معا نمضي للفردوس

تيجي نلتزم😍

السلام عليكم ورحمة الله وبركاته 😓 مالك متضايقه ليه كدا؟؟؟ أقولك الصراحة أنا لسه واقفه مكاني، لسه متحركتش، لسه مخدتش القرار اني اتغير🥺 وكنت بقول داأنا هدمر الدنيا بالتزامي وقربي من ربنا، عارفه كمان كنت خدت القرار اني ابطل بناطيل وأغاني وابدأ فعلًا في حفظ القرآن لما حسيت إن قلبي وجعني على الحاجات اللي سبتها😔
- هااااا وبعدين؟؟
للأسف الشدي رجعت تاني💔 ومستحملتش، وصدقيني والله والله أنا نفسي اتغير، نفسي اقرب من ربنا قوووي، نفسي ربنا يحبني قووي ويرضى عني ولو رضي عني أنا حياتي كلها هتتصلح ونفسيتي ترتاح بدل الخنقة والنفسية اللي أنا فيها دي😓😭
عارفه أنا بحب ربنا قوي والله بحبك يارب قوي بس.......أ.. أ..
- بس إي... ؟؟؟؟ ماتكملي!
بس بحب الأغاني قوي بردو🥺😭😭 بحب البناطيل والميكب، والفستان اللي جايباه لفرح صاحبتي ده بحبه قووي عشان مخليني أنثى جميلة 🥺بحب اتكلم مع حبيبي قووي عشان هو وعدني بالزواج😓 وفي ذنب بيني وبين نفسي كدا مدمرلي حياتي بس بحبه قوووي قووي ومش قادره ابهد عنه وبقول استحاله ابعد عنه بالذات الذنب ده😭😭 أنا وحشة قوي ونفسي وحشة وربنا مش بيحبني😓 بس أنا بحب ربنا ونفسي اتغير، نفسي اقابل ربنا نضيفه ويرضى عني ويحبني ويطهر قلبي من كل اللي أنا فيه ده عشان تعبت جامد وكرهت حياتي حرفيًا، هاتولي حل عشان خلاص اكتفيت، ومعتش فيّ طاقة خالص اكمل، الحياة أصلًا لوحدها وحشة، والظروف ومشاكل الأهل، ومغيش حاجة بتهون على الواحد خالص، حتى نفسي ماشيه ورا أي شهوة، ومش راضيه تساعدني، ووخداني وراها، زي ما تكون هي الأب وانا الإبن اللي دايما بينفذ 😓 وكل حفرة نار تاخدني ليها وانا ماشيه وراها زي شخص سكران بيتخبط ومش عارفله طريق بالله عليكوا أنا تعبت جدا جدا ونفسي ارجع لربنا واتغير، عشان الحياة من غير طريق ربنا وحشة قوي، ومعايا خصوصا لإني جربت كل الشهوات اللي افتكرت ان اللذة والمتعة هتكوو فيها😖 بس للأسف كانت نفسي بتشتغلني، ولقيتها متع ولذات فانية😓
اتمتعت آه مش هكدب عليكوا، بس دلوقت النفسية هي اللي مدمرة وداخلة في مرحلة اكتئاب😭 أما طريق ربنا كل اللي بشوفهم بيتعبوا ويجاهدوا نفسهم في الطاعة بس بيستريحوا أول ما التعب يمشي، التعب بيمشي وتفضل الراحة النفسية والقلب المرتاح🥺 أنا عاوزه اكون زيهم، أنا مش أقل منهم في حاجة، هاتولي حل😖
- برافووو جدًا جدًا 😍 ودي بقا بداية التغيير، إنك عرفتي الحياة على حقيقتها وكشفتي طريقتها في خداعنا، واننا فعلا لو مشينا وراها هنتمتع دلوقت بس هنتعذب بعدين، جميل جدا إنك حسيت بوجع القلب اللي مش هيسكنه ويداويه غير ربنا وحب ربنا وطريق ربنا 😍
هنيئا لكِ والله إنك رُزقتي بقلب صاحي وضمير حيّ دلوقت نادر جدًا تلاقي قلبك ده دلوقت🌸
الحل بسيط جدًا جدًا، بما إنك جيتي المستشفى الربانية، جايه وعارفه إن في علاج وروشتة لازم هتمشي عليها، ولو انت رافضة تاخدي العلاج يبقى خلاص بتموتي قلبك ولازم تتجبري على أخذ العلاج✊
