هوسي بعائشة

جزء 8 هوسي بعائشة عنثر الادريسي

فواحد ديبو بعيد على مدينة كان كالس واحد الشخص وقدامو واحد البنت غزالة مشاء الله
البنت : عفاك متقتلنيش عفاك هئ هئ
الشخص : تؤتؤتؤ متبكيش دموعك غتحتاجيهم من بعد
ناض وجرها معاه لواحد البيت غتاصبها وقتلها بطريقة بشعة وناض لبس حوايجو وعيط على رجالوا
الشخص : هزو عليا هادي من هنا
رجالو حاضر سي عنثر
عنثر الادريسي 30 سنة طويل وعريض ، عينيه خضرين بحال ديال لمش شوفة فيهم تخلعك ، بيض وشعرو صفر ، مهم مقبول غيكون عندو دور مهم فلقصة
خرج ركب فلوطو رانج وتوجه لمدينة كازا .

عند عائشة : لي دارت لغدا عبارة عن لبيض ومطيشة بلا قزبر 🤦

تغداو وناضت لبيتها زعما باش تحفض ساعة دارت بيها فلخوا وهيا تخرج عند مي فاطمة
عائشة : مي انا عزيزة عليك وتحمليني ياك
مي فاطمة : ايه يا كبيتي
عائشة : كي كتعرفي دب شحال هادي مشريت لا حوائج ولا صبابط عايشك امي عايشك شي 500 درهم نحلق حتى انا على لحالة
مي فاطمة : مقدوكش لحوايج لي عندك
عائشة : وقدامو امي قدامو
جبدت مي فاطمة 500 درهم ومداتها ليها
ناضت عائشة باستها ودخلت  لبيتها بدلات حويجها وخرجات لمول فلمعاريف
عند عنثر لي وصل لكازا بضبط فلمعاريف كيشوف بنات صغار بنات اشكال وأنواع مختلفة ها زوينة ها لخايبة  توجهت عند واحد لبنت كانت واقفة حتى واحد لوطو
عنثر : سلام زين ممكن دقيقة
لبنت تحلات ليها : هيهيه عشرة گاع
عنثر : إلى كان على هاد لحساب نمشي نشربو شي قهيوة
دخلو لواحد لقهوة كانت قريبة لمول لي فيه عائشة
كلسو وطلبو قهوة ، كيف ديما عنثر كلا ليها عقلها بلحب وبلي بغاها لحلال ومثل عليها لحب وتخربيق
عند عائشة : هااخ هادشي زوين بزاف ، عيت نمشي نشرب ليا شي عويصير نبرد بيه
دخلات لنفس لكافي لي فيها عنثر گلسات فواحد طبلة حداهم حيدات سبرديلها وخلات رجيلاتها يتنفسو وحطاتهم فوق الطبلة
تلفت عنثر بانت ليه بنت اية فلجمال بأن ليه شعرها لكحل لي كيبان فيه غا شويا بحكم كان لابسة فبية فلبيض ودايرا لقب وشاف رجيلاتها لبيضين بقا كيشوف فيها
لبنت : ايه منعيم فين سهيتي
عنثر : ءءء لا لا والوا مهم خلي ليا نمرتك ضروري نتشاوفو
لبنت : اك بب قيد 06........
عنثر : باي بب
مشات لبنت وناض هز قهوتو وگلس حدى عائشة
عنثر : سلام مال زين گالس بوحدو
عائشة وقفات : نوض نوض تقود
عنثر مرضاش   خصوصا أن ناس كيشوفو فيهم : گلسي بلا شوهة
عائشة : نوض نوض شوهة هيا لي غندير ليك دب
وقف عنثر وسرفقها
عائشة : بل لكلب لاخر سرفقني هزات كاس ديال لعاصير خواتو عليه هزات ساكها وخرجات بلا متخلص
عنثر : عاهرة مغتبقاش فيك انقتلك ، شاف فناس وهضر بجهد : شكاتشوفو نتوما هز كونطاكت ولاح لفلوس وخرج
عند عائشة : بل زامل لاخر سرفقني ، كون غا مخرجت تفو عصبني
مشات شرات حوايج سروال كحل وفيه جياب من جنب و2 تيشورتات حكل وبيض
وكاط فلكحل
عند جود لي بقا فلاباخطومون ديالو وصا واحد من رجالو اجيبو ليه لماكلة وشراب
بقا كيشرب كيشرب وكيحاول انساها حتى داتو عينو وصط صالون
وصلت عائشة مع لمغرب لقات ختها ياسمين جات من لخدمة
عائشة : ختى كيجاوب لحوياج لي شريت
ياسمين : عتيني داك تيشورط لكحل حتى نخلصو ليك عايشك
عائشة : لبعابع لا شتيه
ياسمين : مي حتى انا بيت تيشورت
لاحت عليها 200 درهم : شدي غا هنيوني من صداعكم ونوضي عمري كاس ديال اتاي راسي ايتشق عليا ونتي يا سكعة ها وجهي لاباقي عتيتيك تشري شي شرويطة
عائشة : 😢 علاه مالي اش درت
مي فاطمة : لا مدرتي والوا على زين حوايج لي  شارية
عائشة : مالهوم على مزيناتهم
هزت لحوايج ودخلت لبيتها
هادو لي انلبس إلى مشيت مع ختي لفيلات العمراني ، اه حگا ندخل نقلب على عثمان فلفيسبوك
دخلات ودارت عثمان العمراني ( بلا متقلبو عليه مكاينش ) طلع ليها هو لول دخلات بقات كتشوف تصاور لاقات تصويرة ديالو هو وخوه وطاح ليها فبالها
عائشة : اه اسميت هاد خوه اسميتو ، اه جود جود
صيفطات انفي لعثمان
مشات تقلب على جود ملاقت لا فيسبوك لا انستا
عائشة : مال هاد لخرا معندو والوا ، اف اش بغيتو معقد لاخر
خرجت تعشا
عائشة : ختي ياسمين ديني معاك غدا لفيلا ومنها نحفض تما
مي فاطمة : بتحفضي حفضي فداركم
ياسمين : خليها امي تمشي معايا ، هيا وجهها قاسح أما أنا كنحشم ، تفكرات عثمان ودكشي لي وقع
# فلاش باك
كانت فلكوزينة معارفة منين تبدأ داكشي لي وصلتها عليه مها كولشي مشا
ياسمين : تفو على نهار حشومة عليك امي معرفت منين نبدا
عثمان : سلام عليكم ، مكيناش مي فاطمة
ضارت ياسمين و هبطات رأسها حشمات
سها فحنيكاتها لحمر وفمها لي كيرجف قرب ليها كتر هز ليها رأسها ، نتي بنت مي فاطمة
ياسمين هزات فين عينيها : ءء اه انا عفاك خليني ندوز
عثمان حس بشي حاجة تحركات فكرشو معرف كيفاش حتى باسها فحنكها
سيدة حسات بلبوسة وخضارت وحمارت دفعاتو وهربات لطواليت
# نهاية فلاش باك
عائشة : ياسمين اسبحان الله مي وأمي بنتك تشيرت غوتات ليها فودنها 
ياسمين : اااخ تفو مالك مالك
عائشة : من صباح وانا نعيط ليك ونتي غبتي
ياسمين : مي صافي خلي عويشة تمشي معايا
مي فاطمة : صاف وخا وردي ليها لبال لا تمشي لي قنت
ياسمين : صاف ... يتبع

بليز البنات إلى قريتو خليو معاكم شي نجمة وشي مكونطير كتحفيز ليا 🌺🌺💜⁦♥️⁩