خوله.. الايام صارت تمشي بسلاسه وماكو شي مميز يجعلني اذكره
المهم هههه صار فتره لازكه بالمهم خرة بهبل
المهم اليوم هو الي قبل المدرسه ب10 ايام ايام طلعنه اني وماما للسوك
شتريت كم تنوره وكم جنطه وكم حذاء واخذتلي دفتار واقلام وتعرفون هالسوالف
واكيد مننسى العطور دخلت محل كوزمتك وهجمت العطور
شتريت اكثر من واحد ورجعنه للبيت سالمين طبعا لان اني مو طويله احم يعني تقريبا قصيرة
فكل التنورات شتريتهن قصار مثل كل السنه توصل للركبه
واكو 2 طوال بس مخصرات بشكل وكلش حلوات ونازكه
دخلت للبيت وصرت اعدل بالتنورات والقمصان واكاي وارتب
دك المبايل شلته ولكيته استاذ علي ماستغربت هو كل كم يوم يتصل بيه
جاوبت.. الو شلونك استاذ
علي.. اهلا خوله الحمدلله انتي شلونج
خوله.. اني زينه الحمدلله ستاذ
علي.. انشالله سبوع اليجي اشوفج مو
خوله.. اي اكيد ستاذ راح اداوم
علي.. احم اي زين يلة اخذي راحتج
خوله.. تمام استاذ مع السلامه
علي.. الله وياج
خوله.. صراحه هالاستاذ كلش حباب واني خاقه عليه خقه فوول .. شمرت االفون وكملت ترتيب
نزلت اساعد ماما بالعشه كانت كبه وفنكر ودجاج يم يم احب الفنكر واحب الدجاج بس عندي حساسيه منهة وما اطيق الكبه
لهذا ماما سوتلي غيرهن
كملنه ودخل بابا انتظرنه غيث وره نص ساعه دخل كعدنه نتعشى كعيله مع بعضينه
ه واثناء الاكل دك مبايل ماما وكان خالي طبعا خوالي عايشين بالسيليمانيه وجدو وتيته يم خالي عاصم الجبير ماما جاوبت باستغراب سلمت عليه فهو طلب انه يحجي وي بابا من حجه وي بابا ف بابا شكله تغير وبينت على ملامحه الحزن
حجه بهدوء
بابا.. حبيبتي نهى* ماما* ابوج مسوي عزيمه ولازم نروح اني وياج
ماما.. مهدي* بابا* لتخوفني كول صاير شي
بابا.. لا اكيد ماكو شي بس هو مسويه عزيمه يعني يريد يجمعنه
ماما.. ماشي شوكت نروح
بابا.. باجر لان بعد باجر عزيمه
ماما.. تمام خوله روحي حضري جنطتج وانتي غيوثي تروح؟!
غيث.. لا يمه ماكدر اروح عندي صيدلية وماكدر اعوفه
خوله.. ماما ماريد اروح
ماما.. ليش حبيبتي
أنت تقرأ
اخي زوجي
Romanceخوله.. دا اعبر الشارع وجتني رساله فتحته وقريت ... اشتاقيتلج حبيبتي خوله.. منو هذا جاوبته وگلت .. منو حضرتك ... حبيبج خوله.. وگفت بنص الشارع صافنه بالجهاز معقوله رجع 😔 ............ قصتي هي نسيج واقع عشته سابقا مزجت حروف الواقع بكلمات الخيال لاصنع رو...
