عذبتني بأسباب فرقاك

50

فكرت تضغط على الجرس وتنادي الممرضة .. بس خافت يكون للحين واقف برى ويدخل عليها ..

نطرت لحد ما صار وقت تبديل الشفت ويتها ممرضة آسيوية كبيرة بالسن وتتكلم عربي مكسر تقيس ضغطها / شلونك اليوم ماريام ؟؟

مريم تمسكت بيدها اللي مدتها عشان تقيس ضغطها / انا عندي فلووس .. فلووس واايد .. بعطيج اللي تبينه من الدينار للمليون .. بس بطلب منج طلب .. ساعديني الله يخليج ..

الممرضة وقفت متصنمة من ترجي مريم ومو فااهمة شي / شنوو فيه مدام ؟؟

مريم بحزن / اذا انتي تقولين اوكي .. انا اعطيج فلوس .. فلوس واايد .. اللي تبينه ..

الممرضة فتحت عينها مو مصدقه وكأنها تتخيل مصباح علاء الدين والمارد بويهها صفنت في مريم تفكر بكلامها وبعد لحظات قصيرة من التفكير ابتسمت / اوكي .. انا يسوي اللي يبيه .. قوول انت شنوو يبي ؟؟

مريم جلست قعدتها / انا اقولج .. بس هذاا يبقى سر بيني وبينج ..

الممرضة هزت راسها بالموافقة

مريم / بنتي بالحضاانة ابيها .. وابي اطلع من هالمستشفى الحين ..

الممرضة فتحت عيونها مصدومة / لا انا ما يسوي جذي هذي دكتور مهمد أمير واجد يسوي مشكل حق انا ..

مريم بترجي / بليييييييييز .. محد بيعرف .. انتي تصرفي وطلعي بنتي وبعدين طلعيني .. انا بعوضج عن شغلج هذاا .. بعطيج اللي تبينه ... دكتور محمد أمير يبي يقط بنتي في الشارع .. بليييز ..

الممرضة سكتت بين رفض وقبول بس كلما تتذكر عرض مريم تبتسم شوي وترد تكشر لما تتذكر عصبية امير

مريم قامت شوي شوي لانها للحين تعاني من جرح الولاده غير الجرح اللي بصدرها وعيونها على الباب خاايفة يدخل أميير فجأه ويشوفهم / هااا .. شقلتييييي ؟؟؟؟

الممرضة بخوف / انا يخاف .. بعدين مافي شغل ..

مريم غمضت عينها تبي تطوله بالها عليها أكثر / انا بعطييج فلوس .. ما بتحتاجين للشغل .. وصدقيني محد بعرف ..

الممرضة تلفتت براسها على الباب / اوكي انا يبي يسوي .. بس ما يعرف اشلون ؟؟

مريم ابتسمت براحه / انا بقولج اشلوون .. وانتي سوي كل اللي اقوله لج .. زين

الممرضة هزت راسها بالموافقة ..

سمعت الممرضة كل تعليمات مريم وراحت تنفذها بالحرف الواحد و أول ما وصلت الحضانة ولحسن حظها ما كان موجود غير نيرس مثل جنسيتها وحاولت معاها يالله اقنعتها بالزور ووعدتها ان مريم بتعطيها فلوس واخذوا البنت وطلعوها من الحضانة واخذوا الكرت من فوق سريرها معاها .. نزلت الممرضة البنت تحت على الدرج عشان محد يشوفوها وقعدتها بالسيارة مع ممرضة ثالثة كانت مشتركة معاها بتنفيذ الخطة