هوسي بعائشة

الجزء 7 هوسي بعائشة

مي فاطمة : واخ واخ انشاء الله
عائشة لياسمين : دوزي نتي گدامي نشوفو شغنلبسو
مي فاطمة : هادوك الشراوط خاصني نحرگهم
سمعتها عائشة : لاواه لاواه رجوع الله افاطمة
بقات عائشة كتقلب على شنو اتلبس مني نبغي تمشي ، حتى رونات لبيت كامل عاد لقات متلبس ، عاد لبسات جلابتها ودارت زيف وخرجات هزات سطل وحوايج لحمام ومشات عند مي فاطمة
عائشة : دوري معايا باش نمشي لحمام شوفي كي تودكت وتوسخت
مي فاطمة : طلعتها وهبطاتها ، عويشة فين عمركي لبستي شي جلابة
عائشة : راني انمشي لحمام مشافني حد نسخ عضامي ونغسل وسخي ونجي
مدات ليها مي فاطمة 10 دراهم ديال لحمام
عائشة : واش غناكل انا زيدي شي خمسدارهم ليحمالديك
مي فاطمة قلبت وجهها : معنديش
عائشة : ليهديك افاطمة غا شوفي وكان
عطاتها خمسدراهم وقالت : مطعطلي ومتفاتني مع حد گلسي بحدك متحكي لحد ميحك ليك حد
عائشة وهيا خارجة : ومنضمنش ليك
مي فاطمة : ليتبعك لبلا
عند جود لي خرج من دار وهو معصب وهضرتها كتعاود فودنيه
جود : علاش علاش برهوشة بحالك دارت فيا هكا علاش انا جود العمراني حتى وحدة مكترفضني
شير لقلبو : نتا نتا لي بغيتيها فنهار واحد واش كاين شي قلب كيبغي فنهار واحد ، نتا نتا كي شفتيها بغيتها وخا مكتعرف عليها ولوا ، لا عمرها لا ماضيها ، اععع علاش هادشي
وقف فواحد لبلاصة قريبة لفيلا وبدأ كيفكر
جود : انرجع ومبقيتش انجي حتى نساها ، وركب فلوطو وزاد نيشان لفيلا
فوسط لحمام ، گالسة عائشة تحك وتغني ودندن حتى حسات بشي وحدة ضربات سطل وقالت
....: جمعي سطولاتك خلينا نگلسو
عائشة هزات فيها عينيها وقرودة كيشطحو فوق راسها : عاودي شگلتي مسمعتش
.....: قلت ليك جمعي سطولاتك
عائشة : اتمشي تقودي قبل منجمع دلمك هنا
....: جمعي فمك وحتارميني ولا مرباوكش واليديك
عائشة سمعات سميت واليديها وهيا تقندش شداتها من شعرها وبدأت تنتف وتعض وتضرب بسطولا ولعيالات افكو مطلقاتها حتى شافت دم فكمارتها وبدأت تولول
عائشة : ليوم فطيطيم تقتلني ليوم
مشات تجري كملت تدواشها وجمعت سطلها ومسائيلها وخرجت وخلاتهم افيقو فختنا
عائشة : على الله متكون شي وحدة كتعرف مي ياربي غادة وكطلب حتى وصلات لدخلة ديال درب بانت ليها مي فاطمة واقفة حدى لباب وهزا عصا كتسناها
عائشة ملقات مدير من غير درها فيد الله وتمشي
عائشة : هيهيعي مي شكون كتسناي
مي فاطمة وهيا معصبة : تسناك لموت ابنت لحرام وجبدات معاها لضهر
غوتات عائشة ودخلت تجري لبيت سورتات عليها وبدأت تغوت
عائشة : وامي وراه هيا لي جبتاتني وجبداتكم ، عايشك امي عايشك خليني نخرج غا نحنجر ومتبقاش نعاود نبقا ندوش غا فدار
مجاوبها حد
عائشة : ويلي ويلي ليوم يزراگ لحمي
ف فيلة العمراني
