نوڤيلا " زوجتي رغم أنفك "

الفصل الخامس

قفلتي الشنط يا خوخة ؟ باقى حاجة يا حبيبتى ؟ "
قال جاسر تلك الجملة وهو يكمل ارتداء ملابسه وخرجت خديجة من المرحاض ووقفت امام المرأة تربط حجابها وقالت بابتسامة
- كل حاجة جاهزة يا جاسر متقلقش
حمل جاسر الحقائب وخرج بها فقابله عمار وهو يفتح عينيه بصعوبة قائلا وهو يرفع يده بوضع الدعاء
- منك لله يا جاسر يا ابن عبد الله البكرى و سعاد ، قلبى مش مسامحك
ضحك جاسر وهو ينادى الغفير ليعطيه الحقائب وقال
- ليه يا ابنى وانا عملتلك ايه ؟
نظر عمار له بغيظ وقال
- لا خالص طول الليل خبط ورقع واغانى عالية لحد بعد الفجر ومحدش قادر يفتح بوقه معاك بكلمة ما انت الكبير يا ابن البكرى !
ضحك جاسر وقد فهم انه سبب الازعاج للجميع وخرجت خديجة والقت التحية على عمار واستأذنت جاسر لتسلم على شقيقها وزوجته وتمارا واومأ لها برأسه وبعدها نزلت واستقلت السيارة بجانبه وقالت بتساؤل
- هنروح فين بقى ؟
امسك جاسر يدها فارتعشت وحاولت سحبها ولكنه اشتد عليها وقال وهو يعد على اصابعها
- بيقولوا فى جولة متحضرة مخصوص بمناسبة شهر عسل بنت البندارى وابن البكرى والجولة دى تشمل عدة دول اوروبية و يطلب جاسر من سيادتكم الصمت حتى الوصول لاحدى تلك البلاد .. اتفقنا يا خوخة ؟
اومأت خديجة برأسها وحاولت سحب يدها ولكن أبى ومال عليها قائلا بخبث وتلاعب
- تصبيرة يا مفترية ده انتى حتى الحضن حرمانى منه يا بنت البندارى !
خجلت خديجة وصمتت وتركت يدها له وهو يضحك ويدعو الله ان يهديها له .
***
دلفت حلا لغرفة تمارا وازاحت الغطاء من عليها وقالت بضحكة
- قومى يا توتا كل ده نوم ! البت خديجة سافرت بنت المحظوظة وابيه جاسر مش راضى يقول هما فين
فتحت تمارا عينيها بتثاقل وقالت
- ايه يا حلا مش قادرة والله
جلست حلا بجانبها وقالت غامزة
- لا تكونى حامل يا بت
- بجد ؟!
نطقتها تمارا وهى تنهض عن الفراش وتتحسس بطنها بفرحة فضحكت حلا وقالت
- انا بخمن والله لكن انا صيدلانية فاشلة معرفش اذا كنت نجحت ولا معايا مواد حتى ! والدكتور اللى فينا مخ واعصاب ومسافر كمان
مطت تمارا شفتيها بضيق وقالت وهى تقذفها بالوسادة
- عشمتينى على الفاضى يا حلا
جذبتها حلا وقالت من بين ضحكاتها
- قومى يا بت معايا ونبقى نبعت حد كمان شوية يجبولنا اختبارين حمل من الصيدلية
ضحكت تمارا وقالت
- حشرتنى نفسك على طول كدة !
اومأت حلا برأسها وجذبتها لترتدى ملابسها وسط ضحكاتهم معا .
