معا نمضي للفردوس

صلاة الاستخارة

السلام عليكم ورحمة الله وبركاته
صلاة الاستخارة يا بنات مهمة مهمة مهمة جدااا خاصة في حوارات الزواج
جايلك عريس استخيري حسيتي براحة خلاص وقرأتوا فاتحة استخيري اتخطبتوا خلاص ولبستوا دهب استخيري كتبوا الكتاب استخيري لحد يوم الفرح اوعي تبطلي استخارة. لانك ربنا ادري منك اذا كان الزواج دا خير ليكي والا شر
طب فيه ناس بتبقي محتارة ازاي تعرف نتيجة الاستخارة
فيه الل بيقول النفسية مرتاح والا لاء وفيه يقول بتيجي النتيجة في حلم دا كنت كل الل اعرفه عن الاستخارة والل اغلبنا عارفه فطول ما الواحد نفسيته مرتاحة وهو مكمل
فيه شيخ قالي ان نتيجة الاستخارة برده بتبقي بالتيسيير والتعسير يعني لو الخطوبة متيسرة معاكي وأهلك وأهله أغلب الوقت متفقين أكيد بيبقي فيه خلافات دا طبيعي في الأغلب بيوصلوا لحل بيرضي كل الاطراف والدنيا معاكي تمام لحد ما زواجك يتم علي خير فكدا انتِ في السليم
طب حد تاني الدنيا متعصرة ليهم الخطوبة مثلا مش بتم علي خير أو الزواج نفسه مش راضي يتم الأهل دايما مختلفين وعلي حاجات بديهية وتافهة وكل ما تستخيري الحاجات دي بتزداد تعقيد مش بتتحل وتظهر مشاكل اكتر يبقي مفيش خير من الزواج دا وربنا مش عايزلك دا
انتِ استخرتيه وهو مش شايف دا لمصلحتك لا في دنيا ولا دين
وكذلك مثلا في شغل، في كلية،في اي عمل نويت تعمله التيسيير والتعسيرر هو الل بيكشف نتيجة الاستخارة وطول ما انت بتستخير متخفش ومتزعلش من نتيجتها ومن الل ربنا هيقدره ليك
فأتمني الموضوع يكون سلس ومفهوم وربنا يقدملكم الل فيه الخير دايما ويبعد عنكم كل شر