هوسي بعائشة

هوسي بعائشة جزء الاول

فواحد الدار جات فحي من أحياء كازا ، كانت ناعسة ولا على بالها بختها لي كدق
دق فواحد الدار جات فحي من أحياء كازا ، كانت ناعسة ولا على بالها بختها لي كدق
دق دق دق دق وديك الخرية فيقي رآه 12 هادي
( لا رد )
....: وزمر ولخرا والقحبة وتگعدي ونتي خامرة
حلات لباب بجهد لقات واحد الجسد على واحد سداري كول رجل فجيه وواحد ليبت غمل مكتوصلوش شمس
مشات ليها وهيا كتنگر
.....: عائشة نودي تقودي خلاص
عائشة : اش بيتي صباح الله متخلو بنادم انعس على خاطرو
.....: اتنوضي ولا نعيط لعباس افرشخ مك
عباس خوهم لكبير مزوج وساكن حداهم فدرب
غا سمعات سميت عباس ناضت قافزة وعلاش لا وهيا غا كتشوفو كتبول
عائشة : صافي خورجي تقودي عليا خنبدل شراوطي
.....: وسربي باش تغسلي دوك لماعن 😈
عائشة : ياسمين بلا متعصبي دين مي غسليهم نتي
ياسمين : هاني مشيت اختي لحبيبة
عائشة : ناري على صباح ميخولك تنعس خرا كي داير شافت فساعة كتلقاها 12 شهقت
عائشة : ناري ناري نعست بزاف سيري يا ياسمين بيت ليك لحكة وقلت ضفار بيت ليك سريسرة ولما مقطوع ياك ابنت لحرام مفييقتينيش علاش 😢 كون جات مي من لخدمة
دخلت عليكم دخلة خايبة ياكو ، نسيت معرفتكمش على لبطلة وختها وعائلتها 
بن داود عائشة ، شنگول ليكم زين زينة خاصها غا لعقل لعينين عسلين وشفار كتاف وبيضة كتر من لحليب ، لفم صغيور ومنفوخ. وغوز ، وحجبانها مقادين من عندك الله  طاي حوتة ، الجمال الرباني
فيها 1,60 شعرها تبارك الله واصل لخصرها  زينة زينة فعمرها 17 طالعة ف18 فهاد الشهر أن شاء الله 
بن داود ياسمين ، حتى هيا زينة تتشبه لختها قاطعا شعرها بحال ديال ليلى حديوي 😂 فعمرها 20 گلسات من لقراية عكس ختها لي باقة كتقرا
بن داود عباس ، زوين بزااف  حيدو عليا هذا مزوج 
الام فاطمة ، ام تقاتلات مع زمان ربات 3 دلولات بوحدها من نهار مات رجلها سي حمد وهيا هازا لحمل الله اخليها ليهم
كتخدم فديور ولاكن معيشا بناتها احس عيشة
نرجعو لبطلة لي لبسات تيشورت ديال لبارصة وشورط ديال توب كحل وخلات رجيلات بيضين حشات رجليها فصندالة وخرجات نيشان لطواليت
قدات حاجتها وغسلات وجهها
ودازت تفطر
ياسمين : لماعن كيتسناك
عائشة شافت حتى عيات وناضت تغسل بحكم نوبتها فشقا
سلات لغسيل دلماعن لي نص فيهم تهرس
هزات مشقوفها ودارت ليكيت فودنيها بقات كتمزك لگناوة ههه
حتى جات ختها وجابت لمطريال وبداو هاك بلاك لغنا وشيح
عائشة : طرن طرن زط زط ستك ستك
ياسمين : سير اختي هاديك ستك ستك
حتى دخل عليهم عباس
عباس : عندي شيخات انا هنا ، عائشة وخا كتخاف منو كدفع جبهة
عائشة : مالنا رآه گالسين غا فدارنا اصلا نغنيو ونشطحو ونتا مالك
ياسمين كتنغزها تسكت
عباس : تحل ليك الفم اشنيولة ها جمعو عليا هاد لخرا ونجي نجمعها مع دين مك
عائشة : لاسميتك راجل ومزغرتا عليك مي ديرها
مشا ليها عباس شدها من شعرها عطاها جوج تصرفيقات وهيا تسخف
ههاهاها
ياسمين : حرام عليك اعباس
مشات جرات ختها لبيت وكبات عليها لما حتى فاقت
عائشة : فين انا شكون نتي من نحن 
ياسمين : ارجوع الله ابنتي
عائشة : اش وقع ليا
ياسمين : حواك محماد مول لحانوت ، نوضي ديرها گد فمك وتسولني اش وقع
ضربتها عائش  بصندالة لترمطها .