***
فى احدى المدن الاوروبية الرائعة وهى " برلين " عاصمة ألمانيا تسير خديجة مبهورة وهى تنظر للناس من حولها وقالت بتساؤل وهى تشير لهم
- ايه ده يا جاسر ؟
نظر جاسر فى ساعته ليعرف الوقت وقال ضاحكا
- ده كرنفال الراين وحظنا اننا جايين فى اول يوم فيه لا وكمان ما شاء الله علينا بنحضر اول دقايق فيه
- ايه الكرنفال ده ؟
قالتها خديجة بعد ان وضع احدهم قبعة مميزة على رأسها فقال هو شارحا
- ده بيسموه الفصل المجنون بيبدأ يوم 11 من شهر 11 الساعة 11 و 11دقيقة ، بيستمر لحد شهر فبراير تقريبا
- بس الناس اشكالهم غريية .. هدومهم مطرقعة كدة وبيغنوا حتى لو اصواتهم وحشة
- ما هو فصل مجنون عشان كدة وبيكون الممتع اوى كمان اخر اسبوع فيه
اومأت خديجة برأسها و ذهبت معه للفندق واخذ حجز غرفتهم ودلفا معا فقال وهو يلقى بنفسه على الفراش
- هنتفق اتفاق يا خوخة ..ننام شوية وبعدها انزل افسحك واعملك كل اللى انتى عايزاه .. تمام يا حبيبتى ؟
وضعت خديجة يديها فى خصرها وقالت بتذمر وهى تنظر له
- وانت هتنام هنا !
اعتدل جاسر فى جلسته ورفع حاجبيه بتعجب قائلا
- اومال هنام فين ؟ خديجة انا جوزك
- نام على الكنبة مش هتنام جنبى
حاول كظم غيظه و قبض على يده ببداية عصبية وقال
- خديجة انا شرعا وقانونا جوزك ، انا سبتك بمزاجك عشان مش عايز اغصب عليكى فى حاجة فى حياتنا اى كانت هى ايه ومعاهد نفسى على كدة لكن ده مش معناه انك تستغلى الوضع ده وقولتلهالك مرة قبل كدة انا لو عايز اخدك هاخدك ومحدش هيقدر يمنعنى لكن انا سايبك لحد الاخر بمزاجك .. اتفقنا يا خوخة ؟
قالها وهو يجذبها لتنام بين احضانه وللعجب لم يلقى مقاومة تلك المرة واستكانت ونامت بهدوء .
***
ارتفعت الزغاريد فى منزل عائلة البكرى واحتضنت " سعاد " حلا وبعدها تمارا ورفعت يدها قائلة بفرحة
- الف حمد وشكر ليك يارب .. ربنا يكملكوا على خير يا بنات ويرزقكم ذرية صالحة
ضحكتا الفتاتان بخجل واحتضنت كل منهما الاخرى وهى غير مصدقة انها ستصبح اما ! دلف ازواجهن و قال اياد بتعجب
- هو مين تانى بيتجوز ؟! هى مش خديجة اتجوزت وانجزنا !
ضحكت والدته وقالت وهى تشير لحلا وتمارا
- مرتاتكوا حوامل
نظر اياد وعمار لبعضهما وقالا بضحك
- ان شاء الله والف الف مبروك
استوعب عمار ما قيل ونطق قائلا
- مين ؟
قال اياد وهو ينظر لهم بعدما استوعب الامر
- ازاى ؟
ضحكن الامهات فقالت والدة جاسر بضحك
- فى ايه يا ولاد ؟ قولنا مرتاتكوا حوامل و العيال كبروا وهيبقوا ابهات
نظرا لبعضهما وصرخا بفرح فانفجر الجميع ضاحكا وهم يدعون الله ان يديم محبته عليهم .
***
وقف جاسر يحدق بها وهى نائمة بعمق ولا تستجيب لنداءاته و زفر قائلا
- لا انا محدش قالى ان نومها تقيل كدة ! ده لو القيامة قامت وهى نايمة مش هتحس !
اقترب منها وقال
- خديجة اصحى يا حبيبتى ... خوخة قومى يا بت
تحركت خديجة ولكنها لم تستيقظ فلمعت فى رأسه فكرة وتبسم واقترب منها وقبلها بهدوء فلاحظ انها لم تستيقظ فزاد من شراسة قبلته حتى استيقظت هى ودفعته فى صدرته جعلته يقع على ظهره وقالت بغضب
- انت بتستغل الفرص كدة على طول ! انا غلطانة انى سبتك تنام جنبى
ضحك جاسر ورفع حاجبيه بمشاكسة وقال
- انا بقالى نص ساعة بصحيكى وانتى مش عايزة تقومى مكنتش اعرف انك بتيجى كدة يا جميل
قالها غامزا بوقاحة فخجلت خديجة وقذفته بالوسادة فى وجهه و دلفت للمرحاض فقال هو من الخارج بتلاعب
- عرفت نقطة ضعف يا بنت البندارى .. خلصى بسرعة عشان لسه ورانا حاجات كتير يا مجنونة .
