مريم وقفت مكانها مو قادرة حتى تدور على ورى لانها تعرف هذا الصوت عدل اي هذا صوت ابوها طبعا ابوها اللي رباها وكبرها ابوها اللي يخاف عليها ابوها اللي هي بالنسبة له مو عينه الا ماي عينه
اللي كانت تكلمه فص ملح و ذاب اختفى عن أنظارها فجأه
استسلمت للامر الواقع ودارت لابوها وضحكت من كثر ورطتها الي مو عارفة اشلون تخلص نفسها منها /
هـــــــــــــــــلا وغـــــــــــلا .. صباح الخير بابا
وركضت لابوها وحضنته
ابو مريم بعدها عن حضنه لان عارفها تتهرب منه / مريمي بابا .. من كنتي تكلمين ؟؟ قولي الصج أحسن تعرفيني ما احب اعصب عليييج
مريم تعرف ابوها مابخليها الا اذا قالت له السالفة كامل / هه هههه .. بابا انا ما كنت اكلم احد
وبهالوقت من زود توترها رنت على تلفون مي وسكرته قبل لا ترد عليها
ابو مريم / مرييييييييييييوم
مريم / اي . ايي صح كنت اتكلم بالتلفون .. تصدق نسيت مي على الخط ..ألو مي شفيييج .. اي انا اكلم بابا
وصارت المصيبة واتصلت مي ورنت التلفون وهو على اذن مريم
وانخطف لونها وانربط لسانها / هلا ميووو . شفيج سكرتتي ورجعتي دقيتي
مي مو دارية بالدنيا ومو عارفة باللي قاعد يصير
ابو مريم عصب وسحب التلفون من يد مريم / ألـــــــــــــــــو
مي / هلا عموا
ابو مريم زفر زفرة راحة / هلا عموا انتي كنت تكلمين مريم
مريم نطت وصرخت عشان تسمعها مي وتفهم السالفة / مي انا كنت اكلمج عن شنطتي الشانيل يبيها وانتي يايه
مي للحين ما فهمت شي لانها مستحيل تعطي ربعها شي وترد تطلبه مره ثانية / هاااا .. مريم كانت تكلمني .. متى ؟؟
ابو مريم وهو مفتح عيونه على الاخر ويخز مريم / عموا مريم تقول كانت تكلمج من شوي وانتي سكرتي ورجعتي اتصلتي
مريم انصفقت وجاها مغص في بطنها بصوت واطي / حسبي الله على ابليسج يا ميوووو .. وديتينا في داهية بغبائج وفهمج البطيئ
مي ساكتة / ........
ابو مريم / وينج مي ؟؟
مي توها تستوعب / هلا عموا .. اي ما ادري شفيني توني قاعده من الرقاد ما اجمع شي
ابو مريم بنفاذ صبر / انتي كنتي تحاجيين مريم ولا لاء؟؟
مي / اي .. اي اتصلت لها وسكرته
ابو مريم / زين يالله كلمي رفيجتج
ابو مريم عطى مريم التلفون / هـــــــاااج .. آخر انذار يا مريم بعدي عن الملحق .. وقسم بالله اذا شفتج جايه او مقربة يم الملحق بدخل لهذا الولد اللي ما ندري شسالفته وبرميه في الشارع
