الساعۂ الٲن 9:00ص وماااف جديد عن يوسف ...
الناس كلها مقلقۂ عليـهو ...
محمد جا داخل البيت ...
(الام): اها يا ولدي لقيتو خبـر
(محمد): لا والله يا امي ..
(الام): الله يسـتر ..
ويقطع كلامهم صوت باب الشقۂ بدق ..
محمد مشا فتح الباب
(محمد): اتفضلي يا خالة اتفضلي ..
(الام): منو الفي الباب يا محمد?
(....): انا ٳخلاص يا عشۂ
(الام): اخلاص خشي خشي اتفضلي ...
(اخلاص): عاينيدايـر اقول ليك شيء
(الام) : قولي اهاا ...
(اخلاص): قبيل كنا مااشين جنب بيت نااس مريم بت التاي ... وغايتو ماشين كدي لقينالنا دم كدي في الواطة .. ما خابرونو دا حق شنو ..
(الام): جنب شنو? ?
(اخلاص): والله يا عشۂ جنب العمارة الجديدة ديڪ ... الساكنين جنبها ناس التومۂ بت عمر ...
محمد كان واقف وساامع الونسۂ بعد الوصف دا ... قاام جاري جري شديد ...
وهو نازل وبسرعتو ديګ لاقاهو عيسي في السلم.
(عيسى): ماالڪ يا محمد في شنو
(محمد): جررري يا عيسى جارتنا اخلاص دي حكت شيء ارررح جري وراي
وعيسى ومحمد بقو جارين في الشارع باقصى ما عندهم ...
العمارة الوصفتها اخلاص دي بعيدة من بيت ناس محمد ...
مسافة بتاعت 10 دقايق مشي كدا ...
وبعد جهد وسرعة وصلو الشارع الفيهو العمارة ...
(محمد): دا الشارع يا عيسى وقريب نهايتو هناڪ في تلاتة عمارات ...
(عيسى): ما فاهم شيء انا ...
(محمد): الخالة ديڪ قالت شافت دم ..بس انا ما متزكر قالت ياتو عمارة ...
(عيسى): دم? ??? دم شنو يا محمد? ???
(محمد): ااي يا عيسى دم. بس فتش العامرة الجنبها حبة دم وكورك لي ...
طبعاً هم بتكلمو وكانو ماشين ...
بعد وصلو قريب نهايۂ الشارع بقو يفتشو جنب العمارات دي ...
(عيسى) : تعال تعال ياا محمد شووف دا
(محمد): في شنووووو??
💭💭💭💭💭💭💭💭
(هند): امي المراة دي قالت ليڪ شنو?
(الام): والله وصفت لي حتت دم كدي ... لكن ما مطمنة ليها انا ... الله يحفظك يا ولدي يوسف
(هند) : بقا ولدك? ?
(الام): عايني يا هند دا ما وقتو الود ليهو. يومين برا البيت وما معروف وين ..وتلفونو قافل ..حركاتك دي ماف ليها لزوم هس نهائي
(هند): كوويس يا امي ..بس ما قصدي شيء ...
هند قامت من امها ... وبقت تفكر في نفسها
(( هل انا ظالمۂ يوسف دا? ولا الحاصل شنو ?! الود دا شكلو طيبان ياااخ?
لكن يا هند الناس ديل مجرمين? هس بكون مشا داعش ولا فجر نفسو
لكن دقيقة دقيقة يااخ هندي ايمان دي زي العسل وما فيها كلام ...بس يا هند احتمال ايمان دي حالة نادرة ....))
فجاة انتبهت لروحها وضحكت وقالت
((انتي يا هند شكلڪ جنيتي ...))
