طفلة ولكن ( روايات ليبية )

حلقة 10🔥 النهاية 🔥

حلقة 10 الاخيرة

ناض جاد وهي فتحت تلفيونها
مرام : الو
سندس : اهلين مرمر
مرام : سامحيني توا كيف قالي جاد كنت راقدة في الستشفى راه
سندس : نعرفو اصلا امي قالت ما تقولولهاش لين تتحسن
مرام بدت تبكي : عظم الله لكم الاجر ان شاء الله ربي يعوضكم خير
سندس : ان شاء الله اسمعي اني بنصكر توا فيه عياط برا بنمشي نشوف
مرام : تمام واني جاية اهو قريبة عليكم اصلا
سندس : تمام توصلي بسلامة
مرام سلام سكرت منها
جاد : هي نوضي نمشو
مرام : هي
-
اشرف : بنتي بنتي وووويننن ؟
احمد : استهدي بالله
منال تبكي بصوت واضح
سندس : شن فيه ؟
اشرف : قوليلي قوليلي كذب بنتي ما ماتتش
سندس : علاش خولة من امتى ولت بنتك
اشرف وقف بصدمة وكانو وراه اية ومنذر : خولة ؟؟
احمد : خولة الي ماتت ايه
اشرف تلفت : مش قلتي مرام !!
اية استاكت : هااا
ايمن يشبح لاية بغيض : بسببك هذا كله تعرفي ولاه
اية فاتحة فمها : بس كانـ...
اشرف قص عليهم : شن هوا الي بسببها ؟؟
ايمن : هي الي دبرت بش تقتل مرام والا شن عرفها وهي ما تتواصلش معاها بأن فيه حد ميت اهني
تلفت اشرف لآية : 😠😡 قصدك انتي الي تبي تقتلي بنتي
منال ما حستش بروحها الا وهي تريش في شعر آية : خديتي مني بنتي بسببك بنتي ماتت الله لا تربحك الله لا تربحك 😭 طاحت ع ركبتها 😭 يلا ان شاء الله تكوني ارتحتي ان بنتي ماتت وووه عليا اني
اشرف نادى بأعلى صوت : مرااام بنتي
ع خشة مرام وقفت مصدومة " قال بنتي 😍 معقولة هذا بابا لا مستحيل 😭 " : اني اهني
تلفت اشرف وكأنه روحه متلهفة لبنته جي ضبطها بالقوة
ولاول مرة يحن قلب الاب ع بنته خشو البنات والرجالة طلعو وكلهم قعدو يهدرزو { نذكركم هما مزالو في رمضان وبكري قلت فطور لمرام يعني هي لازم ما تتغدا وتاخد ادوية وهكي }
ع المغرب انفضي الحوش قعدو ماليه بس وفطرو البنات وخشو الرجالة الاقارب يفطرو في المربوعة
-
في الشارع ❤️
-
......: يمكن هذا هوا
أختها : ايه درسي اهني ونسألو
.....: هي
نزلو رنو ع الباب
احمد : توا نطلع اني
طلع وفتح الباب والصدمةة
-
في حوش ام جاد
-
كانو هاجر وهديل في الكوجينة يضمو في الكوجينة وفجأة هاجر ساخت
هديل نخلعت وعيطت : يااااام
عائشة نطت من العيطة : خيرك يا بلوة تعيطي هكي
جتها هديل تجري : الحقييييي
ناضو عائشة وجهاد نوضوها ناضت
عائشة : وووه عليا اني خيركم عليا مرة مرام مرة انتي ياربي ابعد عليا السوء
جهاد : حولو هكي نقيمها للصالة
هاجر : يام راسي
عائشة : صارلك هبوط شكله ، تلفتت لجهاد ، جيبلي جهاز الضغط قلعد في الكمادينو متاعي
جهاد حاضر هي
هديل جاية وجايبة مية وسكر : تفضلي مع انك حتى كل سنة وانتي طيبة بالكذب ما قلتيهاليش بس مشي
فجأة تفكرو جهاد وهاجر وعائشة الهدية
عائشة : والله خدتنا المشاكل
جهاد : هههههههه ايه والله
هاجر : ما نقولش للناس الي زيك كل سنة وانتي طيبةة لانك مش طيبة اصلا
هديل : غر شوفو من يتكلم
عائشة ما تكملوش انتو ونقانكم
-
في حوش منال
-
أسماء صار تزوجت وبنتك وماتت ونخطبت التانية مدامك خطبتيها لولد سالمة ( ام مرام ) بتموت حتى هي
طارق : زي الي تماديتي
سهى : امكم مش راضيةة عليكم من الطبيعي الي بتتشتتو هكي
طارق : اسمعي محترمك لانك وخالتي باهي معش تجبدي سيرة امي
سهى : نسيت انه امك هي اختي ؟
طارق : كانت
سهى : ومزالت
مرام : قصدك توا انتي خالتي ؟
سهى : تعرفي لو انك ما نولدتيش كانت اختي بيناتنا اليوم
مرام : واضح انك ما تعرفيش ربي
اسماء : يا كلبة اكبر منك احترميها
