حلقة 3
خلود صيحت : يا مرااااام شكلي بنموت اهني
مرام جت تجري : خيركم شن فيه
خلود مشت حضنت مرام طول : هذا يخوف هلباا
مرام شافتله : خوخو هذا ايمن خوي
خلود بإنصدام : حقققق كان تقولي اسماعيل ولا طارق ايه بس هذا ؟؟؟
سندس : اهلا ايمن
ايمن يفنص : تبي طريحة شكلها ؟
خولة : سامحنا والله هي لسانها طويل هلبا وصغيرة
خلود : لا يا حبيبتي صغيرة في العمر صح بس كبيرة عليه هذا بهلبااا
خولة بتكشيخ : خلوود
سندس : اني سندس بنت خالتك منال
ايمن : بنات مني ؟؟؟؟
سندس : خالتك منال
ايمن : بعدي من ع مرام
سندس : علاش اللطف
ايمن : بسببها ماتت خالتكم
خولة : كيف قصدك هي الي قتلتها ؟
ايمن : ايه هي
سندس بإستفزاز : علاش بتقتل امها مثلا ؟ عبيط ولا تستعبط
ايمن : والله اول ما ولدت ماتت امي
مرام كانت منزلة راسها اول ما سمعت الكلمة غمضت عيونها ونزلو دموعها
سندس : قصدك بسببها خشت الجنة
ايمن شافلها بنص عين وطلع
-
فات الوقت ومع المغرب بدو يجو الناس وغيرو جو البنات في اليوم هذا " السهرية " وسهرو وفيه من بات وفيه من روح
ثاني يوم الصبح 🏙
-
منال بصوت واطي : مرام مرام
مرام بصوت ناعس : نعمم
منال : نوضي هي بنمشو من اهني لشقة خوك
مرام فتحت عين وعين لا : علاش ؟
منال : ماهو اليوم غادي بتمشي بش تلبسي البودري وبعدين يجيبوك
مرام : ها باهي بنمشي بروحي قصدك ؟
منال : تمشي معاك سندس عادي
مرام وهي تنوض : تمام من بيرفعنا ؟
منال : اسماعيل
مرام : تمام
خشت مرام للحمام { عفاكم الله } ومنال نوضت سندس وحكتلها وكل شي وفطرو وطلعو مشو لحوش طارق بس ؟
في السيارة 🚗
اسماعيل : خيتو ؟
مرام وهي تشوف للمراية : عيونها
اسماعيل : جبتلك هدية
مرام تلفتت بفرح 😍 : حققق
اسماعيل : هههه ايه تلقيها في الشقة
مرام : هييي تشوقتلها { ضبطاته بسرعة } والله ان قلب زي قلبك انت وسوفة وطروقة مش حنلقا
اسماعيل : ههههههه حي ع الاسامي ضاعو
سندس : والله يستر الله في اسمك حتى انت 😂
مرام : هههههه نصدمك بإسمه ؟
سندس : اصلا انصدمت في اسماء التانية مش حننصدم في هذا مثلا ؟
اسماعيل : هههه اسمي سموعا
مرام : لا غيرته قعد سموعتي
سندس : ضاعت هيبة الاسم 😂😂
اسماعيل 😳 : شن قلتي توا ؟
مرام : سموعتي 😉😂😂
سندس : ومع هذا عجبني 😂😂 تخيل دلوعة تناديك { بدلع التشقليع عرفتوه هذاك 😂 الي صوته مستفز 😂 } تشمووعتتي
اسماعيل : لا اله الا الله عظم الله اجري في الاسم 😳💔
مرام : شكر الله سعيكم يا تشموعتي 😍
سندس : ههههههه حبيبتي ميمو شن واكلة ع صبح ربي ؟؟