كان عثمان گالس فجردة حتى لمح لوطو د جود داخلة : مال هذا فين كان بلبس ديال رياضة
هبط جود من لوطو وطلع نيشان لبيتو جمع لفاليز ديالو وبدل حوايجو وتم هابط حتى عيطات عليه جداه وعينيها فيهم دموع
ياقوت : ولدي فاين غادي
جود : انمشي عندي شي خدمة
ياقوت : لاواه لولدي غير لبارح لي جيتي خليك معانا
مجاوبهاش بأس على يديها وخرج
وصل لمطار وقت رحلة باقة ليه ساعتين ، فكر فيها فكر لمن غيخليها فكر إلى مشا تقدر تبغي شي واحد ولا تزوج
خدم لوطو وقلع نيشان لاباخطومون لي كاينة فلمدينة ، قرر ابقا هنا ويقابلها حتى واحد ميعرفو فين كاين ويرتب افكارو
ولص ليلي
خرجات عائشة كتسلت لكوزينة وجوع ايقتلها ، دخلات بدأت تقلب ملقات والوا عرفاتهم مخلاو ليها والوا
تفكرا خمسدراهم لي عطاتها مها مشات هزاتها وبغات تخرج
عائشة : ناري إلى خرجت اگريسوني ، لا لا اويلي اش ايگريسيو فيها خمسدراهم ، إلى ملقاو عندي والوا ايضربوني مگديت على عصا گلسة فلعتبة ديال لباب وبدأت تنخصص وتبكي ودعي فليوصلات لهضرة لمها حتى سمعتها من وراها
مي فاطمة : نوضي دخلي تأكلي
عائشة : اضربيني
مي فاطمة : غتجي ولا نجي
عائشة : و يلاها فينيها لماكلة
مي فاطمة وراتها شدگ ديال لخبز فيه لحم وقرعة ديال لموناضة
عائشة عينيها ولا فيهم لقلاوبة وريوگها سايلين طارت على لخبز تاكل وتگول مكليت حتى سلات وناضت تحزر فمها
عائشة : هاني يا مي شوفي رآه والله مجبتها هيا لي سباتني بيكم
مي فاطمة : ياربي لي ولد الناس أحدهم لبوك ويطيرك عليا
عائشة : اكون تيتيز امي ويحكم فيها هاح نموت فزين
مي فاطمة : نوضي ليمسخك مبقيتي تحشمي من مك
ناضت عائشة دخلت لبيتها وهيا تجبد عليها بنعسة حتى قال المودن الله اكبر :
عائشة مگلوبة بنعاس : اوووف لقراية عاود داح وعندمن عند لقرع بو كرش
ناضت قدات حاجتها وجمعات كتوبها ولبسات حويجها ومشات عند مها
عائشة : مي كي بقيتي ختي مشات تخدم
مي فاطمة : ايه مشات ونتي سيري لقرايتك لجهوي مبقا لوه والوا ونتي لا حفاضة لا قراية زينة
عائشة : ومزال لوقت
15 ليوم لي بقات لإمتحان ولالة عويشة محافضة والوا
شدات طوبيس وصلها لليسي
دخلت كولشي كيهضر على لجهوي وكولشي كيحفض
قررات تمشي لعند حارس لعام تجيب تلخيص ديال لمواد لفرنسية ولماط والاسلاميات وتقول ليه بلي مغتجيش حتى لنهار لجهوي
خدات دكشي لي بغات ورجعات لدار
مي فاطمة : تي ماقريتيش
عائشة : خريت وجبت تلاخيص بنحفض ومبقيتش انمشي حتى لنهار لجهوي
مي فاطمة : وگلتيها لإدارة
عائشة : گلتها ليهم
مي فاطمة : ودوزي ديري لغدا
عائشة وراتها تلاخيص : بتحفض امي بنحفض
مي فاطمة : ايه وحنا شناكلو بغيتي ميمتك تنوض وهيا مسكينة موعتا فرجلها
عائشة : هئ هئ لاواه امي انا نديرو غا بقاي على خاطرك ... يتبع