ياسمين : نوضي على سلامتك مي رآه قربت تجي يلاه نوجدو ليها كسكروط
ناضت عائشة وهيا ساخطة من صغرها مكتحملش شقا ولا طياب ، غا باش متاكلش شي قتلة ديال لعصا من عند نبع لحنان مي فاطيمة
وجدو ما ألد وطاب عفوا بغيت نقول وجدات ياسمين ما ألد وطاب أما لالاهم عائشة غا گالسة وتخشي فوجهها ، حتى دخلات مي فاطمة ، الله الله على مي فاطمة باينة دوزات زين فصغرها . رآه گالوها إلى مشا زين كيبقاو حروفو
مي فاطمة : الله الله على لحداگة شهاد ريحة يا حبيباتي
نقزات عائشة : مي جيتي زيدي زيدي على مزيناتك توحشناك
مي فاطمة : كيف ديما مدرتي والوا غا ختك هيا لمطيبة
بدأت عائشة كضور فعينيها وتبقلل فيهم ملقات متگول
عائشة : هيهيهيهي مي شوفي عمرت اتاي
فاطيمة : لا حولا ولا قوه الا بالله امتا غا تعلمي يا هاد لبنت قدك رآه تزوج...
مخلاتهاش تكمل
عائشة : صافي امي صافي عرفتهم تزوجو وولدو لولاد
كملو لبنات وحطو لمهم تاكل وبقاو مجمعين وضاحكين حتى دخلات عليهم مرت خوهم هزا ولدها
فوزية بنت زوينة فمقتبل العمر تزوجات هيا وعباس عن حب ،
فوزية : واحد سلام عليكم
مي فاطمة وياسمين : وعليكم السلام مرحبا مرحبا
عائشة : 😒
فوزية :  هيا كتاكلو بلا بينا
عائشة : سبحان الله كنشوفك كتجي غا فوقت لماكلة 🧐
مي فاطمة : اتسكتي نتي لا ، كولي ابنتي فوزية متديش عليها عارفها حال وعقل
عائشة : بدأت تنخسس وتغبن ، ياك امي ياك گوليها لا لا گولي انا هبيلة هئ هئ
ناضت دخلت لبيتها
مي فاطمة : شتي ها شگلت ليك
ضحكت فوزية ضحيكة زوينة
هيا وعائشة مكيتحاملوش حيت فوزية كتعمر لعباس راسو على خواتاتو
كلاو وكولها تفرق اشوف اش ادير
عكس عائشة لي خامرة فلبيت
حلت مي فاطمة لبيت لقاتها ناعسة دخلت وگلست حدا رأسها
من ديما مي فاطمة حنينة على والادها
مسحت على رأسها وقالك : ياك يا لهبيلة ديالي يا نوارت داري تغضبي على مك ، انا رآه كنبغيك ابنتي  وناضت خرجات وخلاتها ناعسة
صبحنا وصبح الملك الله
فاقت ليوم لموصيبة لكحلة بكري عن غير عادتها وعلاش لا وهيا ليوم قارية على صباح
ملاحظه : عائشة كتقرا فسيزيام ديرا اداب  متقشبل والوا فلقراية
فاقت طرفت حالتها طلت على ختها لقاتها ناعسة
ومها خرجات تخدم فواحد لفيلا خارج كازا كتمشي بكري باش توصل فلوقت
لبسات حويجها عبارة عن صلوبيط دجين  فلكحل واسع وخلاتو بحال سروال ، لبسات قبية واسعة من لفوق فلحمر وسبادري فلبيض ودارت نضاضرها
عائشة مكديرش لماكياج حيت متحتاجج
ممشاط شعرها وخشاتو تحت لقبية هزات شكراتها دارت فيها كتوبها وطابيلة وخرجات
شدات طوبيس لليسي كيف لعادة ديما مخاصمة مع ناس على ود لبلاصة... يتبع