اسماعيل : حتى اني شكيت انها خدت جرعة زايدة 😳
مرام تلفتت لسندس : وانتي اسمك اممممم ( بتفكير ) تشندوش 😍❤️
اسماعيل : تشندوش ممكن طلب
سندس : كان اسمي سندس لبكري نعم
اسماعيل : ههههه تشوفي فيا نسوق بالله قيسي حرارتها خلي نشوفو خيرها البنت هادي
سندس قامت ايدها بتقيس حرارة مرام : خيرك بنيتي
مرام ولت قعمزت زي ما كانت وتنهدت : موعا
اسماعيل : خيرك وعيونه
مرام : دور بيا شوية في طرابلس وارفعني للمدينة القديمة والسرايا وهكي لو سمحت
اسماعيل : شن خطرهم عليك توا
مرام : بنتزوج غدوا ومن قال ان ما ننحبسش احرف من قبل
اسماعيل : اني شفت الولد واضح محترم وكويس وطيب
مرام : عارفة لكن نديرو احتياطاتنا ديما
اسماعيل : ممممم تمام حاضر هي
مرام : شكرا خيوو
اسماعيل : كم عندنا مرام في حياتنا احني
مرام : هههه وحدة
اسماعيل : خلاص مالا ههههه
سندس ابتسمت وفي خاطرها { محلاهم مش كان خوتها كلهم هكي خير راهو حياتهم حلوة لكن قدر الله وما شاء فعل }
ضهور بيهم اسماعيل شرالهم جيلاطي وغداهم وبعدين مشت للشقة لقت ام اميرة واميرة يراجو فيها بيلبسوها البودري اليوم القفة وبعدها الحنة { في نفس اليوم } لبست البودري ومشت بعد اذان العشاء وجوهم وجابو القفة وحنوها وتم اليوم.
-
جي صبح اليوم الموعود وناضت مرام مشت هي وسندس وهديل { عرس مشترك } واميرة للمزين مع بعض طبعاً الاحداث اهني مش مهمة فخلينا نسبقو الاحداث لـ #المغرب
-
طلعت من دار التبديل كانت زي الاميرة لا كانت احلى من الاميرة باليفلو والمكياج بسيط والشعر مقيوم بتسريحة بانت ملامح وجهها كلها ❤
اميرة : بسم الله الرحمن الرحيم ولا قوة الا بالله
سندس : عايشة حياتك زي سندريلا غير انتي مع خوتك وبوك وهي مع مرت بوها وبناتها
مرام ضحكت ضحكة هادية : والله ؟
سندس : ههههه والله
هديل : مرام !
مرام : عيونها
هديل : بتولي مرت خوي 😍😭
مرام : ههههه تعالي { وحضنتها } وانتي سلفتي واحلى سلفة ❤😍
هديل : ياربي وطالعة ملاك 😍
اميرة : سمو بالله توا معش يصير منها الملاك هادي
سندس وهديل : ههههه بسم الله مشاء الله
مرام : هههه ميرو احسن حل تجيبيلي وشق ❤😂😂
اميرة : هههههه هذا الي بيصير قريب
خشت عليهم المزينة بالوشق : ما تطلعش عروسة من اهني لين نبخرها عادة عندي 😍💛
مرام : هههههه يا حلاتها ياربي صحيتي
أميرة : سلمها ياربي ...❤
-
جوهم في سيارات وركبو ومشو للصالة ونزلت مرام وإنعجب بيها كل الحاضرين وكانو منبهرين بجمالها الطفولي والبريئ حتى دقت الساعة وجي وقت مرواحها ...!
