قَـــدري

بارت2

قصة
قَدري

الكاتبه:هدى الربيعي

سنا:؛ سالت ع بيت عمي كال اجرو بفندق وكعدو ميردون يثكلون علينه غلست اجه الخميس كعدت ب ١٠ نزلت صبحت عليهم وتريكت واجو عمي ومرته الصبح سلمو عليه بحرارة وكاعدين بالهول كلنه ومرت عمي كلساع تبوسني وتبجي وتكلي خاله شما اسوي ما اجازيج اني كلش انقهرت عليهه واكلهه خاله عادي رضا اخوي ولو اخواني صار وياهم هيج فحسوي نفس الشي وانتو غاليين ما احب اكسر كلبهه هي صح خوش مره وعمي يعني زين وياي بس ما ادري بي هيج لان مردت تصير دم او صدك مقهور علي وحبني رضا مشفنا ولا شافنه من ذاك اليوم لهاليوم راحو بيت عمي وهالحجي ابوي يوميه يكول لامي اخذيهه للسوك جهزيهه احسن جهاز اهم شي نفرحهه بشي بسيط واني ما اقبل اكلهم عليمن كلشي عندي بس الخميس امي لحت عليه ف رحت وياهه للسوك ورا مراحو بيت عمي بالبداية مالي خلك ووشتكلي امي اكلهه بكيفج نوب كلت اهو عليمن انه مضوجه روحي وضليت اشتري شتريت ٣ فساتين مال طلعة حلوات وبناطير قماش وكابوي وستر وقمصان وتشيرتات ودشاديش وتراكات مخليت شي يعتب علي اونس بروحي 😂😔 نوب دخلنه محد ملابس داخليه وهيج امي طلعت شغلات مال عرسان كمزت عليهه كتلهه يمه شكو المن هذن كالت الي كتلهه اوك عبالي صدك الهه شفتهه اخذت اشياء هواي ومو مال عمرهه غلست كملنه رجعنه للبيت ب ٣ قبل منطلع سوينه غده وتغدينه وطلعنه ف ب ٣ رجعنه رتبت ملابسي بجنط هواي اخذت اشياء رحت طلعت شمع سويت بشرتي ( قبل كلشي هسه تكولون شنو عروس لو فصلية انتي اني هيج طبعي دائما احب اعتني بنفسي وببشرتي حتلو مرايحه مكان هيج بيه طبع ف هسه زاد الحماس كلت حته ميكولون فصلية وعينهه مكسورة وهامله نفسهه خيعرفون منو الي خذوهه فصلية ) سويت شمع لبشرتي اني من النوع قليل كلش اروح صالون كلشي اعرف اسوي بالبيت لان ما احب اطلع هواي واهلي هم ميرضون يوميه طالعه ونوب سويت تنضيف بشرة و كملت كلشي صارت ب ٥ نزلت اشعشع 😂 امي تكلي صلوات ماما شهالحلاوه واخواني يضحكون ويصنفون 😂😂 المهم كلت لسجاد يمته نروح كال بليل ب ٩ ب ١٠ كيفج كون مكمله كتله انشالله كعدنه نسولف ونضحك وجابو موطه كلش محسستهم رايحه فصلية لان ما اريد احد ينقهر وجابو عشه جاهز هم تعشينه صارت ب ٨ ونص كمت لبست بنطرون ابيض قماش بي عرض شوي وقميص مخطط ماروني وابيض وشوي نيلي وحذاء ابيض وجنطه بيضه وشال ماروني ومكياج خفيف واخذت فوني وشاحنه وسماعه واشياء ثانيه بالجنطه ونزلت واحمد نزل الغراض سلمت ع اهلي وابتسم كون والدمعه بطرف عيييييني (مستحيل انسه ذيج اللحضات )ماريدهم يبجون ورحت وصلني سجاد واحمد وابوي رحنه وصلنا يم بيت حلو مرتب نزلو سجاد واحمد وابوي واني بقيت بالسيارة دكو الباب طلعلهم ولد شاب جانت دنيا