(عثمان): الحصل لي يوسف دا كان مخطط ليو ....للقينا قطعة قماش صغيرة شكلها مع الضرب اتقطعت من الناس الكان بضربوا يوسف ...المهم بعد التحقيقات قدرنا نحدد مكان الناس الضربوا يوسفلانو كان في زول كان شاف كل الحصل ليوسف والضرب الكان ححاصل
(محمد): الله المستعان
(حاج علي) : طيب اها وهس ح تعملوا شنو ؟
(عثمان): والله هس رجالنا مشوا يجيبو المشتبه فيهم و ح نستجوبهم ونشوف الوراهم منو ....
طبعاً كلام عثمان دا ما زاد كتير ... بس ممكن من خلالو يصلو للناس الضربو يوسف ...
🌴🌴🌴🌴🌴🌴🌴🌴
(هند): الليلة ما شفتي الحصل لي يا إيمان ؟
(إيمان): حصل شنو ؟؟؟
(هند): لبست اسكريت وبلوزه وبعد ملاقت من البيت .. اتزكرت الاتفاق بتاعنا ههه رجعت البيت غيرت وتاني مرقت لمن امي قاعدة تضحك فيني
(إيمان): هههه والله لكن ..
(هند): غااايتو الزمن قرب خليك جااهزة عشان تقلعي الخيمة الفي راسك دي يا بتي
(إيمان): اللهم اااميييين ويهديك
🌴🌴🌴🌴🌴🌴🌴🌴
محمد وعيسى لسا في المستشفى ومااف أي جديد عن يوسف... عثمان مرق وخلاهم ومعاهم حاج علي ...
(حاج علي) : انا بفكر يا محمد ولدي نكلم امو يااخ .. لو عرفت من غيرنا بكون موقفنا قبيح
(محمد): صح يا ابوي ممكن موقفنا يكون صعب ... لكن لو كلامناها في الوقت دا ح تقلق شدييد وخصوصا انها ما ح تقدر تجي ...
(حاج علي): الله يجيب العواقب سليمة
(محمد) : اللهم امييين . وانت يا ابوي كتر الدعاء ليوسف الله يقوموا بالسللامة ونعرف الناس العملو فيهو كدا ديل منو
(حاج علي) : ان شاءالله
🌴🌴🌴🌴🌴🌴🌴🌴
مرا يوم الجامعة على هند بسلام ونهاية اليوم اتصلت على محمد تسالو عن يوسف وقال ليها انو ماف جديد
واثناء ما هي راجعة علي البيت وماشة في الشارع لاقاها (عصام)
(عصام): هند ممكن دقيقة
(هند): في شنو لوسمحت انا مستعجلة
(عصام): معقولة بس ؟؟؟
(هند) : في شنو
(عصام): مالك بقيتي جافينا كدا عملنا ليك شنو؟؟؟ احنا مش اصحابك
(هند): لو سمحت انا ما عندي زمن
(عصام): عايني يا بت انت تسنيم ما ورتك ولا شنو ؟؟؟؟ قايلانا ح نخليك ساي انت وصحبتك وزلك ابو دقن الماشة في طرقيو دا ؟؟؟؟
(هند) : بتقول في شنو انت ؟ انت ما نصيح صح ؟؟؟
(عصام) : انا وريتك غايتو
عصام مشا وخلا هند واقفة في مكانا وبتفكر في الكلام القالوا عصام دا ... الخلاو يقول كدا شنوو وهل يلهو يد في الحصل لي يوسف ؟؟؟؟
💭💭💭💭💭💭💭💭
هند وصلت البيت غيرت واتغدت ومشت غرفتها ... اتصلت علي ايمان و ورتها الحصل معاها وعصام دا
(ايمان) : ما تشتغلي بالموضوع كتير يا هند ....ديل شباب ضايع ساااي
(هند): ااي كلامك صح لكن ياااخ ليه يقول لي كدا
(ايمان ) انسي الموضوع يا غاليه ... وبتصل ليك بعدين كدا يلا السلام عليكم
(هند): وعليكم السلام ورحمة الله
هند بقت تفكر وتفكر وتتزكر في كلام عصام دا ....قطع تفكيرها صوت تلفونها بضرب والمتصل محمد
💭💭💭💭💭💭💭
(محمد): الوووو هند ابوي جنبك ؟؟؟
(هند): في شنو يا محمد؟؟؟
(محمد): ااااابشرررري يا هند ... يوسف يوووسف يا هندوية
(هند): في شنوو مالوا يا محمد ؟؟؟
(محمد): صحا من الغيبوبة هس والدكاترة هس هشو عليهو .. الحمد لله الحمدلله الحمدلله
(هند): الحمدلله ..بكلو هس ..يلا سلام
قفلت الخط وجررت كلمت ابوها وامها بالحصل ....
