معا نمضي للفردوس

الخمار 😍😍

هـ نتكلم عن الخِمار و كل الأسئله اللي بـ تيجي فـ دماغ أى حد لو فكر فيه 🌸

- البنوتات اللي بتقول انها لسه صغيره علىٰ لبس الخِمار و انو هيكبرها .
= صغيره !! يعني انتِ لو جالك عريس دلوقتي هتقولي صغيره ! لو ربنا قبض روحك دلوقتي و سألك ملبستيش الحجاب الشرعي ليه هتقوليله أصل كنت صغيره !
طب هل الجنه و النار فيها صغير و كبير !
هل القبر مكتوب علىٰ الكِبار فقط !

- مانا بلبس چيب و فساتين و طرح عادي يعني حجاب شرعي اهو !
= الطرح اللي بتلبسيها بـ تبقىٰ لحد فين ! ها ؟
دي لو مغطية رقبتك بـ تبقىٰ كويسه أوي .
ربنا قال { وَلِيَضْرِبنَ بخُمُرِهِنَ عليَ جُيُوبِهِنْ } .
يعني الخِمار يغطي منطقه الصدر ، و كمان الخمار جايه من الخمر اللي بتغيب العقول و تسترها .

- طيب مَ في ناس لابسه الخمار و بتبقىٰ اوحش من اللي لابسه طرح و بناطيل ! ، مش بـ اللبس علىٰ فكره .
= هو انتِ لو شوفتي حد مسلم كان وحش هتقولي كل المسلمين وحشين ! لو شوفتي واحده بـ بنطلون عملت حاجه غلط هتقولي عليهم كلهم وحشين !
مش فاهمه ليه القاعده دي بـ تنطبق علىٰ المختمرات و المنتقبات !
ليه هما اللي لو واحده فيهم عملت حاجه وحشه يبقىٰ الفئه كلها وحشه !
ما احنا زيكوا برضه و بنغلط ! " كُلُّ بني آدم خطآء " .
و بعدين انتِ هـ تتحاسبي لوحدك مش هـ تشيلي ذنب حد فيهم يعني😃

- انتِ شجعتيني بس انا خايفه ..
خايفه شكلي يبقىٰ وحش بيه ، أو حد من قرايبي يقولي مكبرك اقلعيه ،  أو حد يزن عليا بـ البنطلون و اقلعه ، او مكنش قده و استاهله و عايزه التزام شويه قبل ما البسه ..
= طيب انتِ هتلبسيه عشان حد يقولك شكلك حلو بيه و لا علشان ربنا يرضىٰ عنك ؟
احنا دلوقتي هـ نعمل لآخرتنا و بس ، ملكيش دعوه بـ كلام الناس ، همه مش هيتحاسبو بدالك ، دول هينفروا منك اصلا يوم القيامه و هيقولولك محدش قالك اسمعي كلامنا ..
{ يَومَ يَفِرُّ المَرءُ مِن أخِيه ، وأُمِّهِ وَأبِيه ، وَصـٰحبتِهِ وبَنيه ، لِكُلِّ امرىءٍ مِنهم يَومئذ شَأن يُغنِيه } .
و كمان انتِ لو اتمسكتي بيه مهما اتقايل مش هيأثر فيكِ .
النبى ﷺ قال :
" لا تزال طائفه من أمتي ظاهرين علىٰ الحق لا يضرهم من خذلهم حتىٰ يأتىَ أمرُ اللهِ و هم كذلك " .
همه ثابتين ، ماشيين علىٰ الحق و العقيده و العبادات و الأخلاق .
الناس هتخذلهم ، هتتريق عليهم " دا طبيعي "
فـ القابض علىٰ دينه كـ القابض علىٰ چمره من النار .
بس هي هتثبت علىٰ كلامهم ، مش هيهمها حد ، هى عايزه رضا الله ، الناس بـ النسبه ليها و لا حاجه
النبى ﷺ مدح الناس دي 💚 ، دي الناس اللي هـ تفضل ثابته حتىٰ الممات ، حتىٰ يأتىَ الموت و هم كذلك .
الناس دي مش بتتريق عليكِ و بس !
دي كمان بتستهزء بـ أوامر النبى ﷺ !!
لما تحسي بـ تريقه اللي حواليكِ
اقرءي آخر سوره المؤمنون ، اقرءي آخر سوره المطففين ..
شوفي ربنا بيقول علىٰ الناس دي اي !
* طبعا مفيش سُنه بتقول انك لما تكوني مخنوقه ارجع لـ الآيات دي ، بس نا بقولك إلجَئي لـ القرآن * .
اعرفي مصيرهم اي ، و انتِ اللي ثابته علىٰ الحق مصيرك اي ! 💙
الناس مش بـ تسيب حد فـ حاله ، لو لابسه اي ! هيتكلموا بردو .
فـ احنا نركن الناس علىٰ جنب و منفكّرش فيهم لانهم مش هـ يتاحسبوا مكاننا .
وحكاية انك تلتزمي الأول دي فـ انا عايزه اقولك ان الخِمار او النقاب هـ يربيكي و هـ يساعدك علىٰ مُجاهدة نفسك و انك تبعدي عن حاجات كتير غلط كنتِ بـ تعمليها .

- بس الجو حر و هو هـ يكتفني و مش هـ يخليني ابقىٰ براحتي زي البنطلون .
= تعرفي انك طول ما انتِ ماشيه و لبساه * خالص لـ وجه الله * بتاخدي حسنات ؟
تخيلي بقىٰ لما تخرجي مشوار وترجعي بـ تجمعي حسنات قد ايه .
و العكس صحيح لما تخرجي بـ البنطلون كمية الذنوب اللي بتاخديها قد ايه !
وبعدين ربنا قال :
{ قُل نارُ جهنمّ أشدُّ حَرًا لَو كَانُوا يَفقهون }
اللي بـ يلبسوا بناطيل دول لا يدخلن الجنه و لا يشممن ريحها ، لعدة أسباب كتيره جدًا .
حر الدُنيا و لا نار ! ، نار الآخره اللي هي خلودٌ بـ لا موت !!
و بعدين مش هتبقي براحتك إزاى و انتِ لبسك واسع و محتشم و مفيش ذره منك باينه ! دي منتهىٰ الحريه ، اعقدي النيه لله و توكلي عليه و البسيه 💚
قولي ي رب نا هسيب كل حاجه عشانك ، ي رب نا مش عايزه الدنيا نا عايزه الجنه 💜 ، حطي النيه انه لله و متخافيش مهما قالولك عشان محدش بـ يسيب حد فـ حاله .
رزقكم الله تاج العفه 💜
دُمتُم بـ خير يا جميلات 💙
#خمارك
#حجابك

❤