صبحنا وصبح الملك الله
عند جود لي فاق لقا راسو فديك لحالة ولقراعي ديال شراب شي مهرش وشي مليوح حدا راسو
جود : شهاد لحالة وصلت ليها ، ناض دخل دوش لبس حوليجو قاد ليه قهوة ومشا لبالكون شعل گارو وبقا كيخمم
جود : باش نسها انتزوج ببنت عني عايدة هذا هو لحل
خرج ركب فلوطو نيشان لفيلا
عند عائشة : فاقت مع صبااح بكري باش تمشي مع ختها ، قدات حاجتها وطرفات رأسها ولبسات حويجها جداد وخلات شعرها مطلوق لأول مرة هزات سكادو دارت فيه لملاخصات وبيسي وكامرا ومشقوفها وخرجت لبيت عند ختها لي لقاتها لابشا سروال دجين زرق وتيشورت بيض وكويرة وسبرديلة فلبيض خرجو شدو طاكسي وصلاتهم قدام لفيلا
عائشة : شوفي مديريش ليا فيها حاكمة خليني على راحتي
ياسمين : ختي مديريش شي فضيحة
عائشة : لا لا انبقا غا نحفض
دخلو لبنات من لباب ديال لكوزينة گلسات عائشة وجبدات بيسي وملخصات خوات گاع سكادو فوق طبلة وبدات تراجع حيت معولة تنجح
عند جود لي دخل لفيلا وطلع لبيتو
هبط عثمان وهو كيفكر فخوه لي مشا ومگال ليه والوا
دخل لكوزينة فيه جوع
عثمان : سلام عليكم
تلفتات عائشة : واا لعشير صباح الخير
عثمان وهو كيشوف فياسمين : شي ناش مكيگولوش صباح الخير
عائشة مفهمات والوا مع دلك ضحكات
عائشة : گلس گلس ، عندك بعدا مع لمواد لأدبية
عثمان : لا انا علمي ومكنحملش لحفاضة ، وأصلا باغي نفتر وندوق ماكلة ختك ممساليش ليك
عائشة شافت فختها لي ولات حمرا بلحشة وفهمات لبلان
عائشة : ايه انا نخرج لجردة ونتا بقا تفتر على خاترك
ياسمين : لا عائشة متخلي....
عثمان : بح مشات كاين غار انا وياك
ياسمين خنزرات فيه ودارت عطاتو بضهر
عند جود لي بدل حوايجو وجبد كتاب يقرأ فيه على ما توصل وقيت لغدا باش افاتح لعائلة فلموضوع
عند عايدة وحفصة
عايدة العمراني 24 سنة قصيرة ورقيقة وبيضة وشعرها مطويل مقصير سابغاه فلكحل مهم زوينة مقبولة
حفصة الزايدي بنت عمتهم 22 سنة حتا هيا كيوت مشاء الله غزيولة كتقرا تسير الشركات
عايدة : حفصة ختي انا رآه كنبغيه من صغري هئ هئ إلى متزوج بيا انحماق عمري شفت شي واحد من غيرو عفاك شي حل
حفصة : معرفتش اختي معرفتش
عند عائشة لي خرجات لجردة وبقات كتبريباري مع رأسها وتهضر بوحدها : گاع معندهم لابيسين فهاد لفيلا
طل جود من لبالكون بانت ليه بنت گالسة كتهضر بوحدها وشعرها طويل وكحل كيلمع ، جات فبالو عائشة زعما تكون هيا شنو جات دير ، هز كارو وهبط لكوزينة لقا ياسمين وعثمان مخاصمين حنحن كولشي سقل
عثمان : ءءء خويا امتا جيتي وفين كنتي
جود موجه كلامو لياسمين : شي كاس دلقهوة
عطاتو ليه هزو وخرج لجردة
عائشة : حبك تسونامي ضرب لي قلبي حبك تسونامي استر يا ربي ، وواخا جونيمار لقلبي لي بغات الوليد الوليد انا جبت انا جيت انا جيت جونيمار ومشيت لروضا وعزاوني هلي يا لحبيب ، ياربي شي راجل اكون توتوز ولحية ولبادر اتجوج بيا ونغني ليه
جود من وراها : حفضي
دارت عائشة تصدمات مني شافتو
عائشة : تف تف تف صمحمحيم صمحمحيم آمالك اخويا دير غا لحس جاي تسلت
عصباتو بديك خويا : انا ماشي خوك مشا وخلاها
عائشة : توما مال هاد لقلاوي هذا
كملت غناها ، وعندو زين عندو لحمام ديرو في داروا وانا لحب وانا لغرام جبتي تالدارو
وصلت وقيت لغدا كولشي هبط اتغدا تجمعو على طلبة بغاو ابداو اتغداو حتى سمعو كلام جود : بلاتي عندي ليكم شي هضرة
ياقوت : ولدي كنت عارفة مغتمشيش
جود : بغيت نفتح معاكم موضوع كيهمني وكيهمكم
العائلة : ايه اولدي
جود : قررت نتزوج
عايدة بصدمة : ءءءء كيفاش
مها : سكتي نتيا
جود : بغيت نتزوج ببنت عمي عايدة وهاد السيمانة
عايدة : ءءء سمعتي احفصة اه اه انا قابلة
الجد : ايه اولدي لي بغيتي
ياقوت مبغاتهاش ليه : ماشي زربتي اولدي فلإختيار
جود كلس : لا
بداو اتغداو وكولشي فرحان خصوصا عايدا اتخرج ليها الفرحة من عينيها
جود : لخطبة غدا ولعرس من هنا لصيمانة وجدو راسكم وناض طلع لبيتو
عند عائشة لي تغدات هيا وختها : ياسمين شنو بينك وبين عتمان
ياسمين تلفات : ءءء لا لا والوا غا كيبان ليك
عائشة : اممم ليجعلني نتيق
وصلات لعشية وخرجو شدو طاكسي وصلهم لدار دخلو سلمو على مهم
مي فاطمة : ياكما درتي شي موصيبة تاني
عائشة : بلعما يا مي سولي ياسمين
ياسمين : ايه يا مي كانت غا كتحفض
مي فاطمة : تعشيتو
عائشة : لا
ياسمين : اه
مي فاطمة : نتي وخا تاكلي متشبعي و نوضي را حقكم فلكوزينة
عائشة : شكون طيب ليك
مي فاطمة : فوزية
عائشة : شت داك عباس غبر
مي فاطمة : ومسكين رآه خدام الله مكافي مع لوقت
عائشة : نينيني مسيكين ناضت دخلت لكوزينة تخشي فوجهعا سلات خسلت وجهها وسنانها ودخلت تنعس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
....يتبع
أنت تقرأ
هوسي بعائشة
Humor∆°°°°°°°°°°°°°°°°°°°°°°°°°°°°°°°°°°°°°°°°°°°°°°°°∆ حصريا ✨🖤 ∆°°°°°°°°°°°°°°°°°°°°°°°°°°°°°°°°°°°°°°°°°°°°°°°°∆ القصة بعنوان : هوسي بعائشة بقلمي انا : شامة ( كليوباترا ) 🧡 ربطو أحزمتكم باش تنطالقو معايا فقصة...
