرام تجمدت من الصدمة
-
نحكو ع عائلة مرام { مرام لما ولدت توفت امها وقعدت وحيدة خوتها وبوها لا خوات ولا شي خالاتها ما يحبوهاش تشوف فيهم من عيد لعيد خالاتها مش فاهمين ان هذا قضاء وقدر ان تموت اختهم لما بتولد وعماتها واعرات ما يحبوش الا بنات خوات بعض وبناتهم ويكرهو مرام كره شديد واشرف مش حاس بالنعمة الي عنده ولا خوتها الثلاثةلكن التلاتة الي يحبوها من هماا؟ تو نعرفوهم }ا
-
مرام : اني يا بابا ؟
اشرف : شن قتلك ع كلمة بابا ؟
مرام : تمام يا بوي
اشرف : عليوة
علي : نعم
اشرف : بعدين قوله موافقين وهي موافقة
علي : تم
مرام تشبح بصدمة : شكراً
علي : هههههه المرة هادي مش حناخد منك فلوس حق الرصيد لانك شكرتي من غير ما نلمح
مرام دمعت عيونها ومشت لدارها تلوحت ع سريرها وبدت تبكي وخداها النوم وع العشي الباب يخبط
ايمن : مراااااام
مرام : ولا رد
يوسف : شن فيه
ايمن : الحيوانة ما تفتحش
يوسف : تي انتبه لالفاظك كلنا عندنا قلوب راه
ايمن : جيتني انت التاني
يوسف : ايه جيتك حول توا تفتحلي
ايمن : والله لما تطلع بنقتلها
يوسف : لما نكون ميت ديرهالها لكن مازلت حي
ايمن : هههه فرخ زيها غر قوللها تفتح مخلية بوك بلا عشي
يوسف شافله بغيض : همكم شركتكم وبطنكم
ايمن : علي صوتك
يوسف : ما خصكش ، ميمو ميمو افتحي الباب اني يوسف افتحي
ايمن يقلد فيه وبتعجب : ميمو ميمو
يوسف : خير عمك راسك وراسي
ايمن : هي هي كلامك
يوسف : شوف كلامك قبل الي يشوفك يقول عمره سنة
ايمن : هاهاهاهاها
يوسف : مرام ؟ مراام وبدي يقربع ع الباب مرام فيك حاجة خيتي مرام {ووخر يبي يكسر الباب وبالفعل كسره} مرام مرام نوضي وهوا يهزفيها
مرام : لا رد
يوسف : يا بوووي يا بوووي الحق
اشرف جي يجري : شن فيه
يوسف والعبرة خانقاته : بنتك ما تبيش تنوض
اشرف : خلي تموت بسببها ماتت امك وقاعد تقولي بنتك
يوسف : حرام عليكم والله حرام { وتلفت لمرام } وخيتي نوضي وخيتي
قامها في غمره
اشرف : رد البنت
يوسف : لو انت ما كنتش ليها اب يوم واحد في حياتها ما تكونش لككككن حنكون ليها اخ طول حياتها اني مش انت
اشرف : كلمة قلتها
يوسف طنشه ومشي بيها يجري
-
هديل : يام
امها ( عائشة ) : نعم
هديل : مرام صاحبتي
عائشة : خيرها ؟
هديل : حياتها مأساة يا ماما
عائشة : ليها رب معاها
هديل : جاها واحد عمره 57 سنة ويوها وخوتها موافقين بالغصب
عائشة شرقت
هديل : اسم الله اسم الله
جابتلها مية
عائشة : وكم عمرها هي ؟؟؟؟؟؟؟؟؟
هديل : نديدتي 16 سنة
عائشة : اللطف خيرهم بوها وخوتها
هديل : ما فهمتش خيرهم معاها
عائشة : حي عليا اني ووين امها
هديل : يااام مرام يتيمة الام
عائشة : وهي شن دايرة بالله
هديل : كان يقولولها الانتحار حلال تنتحر
عائشة : ايييييه يا منيتي غدوا وتي روحك
هديل : لوين ؟
عائشة تعرفي غدوا
-
في المستشفى 🏥
الدكتور : يا خوي البنت لازم تحافظ ع ماكلتها
يوسف : تمام وتوا كيف حالتها ؟
الدكتور : توا كويسة بس الماكلة وخيي
يوسف : تمام تمام حاضر
-
في الحوش
اسماعيل : مافيش عشي ؟
ايمن : ههههههه اختك وافلامها
اسماعيل : علاش خيرها
ايمن : ثمتل علينا ع اساس سايخة
اسماعيل : دير قلب لروحك وارحمها
منذر : بسببها امي ماتت علاش نديرولها قلب ؟
