بقلم قائد
انه قائد وحيد اهلي عمري ٣١ سنه محامي وكلمتي وحدة وماتصير اثنين انه متزوج بالجديد بعدني عريس طبعا مرتي تزوجتهة زواج تقليدي امي رادتهة الي وانه ماحبيت اكسر بخاطرهة وقبلت بيهة
بداية زواجي عانيت وياهة كلش لان انه ماحب النسوان وعندي ياهن مجرد لتفريغ الرغبات ومشكلتي وية مرتي چانت تريدني اربعه وعشرين ساعه مگابلهة هي جمالهة چان متوسط
انه اتاجر بالاسلحة بالسر معروف عني باسم "النسر " معروف بين تجار الاسلحة بس طبعا مايعرفوني نفسي كشيخ عشيرة واسمي قائد
انه متسلط كلش واعترف ماعندي مشاعر اكتل برمشة عين وعنيف وقاسي وية الكل حته وية امي موكلش علاقتي وياهة احترمهة واحبهة اي بس مو قريب عليهة ابد بحياتي ماحبيت احد
عندي ثلاث عمام كل واحد مسطرلة ولد وبنات
بس اقرب واحد بين ولد عمامي هو ثامر ويشتغل وياي بالاسلحة وهو ذراعي اليمين
انه عايش ببيت العائلة الچبير يعني عمامي وولد عمامي كلحنه عايشين سوة
راح ابدي بقصتي
صارلي متزوج خمسة اشهر ومرتي رادت تروح لسامره وانه چان عندي وجبة اسلحة ولازم اخطط التهريب وية زلمتي للعمارة فماگدرت اوصلهة خليت ابن عمي جاسم يوديهة راحت هي وانه وصلت الاسلحة للعمارة وچانت عندي قضية احلهة المهم حليتهة وگعدت بالمكتب مالتي وسمعت تلفوني يدگ جاوبت وطلع ابن عمي جاسم
... الو ها جاسم خيرك
... السلام عليكم
... وعليكم السلام منهو وياي
... والله ماعرف شنو احچي بس صار حادث وصاحب الموبايل بالمستشفه
انه سمعت هيچ ورحت جمعت زلمة عشيرتنه ورحنه لسامرة طبعا الرجال انطاني اسم المشفى ومن وصلت عرفت جاسم زين وتعدة مرحلة الخطر بس مرتي توفت اهنا انه ماعرفت شسوي انهد حيلي صحيح انه ماحبهة بس هي مرتي وماقصرت وياي بشي ابد چانت مطيعة وشني اگوللهة تگول حاظر حزنت علة موتهة وقررت انتقم الهة واخذتهة فرصة حته اريح نفسي شوية واعذب ناس اعترف حتگولون علية مو انسان اي انه شيطان ارتاح من اشوف احد يتعذب گبالي
انه
قاسي
مغرور
متسلط
جبروت
طاغوت
شيطان
متكبر
زعيم
المافيا
انه
قائد
اي انه قائد هاذة هو انه واعترف بنفسي انه عصابچي(مافيا ) انه رئيس مافيا اتاجر بالاسلحة والمخدرات ابيع نسوان شرب كلشي شيطاني وموزين اسوي هاذة انه من داخلي وحش واعترف بس كلهاذ محد يعرف بية الناس تعرفني كشيخ عشيرة ومحامي بس انه رئيس مافيا
طلبت الدم بالدم بس مارضوا بعدين فكرت گلت انه خسرت حرمتي خليني اخذ منهم حرمة اريح نفسي شوية وهي تتعذب طلبت منهم فصلية وضلوا يصايحون وانه عند رايي گلت لو الدم بالدم لو فصلية وفلوس. طبعا حتسألون ليش طلبت فلوس هههه خل اگوللكم انه اكدر اشتري قصور وعمارات ومو محتاج للفلوس بس طلبت حته همة يتعذبون ويضلون يگدون منا ومناك حته يحصلون الفلس
أنت تقرأ
مليكة گلبي
Romanceباوعتلة بقهر _ شنو تريد مني صرخ بية: انه اعشگج ليش ما تسمعين گمت ابچي : ماريدك اني ما احبك لزمني بقوة ويباوعلي بحدة: غصبا اعليچ تحبيني دفعته من صدرة: ابتعد عني ماريدك ليش متتركني بحالي باوعلي بنظرة كولهة الم وخيبة وندم حظني وهو يعصرني :...
