دموع الذكريات💘

19"

عامر مشى لي روان ولقاها قاعده ورا الميتم براها ومربعه كرعيها وبترسم ف الارض..
مشى قعد جمبها،،هي عاينت ليهو وابتسمت بس..

عامر: روان،،شفتي انا كنت واحد عند.امي وابوي،،و ابوي حي للان بس مسجون🙂،،كنت بميل لامي من انا صغير⁦❤️⁩كنت بحبها شديد وم برضى فيها كلو كلو حتى لو وحده من النسوان سمعتها قالت حاجه م كويسه عن امي ممكن اتشاكل معاها عادي حتى لو هي كانت بتهظر..
امي د كانت مهتمه بي شديد عكس ابوي،،
م كان شغال بي ودايما بقول لي امي انتي دلعتي لي ولدي وخربتيهو مع اني م كنت مدلع بالعكس..اي شي بتاع رجال انا بعملو وبدون م يقولو لي..
واصلا ابوي بكره امي وعرسوها ليهو بالغصب لانو امو عجبتو امي وقالت ليهو لو م عرستها م عافيه ليك،،وابوي عرسها بالغصب وكان دائما واقع معاها ف مشكلة..
ف يوم انا قلتا لي امي مارق وجاي،، قالت لي اقعد افطر معاي وامشي،،قلتا ليها لالا م عايز شبعان،،وطوالي مرقتا،،لمن جيت راجع لقيت البيت فاضي..وف دم سائل كتييير..
اتخيلي اني لقيت امي مشنوقه؟؟؟💔💔

روان شهقت بصوت عالي وبقت تعاين ليهو..

عامر واصل كلامو وقال ليها: اتخيلي بس منظر اني اتعامل مع زول اول مره ف حياتي واجي القاهو مشنوق بالطريقه د انا ممكن اجن..
فما بالك تكون امي واقرب زول لي؟؟💔
بالجد انا عشتا فتره صععبه شديد في حياتي وندمتا اني طلعتا برا البيت وخليتها يراها وندمتا اني م سمعتا كلامها لمن قالت لي تعال افطر معاي،،عشتا فتره صعبه شديد💔

وبكل بساطه جاني ابوي قال لي انا الكتلتها💔ياخ انا من الصدمه قعدتا اضحك،،وابوي مشى وزي الم حصل شي،،
مشيت كلمتا خالي وطوالي فتح فيهو بلاغ واتضح انو م عندنا دليل يثبت💔ف اتسجن سبعه سنه بعد .مرمطه وانو هو الكاتل وكلام كتييير حتى بعداك سجنوهو لكن لو كنا لقينا دليل كان كلتو،،
وبعد ابوي اتسجن وحبوبتي قعدتني معاها،،مرت الايام والسنين ونسو المووضوع وبقو يتكلمو فيني مع حبوبتي،،تربيهو لي وابوهو وين وانتي ذنبك شنو تصرفي عليهو ووو..الخ
وطبعا م عندي اعمام ولا عمات لانو ابوي واحد بس وحبوبتي ام ابوي متوفيه وابو ابوي برضو،،

ف حبوبتي م اشتغلت بيهم وقالت ليهم د.ولد.بتي وانا بمسكو وابوهو ف السجن عايزني اضمن ابوهو تاني؟ اكيد مستحيل..
اها شوية شوية اتعلقتا بحبوبتي⁦❤️⁩لانو لقيت فيها حنيه.امي..
لحد.م جدي ابو امي اتوفى،،وبعد سنه خيلاني اتشاكلو مع حبوبتي ف الورثه وم الورثه وفي النهايه اغتلوها وم ادوها اي شي،،وبقو يعملو معاها مشاكل كتييره لدرجه انها م بتنوم بليل وتبكي💔لحد م جاتها سقطه قلبية،،واتوفت..
اتخيلي💔بقو علي اتنين💔حبوبتي وامي💔

برضو دخلتا ف صدمه ونفسيات لا يعلم بيها الا الله،،وخيلاني ولا اشتغلو بي الشغلة،،بس كانت ف مرت خالي بتجيب لي الاكل وبتمشي ولا حتى م بتكلمو معاي،،ف يوم لقيت شهاب د جمب دكانا،،اتعرفتا عليهو وشلتا رقمو وبقينا أصحاب وحتى كمان عرفتا انو هو قاعد ف الميتم،، ف لمن حكيت ليهو قصتي قال لي ي زول تعال هنا احسن ليك من الجحيم العايشو د وفعلا فكرتا ف كلامو ولقيتو صاح،،انا فقدتا امي وحبوبتي وابوي اللي اصلا م كان اب بالنسبه لي،،وخيلاني الاتخلو عني💔د.كلو ف وقت واحد اتجمع لي💔💔يعني بس د كلو كوم ومنظر امي وهي مشنوقه كوم تاني💔
ف قعدتا مع شهاب والبقيه الكانو قاعدين هنا قبل م ينقلوهم الميتم التاني،، وشوية شوية بدو ينسوني همومي⁦❤️⁩وعرفتا انوو اي شي بحصل لي لي خير⁦❤️⁩يعني العيشه د احسن بألف مره من الكنت عايشها⁦❤️⁩واتعرفتا عليكم وحبيتكم كلكم⁦❤️⁩⁦❤️⁩⁦❤️⁩⁦❤️⁩ف ي روان عليك الله م تكوني باهته كدا وتزعلي 💔انا عارفاها حاره عليك وشديد كمان💔بس قولي الحمدلله وادعي ليهو هو محتاج دعواتك💙💙في ناس والله حالتهم اكعب منك بألف مره لدرجه انك كان شفتيهم ح تبوسي الارض وتحمدي الله على النعمه الانتي فيها⁦❤️⁩كلنا ح نموت وكلنا حنخلي الدنيا د وماشين ،،ف انتي ادعي أن شاء الله تلاقيهو ف الجنه⁦❤️⁩⁦❤️⁩وهناك حياة ابديه ماف موت تاني⁦❤️⁩
ويلا هسى قومي صلي وادعي ليهو⁦❤️⁩