اسماعيل : امك امي كان نسيت وفي نفس الوقت امها وهذا مكتوب لامي واحني شن بنديرو ؟ والله ان طارق دار خير وسافر وخلاكم تكلبو بروحكم اهني
علي : واختك عن قريب تولي ضرة
اسماعيل : ممكن بوي ما يحبهاش لكن في النهاية هوا اب مش حيخلي بنته لواحد زي هذا
ايمن : هههههههه شن كلمته عليوة
علي : وبيجي ياخدها بعد اسبوعين بلا عرس بلا شي
اسماعيل : تي ديرو قلوب وانتو لا رحمة ولا شفقة
منذر : ههههههه الله غالب قلوبنا مذفونة مع امك
اسماعيل : والله لو تشوفكم امكم كيف تعاملو في بنتها تتبرا منكم
ايمن وعلي ومندر : ههههههههههههه
سيبهم ومشي
اسماعيل : الو وينك ؟
يوسف : قاعد مع اختك في المستشفى
اسماعيل : اسمع
يوسف : شنو
اسماعيل : اعطيني رقمه الي يبي يخطبها
يوسف : اسمع فكنا من المشاكل
اسماعيل : ما تناقشنيش واعطيني
يوسف : باهي توا يجيك في رسالة
اسماعيل : نراجي
-
في حوش هديل
خش جاد للحوش بعد خدمة طويلة وتعب للمربوعة
جاد : اهليييين بالغالية
عائشة اهلين وليدي جيت وجابك ربي
جاد : خيرك تبكي فضفضي
عائشة : وليدي شن رايك نزوجك
جاد : اييييه علينا كل ما تشوفيني
عائشة نزلت راسها
جاد : يا الغالية اصبري عليا شوية وكان تبي زوجي جهاد
عائشة : انت بوك بانيلك حوش قبل ما يموت وخوك قاعدة شقته كيف بادي فيها
جاد : وامشي اخطبيله لابين كمل يتزوج
عائشة : فيه بنية يتيمة الام نبي ناخدها من خوتها وبوها
جاد : كيف تاخديها منهم هادو عيلتها
عائشة : بيدوجوها لواحد اكبر مني اني بالغصب
جاد : هاااا خيرهم هادوو ؟
عائشة : ونبي ناخدهالك ع الاقل مكمل انت وحياتك مستفة
جاد انصدم بس : يام ما نقدرش
عائشة شبحتله ودموعها في عيونها : مش حنغصبك براحتك يا وليدي
جاد : اني بنمشي نرقد
عائشة : تصبح ع خير
جاد : وانتي من اهلو
-
اسماعيل : بنتك اكبر منها يا راجل
سالم : والله اني طلبتها من بوك وهوا وافق ما دخلهاش بنتي
اسماعيل : بوي مش موافق انت غالط
سالم : مانيش فاسخ وبناخدها بعد اسبوعين سلام
اسماعيل تعفلق : اووووووووووووووووف وطلع من الدار يجري لقي بوه يتعشا مع خوته
اشرف : تعال تعشى
اسماعيل : تعال اقتلني
اشرف : شن تقول انت
اسماعيل : تعال اقتلني يا اشرفف
اشرف : اني بووك يا كلب
اسماعيل : ايه تعال اقتلني ما تخلينيش نشوف اختي تنعطى لراجل ند بوها
اشرف : انت ما دخلكش
اسماعيل : لما تكون بنت الجامع قولهالي لكن هي اختتتتتتتي ريحة امييي افففهههم
اشرف وقف في مكانه : بتقلب وجهك ولا نجي نقلبهولك اني
اسماعيل : تعال عادي معادش خايف منكم
اشرف : اسممممااااععععييييل
اسماعيل : نعم ؟
اشرف : احترم روحك ولا نطردك من الشركة
اسماعيل : بالك اني الي نبي نشتغل فيها ؟ خلي نذكرك اني كنت نبي نطلع دكتور يعني ما يهمنيش تطرد ولا لا
اشرف : احتتتترم ننننففسسسك
اسماعيل : احترمت نفسي زيادة عن اللزوم ومعش بنحترم روحي لين تفسخ خطوبة بنتك ووقتها يا سيد اشرف توا نصرف عليها اني واساسا اني ويوف شرينا شقة معا بعض توا نرفعها ونسكنو احني مع بعض غادي ولما تتذكر انك اب وهادي بنتك تعالالها
اشرف ببرود : عليوة قوله يجي ياخدها بعد يومين
علي : توا ؟
اشرف : ايه توا
علي قام التليفون
اسماعيل : ياخدها ع ...
علي : ها سالم بنقولك تعال خودها بعد يومين
سالم : ههههه ناخدها غدوا كان واتية