فرحوا فرح شديد ... وبقو بس يقولوا ((الحمدلله)) ..هند اتصلت على ايمان و ورتها الحاصل
ايمان فرررحت شديد وكلمت عثمان
بعد عشرة دقايق عثمان جا بعريبتو لناس حاج علي وسااقهم على المستشفى ...
وصلو المستشفى وكلهم فرحين ويحمدو الله على الحاصل .....وبعد زي نص ساعة كدا الدكتور جا ماارق
(الدكتور): ابشروا الحمدلله حالتوا اتحسنت وفتح من الغيبوبة بس هس داير رااحة مااف طريقة دخول
(محمد): يااا دكتور بس اخش انا .. الله يرضى عنك والله ما بطول بس اشوفو خمسة دقايق وامرق
(الدكتور): اسف يا ابني صعبة والله ... خليهو يرتاح وبإذن الله لمن ياخد راحتو بعد داك ممكن كلكم تدخلو عليهو
(محمد): الله المستعان .... خلاص دقيقة واحدة بس ...والله
(عثمان) : يا دكتور خلاص خلي محمد دا دقيقة واحدة بس
محمد دخل علي يوسف ...وشااافو كدا
ااول ما عين محمد وقعت علي عين يوسف ... محمد بكا ومشاا عليـهو .. طبعاً يوسف ما قدر يتكلم معاهو بسبب الاجهزة والحاجات دي ...
محمد بس بقا وااقف ويشكر في الله ويحمد فيهو والدموع تنزل من عيونو
بعد شويۂ الدكتور جا قال لي محمد امرق الزمن انتها ...
🌴🌴🌴🌴🌴🌴🌴🌴
محمد مررق وكلم. اهلو بانو يوسف كويس الحمدلله...
بعد يوميـن يوسف مرّقوهو من المستشفى ...ورجع االبيـت
نااس الحلۂ جوا ليوسف زارهو في البيت ...
ويوسف الحمدلله صحتو بقت كويس
بس لسا ما بقدر يمشي كويس بسبب الضربة الفي راسو عملت ليهو مشكلۂ بسبطة كدا بالعلاج الطبيعي قالوا بتتعالج
💭💭💭💭💭💭💭
هند ليها الان 6 يوم بتلبس العبايات ..ولسا ماف خبـر منها وايمان بقت مقلقة وتدعوا الله ابس ...
🌴🌴🌴🌴🌴🌴🌴🌴
#في صبـاح اليـوم السابــﻉ
هند ٳتصلـت على ٳيمان
(هند): الو السلام عليـكم ..عايني الليلة بعد الجامعة ح اجيڪ في البيت
(ٳيمان): ابشري في انتظارك ٳن شاءالله
(هند): يلاا السلام عليـكم
(ٳيمان): وعليـكم السلام
ٳيمان الٳتصال دا قلق بيها زيادة ...
هند مشت الجامعة ونهاية اليوم رجعت البيت ...اتغدت وكلمت امها انها ماشة زيارة لٳيمان وجايۂ
💤💤💤💤💤💤💤
مرقت متجهۂ علي (ٳيمان) ... بعد سبعة دقايق كدا وصلت بيت ناس ٳيمان
دقت الباب ...وفتح ليها عثمان ..
ودخلت ...بعد شوية جاتها ٳيمان ماارقۂ وكان طااهر عليها الخوف ..خايفة من قرار هند ...
قعدن واتونسن شويۂ وبعدها هند قالت
(هند): انا خلاص اتخذت قراري يا ٳيمان
(ٳيمان): اهاا يا هند اتفضلي قولي ...
(هند): والله يا ٳيمان ما عارفۂ لكن دايرا اقول ليڪ اني قررت .......................
#يتبـﻉ ...😉
والسلام عليـكم ورحمۂ الله وبركاتہ
