احلام حقيقية

١٦

(هند): والله يا ايمان ما عارفۂ
لكن دايرا اقول ليڪ اني قررت ....
طيب قبل قراري يا غاليۂ احكي ليڪ شيء
(ٳيمان): اااخ طيب قولي ...

(هند): اسبوعي الـ بالعباية دا مريت بحاجات كتيييـرة فيهو وانا صراحۂ كنت مرتاحۂ شديد ...وحسيت كاني ملكۂ ...
احساس انك تكوني بتعملي الحاجة دي لله ...واحساس انك تكوني بس داايرا تعيشي لرضا ربڪ ...
العبايۂ صراااحۂ فيها رااحۂ نفسيۂ ..عارفة ممكن كلامي دا ما تصدقيهو لكن دا الحصل لي ...كنت مرتاحة شديد وحاسة باحساس غريب ما بقدر اوصفو ليڪ ...واكيد انتي جربيتهو ...

(ٳيمااان): هند ...
(هند): نعم ...

(ٳيمان): بحبڪ والله يا هندوية ...والله بحبڪ ....ياااا سلاااااام ...انا والله ما عارفة اقول سنو ولا ارد ليڪ ولا اسكت ...ولا ابكي ولا اسوي شنوووو
(هند): ماا تسوي شيء يا ماما ...بس وريني حل اودي هدومي المشتريها دي والبناطلين والحاجات الباقية دي وين?

(ٳيمان): الكوشۂ ههههههه
(هند): انتي جاادة? ??? خلاص خليت لبسة العباية زااتو الدنيا سخانة ..احسن لي الاسكيرت كان كدي ..

(ٳيمان): ههههههههه
(هند): هههههه .... والله يا ايمان ما عارفة من غيرك كنت ح ابقى كيف واعيش كيف ...
صدقي انا كنت خاتة من بداية الاسبوع اني ح اغلبڪ واخليڪ تقلعي الشي۽ البتلبسيهو في وشڪ دا ...لكن ماا عارفۂ جاااني احساس جميل بيها وحسيت بٲمان ...

#هند بقت تتكلم والدموع نزلت من عيونها ...وٳيمان فرحااانة شديد بقرار هند وما مصدقۂ الحااصل زاتو ...
اتونسن شويۂ ...هند قامت دايرا ترجع بيتهم ...
(هند): ٳيمان انا اتاخرت يا حبيبتي ...نتلاقى بكرا في الجامعۂ ..
(ٳيمان): ٳن شاءالله ...وكيسڪ دا هدية مني ليڪ وبكل الحاجات الفيهو

(هند): بتهزري صح? ? دي عباياتڪ لكن يا ٳيمان?? ???
(ٳيمان): ما تخافي عثمان جاب لي كتااار ...انتي شيلي ديل لحد ما نمشي السوق نجيب ليك وحدات اسمح منهن

(هند): والله ما عارفة اقول ليك شنو يا ايمان ...بس شكرا ليك يا اغلى اخت لي في الدنيا

هند تودع ايمان و تمرق على بيتهم ...ايمان رجعت لعثمان و وحكت ليهو الحصل ومن الفرحة لمن بقت تبكي ..وبقت بس تشكر ربنا على نعتمو وبقت تدعو لهند بانو ربنا يثبتها ...

هند وصلت البيت ... وقعدت وفرحانة شديد ...وكل مرة تعاين للعبايات وتتبسم ..

#في الصـباح ...
هند ماشۂ على الجامعۂ وراكبة الموصلات ...بس المرة دي راكبة مبسوطة وحاسة باحساس كدا لا يوصف ..

خلال اسبـوع كامل كانت بتحاول تغلب ٳيمان ...
اما الليلۂ لابسۂ العباية رضا لربـنا ...

وطبعاً نظرات الناس لهند اتغيرت في الجامعۂ ...منهم مؤيد ومبسوط ومنهم البقول دي اتعقدت وغشوها ...