طارق : عندها الحق واضح تعرفو ربي بش تعرفو قضاءهه وقدره
سهى : هههه ، تلفتت لمنال ، وانتي افسخي خطوبة بنتك خير ما يصير فيها زي الاولى
منال : بعيد السوء عليها
اسماء : اهوا اسماعيل قدامي وافسخي
اسماعيل  منزل راسه ما يقدرش يقول حاجة احتراما ليهم وقف احمد
احمد : تفضلو اطلعو برا لو انكم جايين ع خاطر تفتنو مش مرحب بيكم
سهى شهقت : هييييييي قدكم تلزو في ضيوفكم لزان
ناض طارق : لما يحترمو ارواحهم توا نحترموهم
اشرف مقعمز بينهم رجعوله الكراهية بعد ما قعدو يذلو فيها بموت امها
اسماء وقفت قدام اشرف وشوشتله : انت عارف انك ماضيك الاسود كله مخزن عندي مرام تموت في اقرب وقت
غمزتله
طلعوو اسماء وسهى خوات منال وطلع وراهم اشرف ومرام كل واحد مشي لحوشه
-
في السيارة
جاد : اتصلو بيا امي وخواتي بيديرولها لهديل المفاجأة اليوم
مرام : حق نسيناها بكككل
جاد : مشاكل حتى هما
مرام : الحمدلله خلي نلحقو عليهم
جاد : هي
-
في حوش ام جاد
-
هديل : تقول ماشيين لعرس
هند : بتجي نور حماتي بنديرولها مفاجآة
هديل : ماشاءالله بالك امي جابتها ونستها
هاجر : هههههههه ايه جابتها امك ونسيتها ادكرتها هند
هديل : قصدكم ناسيين انه اني اختكم ؟
عائشة كانت جايتهم سمعتهم : ايه لقيتك قدام الجامع جبتك من غادي
هاجر : شفتي انتي حتى شبه تشبهيلناش
هديل : عادي المهم احلى منكم والجمال ما يتكررش مرتين
هند : ما تقوليهاش
هديل : قلتها حتى
-
فات الوقت جت نور حماة هند ومشو لحوش مرام وهدرزو لين عيوو
هند : هي خلو نقصو التورطة قبل السحور
كلهم وقفو وفتحو الشماعي
كلهم مع بعض ( هابي بيرثدي تو يو هابي بيرثدي تو يو هابي هابي هابي بيردثدي تو هدييييل )
هديل تلفتتلهم كلهم لقتهم يضحكو ويشوفولها : قصدكم هذا ليا اني ؟
جاد جي جنبها حط ايده ع رقبتها : معقولة ننسو عيدميلاد الغزالة هادي ؟؟
هديل دمعت عيونها من الفرحة : هههههه اني نحسابكم مش معدلين عليا بكللل
مرام : يا هبللةة كيف ننسى عيدميلاد صاحبتي ونفوته كأنه ما صار شي
هديل تلفتتلها : احلى رفقة عرفتها في حياتي
هاجر : الشمعة ساحت انفخيها قبل ما تسيح ع التورطة
هديل ضحكت وشافتلهم
جهاد : هي تمني امنية
هديل هزت براسها بـ "اوك"
هديل شافت لمرام " تكون فرحانة وتتصالح مع خوتها وبوها وخالاتها وعماتها وتعيش مرتاحة يارب " شافت لجاد " يارب عاونه في خدمته وخلي قلبه ديما يشوف لمرام بس وما ينظلمش في حياته ويعيش متهني يارب " شافت لجهاد " نسيه في مرام ويلقا بنت يرتاحلها ونفرحو بيه معاها يارب " شافت لهاجر " يجيها ولد حلال يحبها ويصونها في حياتها وتعيش مرتاحة البال وتنوضها ع خير يارب " شافت لهند " كون معاها ونجحها السنة هادي في قرايتها واحفظلها عيلتها وهنيهم طول حياتهم يارب " تفكرت سندس " عرفتها ليوم واحد بس وحبيتها وياريتني عرفتها من زمان يارب املي قلبها بالفرح وفرحها هي واسماعيل وخليهم لبعض ❤️ " جي في بالها شخص تاني " يارب وانت ادرى " كانت بتنفخ تدكرت امها " ياربي امي خليهالنا طول العمر واحفظها وخليها فرحانة طول الدهر ياربي 💙 "
ونفخت كلهم صفقوولها وقعمزو هدرزو وقصو التورطة وكلو وضحكو تم اليوم تم معاه الاسبوع وتم الرمضان وجي يوم العيد عيدو ع بعض اشرف كره مرام من جديد وايمن يبات مع خوته يوسف واسماعيل وخدموه عندهم وفاتت الايام وفاتو الاسابيع والشهور الى اليوم الموعود الي هوا اخر يوم في حياة شخصية من ابطالنا
-
الراجل جاه من الجهاز اللاسلكي : حاصرنا الحوش كلهه نستنو في اوامرك
الراجل 2 : عند رقم تلاتة حنداهموه
الرجالة كلهم : سُمع
1 . 2 . 3
داهمو الحوش