مليكة گلبي

الفصل الرابع

بقلم مليكا

تخبلت من شفته اريد احچي انعگد لساني خفت يسوي بية مثل البارحة اتمنه اهرب لو اموت ولا اشوفه ضليت انتفض وارعش من الخوف والبواچي اريد اهدة ماگدر بحيث بدت عندي حالة الاختناق واريد البخاخ بس مو يمي اشوف قائد واگف يباوعلي ببرود وابتسامه باردة مثلة مرسومه علة وجهة

خالدية..... ولك البنت حتموووووووت قاااااااااااااائد

طلع من الغرفة ببطئ وهنا اني وگعت بالارض اريد اجر النفس ماكو استسلمت للضلام بس....

بقلم قائد

انزعجت من صراخهة طلعت من الغرفة ودخلت للجناح وفتحت جنطتهة لگيت بيهة بخاخ جديد سحبته ورحت لغرفة عمتي خالدية دخلت وانطيتهة البخاخ واشوفهة تريد تغمض عيونهة بس تلاحگت عليهة اشوفهة سحبت هوة مثل الواحد الغرگان وطلعوا من الماي

.... هاذة لان طلعتي من الجناح وطلعه خارج الجناح ماااااكو فهمتي

هية حاضنه بنت عمي هيام وترجف وتباوعلي بخوف

صرخت بيهة.... فهمتي

هي گامت تهز راسهة باي من الخوف

.... گولي فهمت مو تهزيلي براسچ

.... اي اي فهمت فهمت

چانت تحچي بخوف ورجفة

..... انتظرچ بالجناح خدامتي

طلعت من غرفة عمتي ودخلت لجناحي طلعت الحاسبة وبديت اتفق علة وجبة تهريب الاسلحة الجاية حچيت وية منعم هاذة ذراعي الايسر بعد ثامر ابن عمي علة توضيح الخطة لان انه مراح اكون موجود هناك

ورة شوية وشفتهة دخلت وهي تبچي بخوف مني باوعتلهة ببرود ووجهت نظراتي للحاسبة اكمل شرح التهريب باوعتلهة بطرف عيني اشوفهة تمشي ببطئ للغرفة وتون من الالم ابتسمت بخبث لان حته وانه مامسويلهة شي تتأذة يمكن لان اول ما اخذتهة تأذت او يمكن لان اخذتهة بعنف هههه والله ماكو مثلي صح

شفتهة دخلت للغرفة وسدت الباب تنهدت وخليت ايدي ورة راسي ومطيت جسمي وافكر معقولة هاذي راح تعيش هنا وياي وما اخلص منهة فركت وجهي بايدي من التعب سديت الحاسبة وتأكدت من اغلاقهة زين ورحت للغرفة اريد انام لان تعبت

فتت للغرفة لگيتهة متمددة علة السرير باوعتلي وانتفضت وترعش ماهتميت الهة اخذت منشفة ودخلت للحمام اغسل لان كلش تعبان ضليت صافن وافكر وانه واگف جوة الدوش الى متى اضل انه هيچ شيگلون عني الناس شيخ عشيرة مثقف ومعروف تاليهة يطلع عصابچي لا وهو الزعيم مال العصابات ماهتميت لهاذة التفكير لان انه متاكد لو عرفوا الناس اگدر انهيهم من الوجود واخفي حقيقتي لكل واحد يعرف هاذي طريقتي بالحياة احد مايعجبني او عرف حقيقتي اكتله بس للاسف الوحيدين اللي ماگدر اكتلهم همة اهلي بالرغم همة مايعجبوني وماحبهم بس احتراما للعشرة اللي بينه