***
لا تصدق خديجة ان الذى امامها الان يضحك هو جاسر البكرى الذى رأته المرة الاولى وهو يصفع شقيقته ! لاحظ نظراتها فقال بضحك
- عارف انى حلو بس متقعديش تبصيلى اصل انا متجوز واعتقد ممكن مراتى تغير عليا
رفعت خديجة حاجبيها بتعجب وقالت
- اغير عليك ليه ان شاء الله ؟!
- لا والله يعنى مش هتغيرى عليا
- نهاااائى يا ابن البكرى
نطقتها بثقة فأطلق هو صفيرا وهو ينظر لاحدى الفتيات وقال
- شوفى البنت دى يا خديجة
نظرت خديجة بسرعة وقد تغيرت تعبيرات وجهها وقالت بغضب
- فين دى يا ابو عين زايغة ؟
حاول جاسر كتم ضحكاته وقال وهو يشير لاحداهن بعشوائية
- اهيه ام عيون عسلى زيى دى .. هنطقم سوا بالعيون
غضبت خديجة ونظرت له وقالت بعصبية
- اولا انت لازم تحترم الست اللى قاعدة معاك والمفروض انها مراتك ، ثانيا انت المفروض تغض بصرك لانه حرام وكما تدين تدان يعنى زى ما عاكست دلوقتى بنت هتلاقى واحد بيعاكس اختك او مراتك او
قاطعها جاسر وهو يقول غامزا
- غيرتى عليا يا بنت البندارى
شهقت خديجة واحمر وجهها فقال وهو يجذبها ليدلفا لاحدى الحفلات الموسيقية
- بتحبينى بس بتعاندى يا بنت البندارى !
***
رش " اياد " عطره وتجهز ليهبط مع عمار فخرجت حلا ووضعت يدها على انفها وقالت باشمئزاز
- ريحتك وحشة !
التفت لها اياد و زفر قائلا
- ابتدينا يا حلا ! ريحتى وحشة ازاى ؟
ازاحته حلا من طريقها وقالت
- ريحة البرفيوم بتاعك تقيلة اوى .. غيرها وارجع للاولانى
- اه ان شاء الله
نطقها اياد وهو يلوى شفتيه بضيق لان رائحة عطره ثابتة لم يغيرها ولكنها انتبهت لنبرته وقالت بغضب
- انت بتاخدنى على قد عقلى ؟
- بصراحة اه .. اصل ده هو البرفيوم بتاعى من يوم ما شفتك وانا بحطه يعنى ريحته مش جديدة على جنابك لكن جديدة على ابنك عشان كدة بقولك ابتدينا الوحم وليلته .. سلام يا حلا انا متأخر على اخوكى
خرج من الغرفة وتركها تضحك من نفسها ، قابل عمار يخرج من غرفته ويقول بضيق غير منتبه لوجوده
- هو انا كنت قولت عايز عيال عشان وجع القلب ده ! قال نفسى فى برقوق فى عز الشتاء اجيبه منين انا ده ؟!
ضحك اياد وقال من بين ضحكاته
- بتكلم نفسك من اولها .. خير يا عمار ؟
انتبه عمار له وقال بغيظ
- عايزة برقوق قولى اجيبهولها انا منين فى عز الشتاء ؟! ده انت ما بتلاقيهوش شهر ٨ عشان تلاقيه فى ١١ !
قهقه اياد وقال
- ده اللى يشوف بلوة غيره يهون عليه بلوته ! انا قالتلى ريحتك وحشة وبس
نزل عمار وقال وهو يسير بجانبه للبحث عن البرقوق
- هو المحظوظ اللى فينا جاسر لسه بيقضى شهر العسل ابن المحظوظة .