- مين اللي هيجبرني، أصلًا ماليش صحبة صالحة تتابع معايا، ولو كان معايا مكانش ده هيبقى حالي أصلا دايما وحيدة وماليش حد😓 بصي أنا عاوزه حد يفضل معايا يتابعني بالثانية وإلا هقع😖
غلط غلط جدًا كمان انك تعتمدي على حد يوصلك لربنا، ومعلقه شرط الوصول لله على وجود الصحبة دي، هقولك حاجة وجود الصحبة شئ ضروري جدًا عشان نعرف نوصل لربنا وهما الجسر اللي هنعبر بيهم بحر الشهوات والدنيا، بس متعلقيش وصولك لله بيهم هما، هناخد النصايح والطرق منهم تمام..! ؟ احنا بقا ننفذ ونتمسك بحبل الله (الدعاء) عشان هو اللي هيوصلنا، عشان لو علقتي وصولك لله بحد معين استحالة توصلي، ياريت نحط دي حلقة في وداننا كلنا👌وصحبتنا هتكون القرآن وكتب الصالحين ونتكلم في النقطة دي بعدين🌸
يبنتي جرحك عميق قووي، محتاج دواء عميق جدًا، عشان نقدر نعالج الجرح ده، دخلتي في مرحلة خطر يبنتي، ولو سكتي على نفسك هندخلك العناية المركزة وممكن تعيشي وممكن لأ، بس الحمد لله إنك جيتي دلوقتي واكتشفتي إنك مريضة بالمرض الصعب ده👏🤝
- بس يا دكتور ممكن اتعالج ويرجع قلبي سليم تاني، حاسه انو صعب ان قلبي يرجعلي تاني😭😭😓
اهدي، قلبك هيرجعلك سليم بل أسلم من الأول كمان بس بشرط👌
اي هو الشرط.. ؟؟ قولي يا دكتور وأي علاج همشي عليه، حتى لو صعب، أهم حاجة ابني( قلبي)  يرجعلي سليم بالله عليك😭
هكتبلك الروشتة والله المستعان، هدلك على علاجك ولو قصرتي في أخذ العلاج يبقى كدا حكمتي على نفسك بالموت، ومتلوميش غير نفسك بعد كده👌
هتقدري ؟؟؟🙄 ولا نفسك هتشتغلك وتقولك بلاش علاج النهارده احنا بقينا كويسين ومش محتاجين علاج؟؟؟
- هقدر واقاوم وعندي عزيمة وهمة، وهغلب نفسي والشيطان وهاخد العلاج بإذن الله💪✊
معانا أول حاجة في الروشتة: (الدعاء)، بصي يبنتي العلاج ده مش هتبطيله أبدًا لحد ما تموتي، حتى لو لقيتي نفسك كويسة وتيقنتي إنك مش محتاجاه، خديه بردوا ومتسيبيهوش، عشان لو سبتيه حالتك هترجع أسوأ مما كانت، بعد ما بقت أفضل ما تتخيلي تمام... ؟
تاني حاجة: ( حفظ القرآن) كل يوم احفظي 3 آيات صغيرين، ولو الآيه كبيرة قسميها على مرات متاخديهاش مرة واحدة، بس أهم حاجة يومك ميعديش غير لما تاخدي الدوا ده، عارفه انو صعب شوية بس مفعوله قوي جدًا جدًا واسألي كل المجربين قبلك، وده بردو مستمر معاك حتى لو خفيتي👌
تالت حاجة: عندك الخطوط الحمر، اللي مهما حصل مينفعش تسيبيهم، روحتي مشوار، أو عندك مشاكل، لازم تاخديهم، ومتستهتريش لو بجد عاوزه تخفي، العلاج ده سهل اهو وبسيط جدًاا أول خط احمر معانا: أذكار الصباح والمساء
تاني خط: صلاة الضحى
( ركعتين)
تالت خط: ختم الصلوات
رابع خط: صلاة الوتر ( ركعة واحدة)
خامس خط: قراءة القرآن بتدير، ويكفينا في البداية خمس آيات بس تفهمي معناهم وتعيشي معاهم، مش قراءة وبس، تقعدي مع نفسك في مكان هادي وتعيشي معاه وتتلذذي بيه😍🌸دي خطوط حمراء تحت أي ظرف لازم يكونوا موجودين 👌✊
