Diary ni Faphrodite: Ang Diyosa ng Fap

DNF: Entry 9

DNF - Entry 9

Dear Diary,

Ay? Maulan pala sa labas. Nakikisabay sa damdamin ko ngayon. NAKS. Aphrodite? Kelan ka pa nagdrama? Dahil ba tag-ulan seasons ngayon kaya ka nagkakaganyan? Ganun. Ba't nakakasenti ang ulan? Yung feeling mo nasa music video ka tapos maulan-ulan. Lakas ng mga trip ko sa buhay. Ang tugtog "Buko."

Pero kailangan kong pumasok. Next week na ang preliminary exam namin. At hindi ako pwedeng bumagsak dahil ayokong mag-shift ng kurso.

Nagbihis na ako diary. Tapos nagsuklay, nag-ayos, nagsuot ng jacket para di ako lamigin sa labas. Pagkalabas ko ng kwarto, napatingin ako sa mga paa ko. Wala pa pala akong medyas. Bumalik ulit ako sa loob para kunin ang medyas ko nang makita ko sa tapat ng bintana si Alexia na nakadungaw. Nakatingin saakin. Natumba ako ako nang makita ko siya.

Panong-sa tapat-TAMA! Kaya pala ang lapit-umikot lang pala ako ng kalsada nun? Ang layo pa ng nilakad ko. Napatayo naman kaagad ako saka tiningnan ko siya. Hindi ko siya marinig dahil sa lakas ng ulan. Kaya naman ay kumuha siya ng malaking notebook at pentle pen saka nagsulat-

"OKAY KA LANG BA?"

Kumuha naman ako ng pentle pen at sketch pad at sinagot ang tanong niya.

Ako: OKAY LANG AKO!

Alexia: AKALA KO NAMAN AT NAPANO KA NA-

Ako: NATUMBA LANG. PAPASOK KA BA?

Alexia: OO! SIGURO MAMAYA! MAULAN PA KASI. IKAW?

Ako: OO. PAPASOK AKO.

Alexia: SABAY NA TAYO. SUSUNDUIN KITA DIYAN WITHIN 10 MINUTES!

EH?! Bigla siyang tumakbo papalayo sa bintana. Dali-dali naman akong tumakbo pababa at kumain.

"Good morning girl! Ba't nagmamadali ka?" tanong ni Barbara sakin.

"Susunduin kasi ako ni Alexia dito."

"Oh-ganun? Nakita mo ba si Kevin? Si Jessica kasi ang nagluto ngayon eh."

"Namalengke daw silang dalawa ni Lucas." Sabi ni Jessica.

"Ahh-I see." Hahahaha! Kapag ang dalawang lalake, namalengke, cute sila para samin. Hmmm-bagay sila. Kung wala lang si Jessica! Perfect! Hahahahaha yaoi.

DING DONG-

NANDYAN NA AGAD SIYA?! Sabi niya 10 minutes?! Ang bilis naman atang 10 minutes yan?! Nabago na?

Dali-dali naman akong pumunta para tingnan kung sino yung nasa labas. Binuksan ko yung pinto at nakita kong may nakapark na kotse sa gate.

Pumasok ako sa loob, nagsuot ng sapatos saka kumuha ng payong.

"Alis na ako!"

"Teka, hindi ka pa kumakain!" sabi ni Jessica.

"Hayaan mo yan Sica. Sinusundo siya ng manliligaw niyang maganda hahahaha."

"Tumahimik ka Barbara! Tapunan kita ng gatas diyan eh. Sige na! bye bye!"

Sayang rin naman kasi yung libreng sakay. Tsaka ayokong mabasa ng ulan on the way. Kahit na malapit yun, maulan parin. Mababasa ako malamang. Ano ba namang klaseng pag-iisip yan Aphrodite.