ليل منتبهت عليه كلش بالي مو يمهم ضلو يحجون ويا شوي نوب اشرولي انزل نزلت والولد يباوعلي اني منتبهتله كلش بس لمحته يباوعلي نزلو اخواني الغراض دخلت للحديقه مالتهم شفته طويل وبي ضخامه شوي وبس شوارب وشعره خفيف بس كلش هيبة مع العلم اني اموت ع كفشه واللحيه بس هم حلو هيج🤪 ولابس بنطرون اسود وبلوز رصاصي دخلت دخلو وراي فتح الباب الداخلي رجال كبير بالعمر مو كلش يعني يطلع بال ٥٠ هيج وويا ولد شاب مرتب حليو ما ادري منو رجلي بس ساكته 🙂😂 المهم سلمت ودخلنه تلكتني مرة تطلع بال ٤٠ هيج ووياهه بنية البنية تجنن سلمت عليهم وبس اباعلهه بيضه وعيونهه صفررر والملامح ناععمه ولطيفه كلش حبيت شكلهه سلمت وكعدت بالدوانيه وي اهلي شوي ودخل الولد الي طلع وي ابو كال اجه الشيخ عقدنه عرفت رجلي اسمه حيدر والضخم الي طلعلنه بالباب لان هو صوته ف المهم خلصنه وراح الشيخ والمره كالت يمه حبيبتي شسمج شكد عمرج كتلهه اني سنا عمري ١٩ وسكتت هي وبتهه يباعلي ويبتسمن ف هي مرادت تلح عليه شافتني كوه حابسه دمعتي كالت لبتهه ماما روزة صعدي سنا لغرفتهه صعدتني للطابق الفوك اول مكملنه الدرج لكيت ممر صغير وبابين كالت هذا الباب بي هول وغرفتين نوم وحده مالتي ووحدة مال ايمن وهذا الباب الثاني سويت مالتج انتي و حيدر فوتي اني كتلهه اوك حبيبتي بس فوتي وياي دليني كالت اوك دخلت للسويت يجنن بي حمام وتواليت وغرفة نوم وهول يجنن كلش اول مدخلت الهول الي هو الحولي نسمي الحيطان بيجي وضلع واحد ورق جدران اسود وتخم قنفات اسود وبعد ترتيبات والحمام والتواليت ع جهه وغرفه النوم ع جهه وكبل اكو هيج مثل بلكونه كلش حبيتهه كالت بعد محتاجه شي كتلهه لا عمري شكرا
؛روزة: العفو حبيبتي وسجلي رقمي يمج اي شي تحتاجين خابريني كتلهه ماشي طتني رقمهه وراحت فوك الجمال اخلاق وادب يا الله هذول اول ثنين خوش عالم البقية اللة كريم 😂😏 دخلت اباوع ع الاثاث وكلشي بس مدخلت لغرفة النوم مدري ليش نوب كلت اهو خ ادخل هو شكو دخلت لكيت غرفة النوم تجنننننننن سودة واافراش بيجي عجيبه عجيبة كلش حلوة وباردة ضليت اباوع نوب كعدت ع جرباية شوي نوب سمعت باب الشقه انفتح عبالي روزة رجعت 😂 ضليت عيني ع باب ومبتسمه لان شكد ما حلوة روزة بدك بس تبتسملهه جان سمعت صوت طكطه وجنط عرفت جابو جنطي كمت طلعت شافني هو ودار وجهه خله الجنط وطلع محجه شي
سنا:شبي هذا نوب كلت يولي شعلي بي اخذت جنطي وفتت الغرفه الكنتور كلش جبير بس بابين كبار فتحت واحد لكيت بي ملابسة كبل ضجت وسديته فتحت الثاني لكيته فارغ كلت اي هذا الي باجر ارتب بي ملابسي ورحت فتت سبحت مرة ثانية احس حتريت 😂 وطلعت من جنطتي دشداشة قصيرة ورديه مال ميكي ماوس وجواريب ومشطت شعري وخليت فوني ع شحن ونمت ...