***
يحاوطها بذراعيه وهى تسير معه فى المتجر الشهير فى ألمانيا بل فى قارة اوروبا كلها ونظرت خديجة لاحد الاثواب وقالت بابتسامة
- حلو ده جدا
نظر جاسر للثوب وقال بتساؤل
- عاجبك ندخل نشتريه ؟
نفت خديجة وقالت بتوضيح وهى تنظر للثوب
- مش ليا لكن ده شكله بيقول انا فستان حلا .. هى كدة فى هدوم بتشوفها بتحس انها بتنادى اشخاص معينة تقولك انا بتاعة فلان
جذبها جاسر ليشتريا الثوب لشقيقته واشترت ثوب اخر لزوجة شقيقه وفى النهاية وقف هو امام ثوب و اشتراه لها وقال
- اصلى شايفك فيه .. ولازم تخرجى وانتى مشترية حاجة لنفسك من " kaDeWe "
ضحكت خديجة وهى تقول ما قصه عليها فور دخولهم
- اكبر متجر فى المانيا لا ده فى قارة اوروبا كلها وموجود فى شارع تاونتسين .. حفظت انا اهو
صفق جاسر وقال بضحكة
- لا ذاكرتك قوية ما شاء الله بتحفظى من مرة واحدة بالتفاصيل كمان ودى حاجة نادرة
ضحكت خديجة وسارت معه واكملا تسوقهما فقال هو بتساؤل
- تحبى تروحى " الغابة السوداء " فى جنوب ألمانيا ؟ ولا نروح " ميونخ "
حكت خديجة ذقنها بتفكير وقالت
- نروح واحدة النهاردة والتانية بكرة
عقد جاسر ذراعيه امام صدره ورفع حاجبيه قائلا
- مكان واحد بس وهنروحه النهاردة عشان بكرة هنسافر
كست الخيبة وجه خديجة وقالت بحزن
- هنرجع مصر بكرة خلاص .. خسارة كان نفسى نكمل فسح هنا
ضحك جاسر وقال بمكر وهو يشرح رحلتهم
- احنا بكرة هنسافر " فيينا " وبعدها " لوكسمبورج " وبعدها " روما " وختام جولتنا هيكون فى " باريس " يا ست البنات
فغرت خديجة فاهها بتعجب وقالت بعدم تصديق وهى تعد على اصابعها
- يعنى احنا النهاردة هنروح مكان من الاتنين اللى انت قولتهم عشان بكرة هنروح النمسا وبعدها لوكشة بلاد انت قولتها صح ؟
اومأ جاسر برأسه وهو يضحك فقالت هى ببلاهة
- هيهيهي ده انا المرة الوحيدة اللى خرجت من اسكندرية روحت بلدكم ! ده انا حتى معرفش القاهرة شكلها ايه ويوم ما خرجت ألف بلاد اوروبية ؟!
اطلق ضحكة عالية ونظرت هى له بتعجب وقال غامزا
- عشان تصدقيني لما اقولك اني هوريكى دنيا جديدة ما تعرفيهاش يا خوختي.
جذبها وذهبا معا لمدينة " ميونخ " مستأنفين رحلتهم الرائعة .
***
قارب شهر العسل الخاص بهما على الانتهاء والان فى اخر جولاته فى مدينة النور " باريس " تنهى خديجة ربط حجابها وتلقى جاسر اتصالا هاتفيا من عمار الذى اجابه قائلا بضحك
- وحشتنى والله يا عمار
قال عمار وصوته يشوبه القلق
- وانت كمان وحشتنا يا جاسر والبيت وحش من غيرك والله
لاحظ جاسر نبرة شقيقه فقال
- صوتك مش عاجبنى .. حد عندك حصله حاجة ؟
زفر عمار وقال وهو يحاول انتقاء كلماته
- مصيبة يا جاسر حصلت .. عيلة البندارى خدت بتارها وعيلتنا حالفين لازم ياخدوا التار القديم من اياد
نوڤيلا زوجتي رغم أنفك
تقى خالد