مليكة گلبي

الفصل السادس عشر

قبل كولشي صوتولي

⭐⭐⭐⭐⭐⭐⭐⭐

راح نتعرف علة شخصية جديدة

اني  اسمي مهند دكتور جراح  طاااگ كولش عندي خير من الله عيادة ومستشفى خصوصي وصيدلة عندي خير والحمدلله علة كل حال

اني عمري  ٣٦  سنه من محافظة كربلاء  بس  صارلي سنوات من انتقلت لمحافظة  بابل" الحلة "  

ابوية دكتور جراح  معروف بس انقتل بزمن صدام حسين  لان هو دكتور  معروف وتعرفون بزمن صدام حسين الموت يمشي بصفك وين متروح 

اني جسمي رياضي ومعتني بنفسي شي اكيد اني شخصية معروفة جدا وصديق لدكتور فراس الجراح حتگولون شلون صديقة خليني اگوللكم عن علاقتي وية الدكتور فراس

اني چنت طالب تحت ايده وكولش حبيته واعتبرته قدوتي وچان وياي بكول خطوه  بس للاسف تعييني طلع محافظة بابل واضطريت انتقل هناك وعلاقتي بالدكتور ابد ما انقطعت بالعكس احچي ويا باستمرار والتقي بي  من ازور كربلاء وهناك اضل يمه بالبيت چنت اشوف بنته الوحيدة "مليكا "  چانت هادئة ودلولة كولش  چنت احبهة حيل والاعبهة اعتبرتهة بنتي لان اني اكبر منهة  ١٦ سنه فحبيتهة من كل گلبي  بس مافكرت بيهة غير فكرة  كحب لحبيبة لا ماعندي هذني السوالف ابد

اني وحيد ماعندي لاعمام ولا خوال منقطع من الشجرة عايش وحدي امي ماتت من صار عمري ٢٠ سنه ومنا بديت اعتمد علة نفسي  وابذل جهدي بدراستي اكثر لان چنت بالمرحلة الثالثة بس بالعطلة اروح اشتغل واكرب واجمع فلوس علمود الدراسة واكون نفسي

مامتزوج لان ماحب التقيد احسه الزواج يخنگ  واني احب العزوبية طول عمري حر ومامتقيد ابد 

چنت فد يوم گاعد بالعيادة مالتي واتصل بية الدكتور فراس

.... الو اهلا دكتور شلونك

.... الحمدلله بخير انت شلونك

استغربت من صوته چان مبحوح.... دكتور صوتك بي شي شنو بيك احچي فضفضلي

.... ااااه شحچي مهند شحچي بنتي ملوكة

گلبي انقبض... شبيهة فراس

.... راحت فصل

..... لااا مستحيل شلون مو گلت راح تحل المشكلة بالفلوس يعني اخذوا اليردوا

.... اي اخذوا مني بنتي مهند اني تعباان حيل تعبان

..... سلامتك حبيبي انت وين هسة

.... اني بالدوام ب المستشفى

..... اها اوك اني جايك هسة اوگفلي

.... ماشي

رحت لغيت مواعيدي وطلعت لكربلة واني گلبي معصور معقولة ملوكة راحت فصلية اااه هاي حبيبة ابوهة شلون راحت هيچ اوووف بعدهة صغيرة