-
أميرة : البسي الكاب وحدة وحدة هي
وخش عليهم .... جاد !! كملت أميرة وطلعت خلتهم بروحهم بس لان مرام عاطية بضهرها كانت تسحاب اميرة خلتها بروحها وطلعت وبدت مرام تتكلم مع روحها وياريتها ما تكلمت " مرام 😔 خيرك تزوجتي بهادي الطريقة معقولة كره خوتي وبوي هكي كبره وزعما هوا يكرهني زيهم اني متأكدة انه حيكون زيهم وحيحبسني من يوم شفته يوم بيخطبني كان يشوفلي بخبث اخخخ ياربي صبرني ع هالحياة الي بليتني بيها توا يا مرام استعدي للجحيم رقم اتنين الي بتخشي فيه وتوكلي ع ربي لان هكي انكتبلك يصيرلك فهكي حيصيرلك " تنهدت وشافت لايديها
جاد استوعب كل شي بعد ما انصدم : صوابع ايديك مش زي بعضها
مرام تلفتت بخلعة 😳 : أ أ ءء نت أ أ أهنـ..
جاد : من بداية الحديث الي درتيه مع نفسك هي اضحكي وخلينا نطلعو من اهني سالمين
مرام بلعت ريقها وقامت البرنوس ع راسها : حاضر 😓
وفتح الباب وكانت شاده مرفقه وماشيين وهوا ضحكة صفراء وهي مغطية راسها ركبها السيارة واركب هوا وشاف للورا كان فيه " هدايا شاريهملها كان يبي يبدا يبني حب جديد لعل وعسى أنه ينجح بس ...! " وصلو للحوش وجاد كان مضايق هلبا دخل السيارة للكاراج { وين يدرسو في السيارة داخل الحوش } نزلت مرام من السيارة وخشو للحوش وكان طاولة الماكلة فيها شماع وورد
سبقها جاد طفاهم وخدي الورد دسهم في الدولاب واشر للدرج : تركبي من اهني الدار الي في اخر الممر دارك واني حنرقد في الدار التانية وانتي خودي راحتك
مرام وكأن حد صب عليها مية مصقعة : تمام " حي عليا ضلمته وفوق هذا سمععني " ركبت للدار وهي تتحسر ع كل كلمة قالتها
-
أيمن : مرام تزوجت ؟؟
منذر : ايه
علي : من بيديرلنا العشي توا جيعان اني
منذر : يا بديرلنا مرا يا تجيبلنا خدامة يا اما تخلي مرام تطلق وتجي
علي : أيمن يجيبلنا مرا ههههههه
أيمن : الموضوع شكله قرّب ههههه
منذر وعلي مصدومين فيه لانه يشوف للارض ويبتسم ومتحشم
منذر : عليوا
علي : ها
منذر : ايمن مش طبيعي اليوم
علي : خلينا نوضو شكله التبس
ايمن استاقضلهم وفنص فيهم طول هربو وهما يضحكو
ايمن : امشو عفاريت تلبسكم 😑
-
كلهم روحو لحوشهم وفضي حوش العروسة وتمت فيه الدوشة
-
بعد ستة شهور ⏪
ع العصر 🌆
-
هاجر : أهلين يام 😍
عائشة : أهلاً أهلاً ببنياتي ❤
هند : اهلين بيك كيف حالك
عائشة الحمدلله وانتو ؟
هاجر وهند : الحمدلله
رهف ( بنت هند ) : نانَّا 😍
عائشة : يا عيون نانّا ❤ وطبست لأدم ( ولد هند ) وباساته اما هاجر عندهاش صغار 💔
خشو هدرزو بس ملامح شخص بينهم متغيرة وفرحان هلبا
-
أيمن : ايوا حبيبتي نوصل نكلمك تمام ؟؟
أنت تقرأ
طفلة ولكن ( روايات ليبية )
Romanceبنت وحيدة بين 6 أولاد يتيمة الأم فا يقرر الاب ان يزوجها فا تقدم لها اخ صديقتها و يتزوجها من غير ان يلمسها و يقرر ان يسافر للصحراء و لكنه لم يعود فا تضل هذه البنت بين حيرة عائلتها و عائلة زوجها و بدأت ان اخ زوجها يحبها ؟😧❌ رواية كفاح طفلة وسط كل ه...