رابع حاجة في الروشتة والأخيرة : تغيير الأخلاق، ابهري اللي حواليك بأخلاقك وهقولك تبهريهم ازاي
أولا والديكِ: ابهريهم بالطاعة واللين والرفق، ولما أمك تيجي تناديلك بلاش نعلي صوتنا ونقول هو مفيش غيري منا لسه عامله كذاوكذا وكذا وكذا وتعدي أعمالك العظيمة من يوم ما وعيتي على الدنيا😅 بلاش أمك تخاف تناديلك ده بحد ذاته عقوق، خلي أمك تحب تنادي عليك لإنها مش بتسمع غير حاضر ونعم من الإنسانه الجميلة اللي قررت تتغير، ولما تناقشهم في موضوع حتى لو الحق معاك بلا علو صوت بالله عليك، واتكلمي براحة ولين، وفهميها وجهة نظرك وهي هتقتنع في الآخر على فكره وكله بالحب واللين 😍👏
ثانيا: خواتك، ابهريهم بالتسامح يعني اي؟🙄 يعني حتة اللحمة اللي انت مخبياها في أعماق أعماق التلاجة وهي بإرادتها وعزيمتها وصلت لها وخدته سامحيها وقوليلها لحمتي ولحمتك واحدة يا قلبي😍 الطرحة الجديدة اللي متلبستش ولبستها هي😟 سامحيها وقوليلها طرحتي وطرحتك واحدة، وهكذا بقا في كل حاجة، التسامح وبلاش خصام على أتفه الحاجات، وبلاش بردو نعلي صوتنا ونتعامل باللين، اللين هو أساس كل حاجة👌😊
ثالثا: قرايبك، ابهرهم برنة واحدة بس لو المكان بعيد واطمن عليهم، فعلًا تبقي انسانة رائعة، ولو المكان قريب اخطفي رجليك وسلمي عليهم وارجعي، مش هتخسري حاجة، وهتبقي بطل في الدين والله، لإن صلة الرحم ده شئ مهم جدًا جدًا ونتكلم عليه بالتفصيل بعدين🤝
رابعا: صحابك، ابهريهم بالشهامة، خليك بنوتة شهمة كده، وأي حد يطلب منك معلومة متبخليش بيها عليه، لو سمعتي المحاضرات ونظمتيهم في كشكول وزعيه لأي حد والله والله ربنا اللي بيبارك، وهيفتح عليك وهتطلعي الأولى ان شاء الله، هتعملي الخير هيتردلك أضعافه، واسألوا أي حد عمل كده وهيقولكم😍
خليك مع أي حد، حد زعلان خففي عنه مش شرط تكون صاحبتك الأنتيم أي حد، حد مبسوط شاركيه، حد مكسور اجبري كسره ده لو بكلمة، اسألي على اللي مبيسألش عليك هما هيقدرو دي بعد كده وهما اللي هيجوا ويسألوا عليك مهو يمكن منعتهم ظروفهم من السؤال عليك، التمسيلهم الأعذار، وظني فيهم الخير دايمًا، ونتكلم على ده بالتفصيل بردو بعدين👌
وأخيرًا خليكِ بنوتة جميلة لأي حد يشوفك، خليك بلسم بروحك الجميلة وسيبي أثر في أي مكان ورسالة إن الدين جميل وده كله طبعا باللين ❤😊 وبما إنك قررتي تلتزمي با بطل، فبلاش لما تشوفي حد بيعمل الغلط اللي كنت بتعمليها زمان تستحقريه، وتقولي حرام وهتدخل النار وتخوفي اللي قدامك من ربنا🙄 بلاش وافتكري قول الله" كذك كنتم من قبل فمن الله عليكم" ذكريهم دايما بالجنه ونعيمها وهكذااا🤝
وهي دي روشتك النهارده ازم تمشي عليها، والاستشارة كمان أسبوع بالظبط، زي ما قولنا العلاج صعب وبالتالي عاوزه همة شديدة وعزيمة ومثابرة وإرادة واستمرارية، وإياك تتركي أي علاج✊💪