قصة
قدري
الكاتبه:هدى الربيعي
بارت 12والاخيرررر
يوم العرس
_______
رحت للصالون واجن وياي ثنين من بنات خالتي وريم واحمد وصلنه روزة هم اجت ويانه جابهه ايمن النه وراح شعري بقيته مثل ماهو ما احب اصبغه ع طبيعته احلى وسويت تسريحه عاليه تجنن ومكيجت سموكي طلعت فد شي وبدلتي مو تله ردت كلشي جديد ومختلف ف صايره بيضه وضيكه كلش ومن جوه ذيل طويل وبي كرستال ناعم او ماعرف شيسمو يعني فد نزاكه مو طبيعيه وطلعت اخبل لعابه 🥺 والبنات مكيجن وتسريحات هم خلصنه اجن سيارتين سياره حيدر وسياره سجاد نزل حيدر ودخل للصالون وطلعني وباسني وطلعنه
طبعا نسيت اكلكم العرس حيصير شي بسيط وعائلي بس الاقارب واهل حيدر وكرايبهم همين بس الجوارين ومدري منو الي كايليلهم عروسه مكالولهم بس الي يدرون اني رحت فصليه عزموهم بالنسبه لاقاربي كلهه تدري ف كلهه اجت وبيت عمي هم اجو وخطيه فرحانين وبيت خالاتي وخوالي كلهم اجو بعد من رحت لبيت حيدر مكدرنه نتشاوف ومن سمعو حنزوج كلهه فرحت المهم نرجع للواقع
رجعنه للبيت صايره هوسه والامه مكلوبه كعدت بعدين اجت الزفه وبچيت شوي 🥺 ودخل حيدر وباسني وطلعنه وصلنه للقاعه رحنه للغرفه مال تبديل ع ما هم يكولونه دخلوا المهم اجه وكت ندخل وجنه مقررين ندخل سوا يعني 🥺🤎
دخلنه وشغلوا اغنيه طلي بالابيض ودخلنه شوي وطلع حيدر وبده الركص كالعاده وبعدين دخل ركصنه سلو 🥺🤍 وبعدين قطعنه الكيكه وتصوير وماعرف شنو ووخلص العرس وجان احلى يوم بحياتي صدك صدك الفرحه متنوصف انشالله كلكم تضوكوهه 🙈🥺❤️ المهم خلص العرس وطلعت الزفه للبيت قررنه بالبيت احسن من الفندق لان هو اصلا عدنه شقه وحدنه وصلنه للبيت وهم ركص وهوسه وبعدين صعدونه وضلوا اقارب حيدر الولد يصيحون ويوصوفرون ورا 😂🙈 صعدنه دخلنه للغرفه كعدت ع الجربايه م احس خايفه كلش ولا خجلانه لان اصلا احنه متزوجين وعايشين سوه جنه 🙈🥺 المهم اجه كعد يمي وشلت البركع وضلينه واحد صافن بوجه الثاني بأبتسامه لمده دقيقه 🥺😂 لان ثنينه منعرف شنحجي خانه التعبير من الفرحه 😭🥺🥺 بعدين :
حيدر: حبيبي مبروك
سنا؛ الله يبارك بيك حبيبي 🌚
حيدر: وصار الي جنه رايدي وحنعيش مرتاحين اكو احلى من هيج 🥺
سنا: والله كلش فرحانه ماعرف حته شكول 😂😭😭
حيدر: هههههه يلا بنيتي كومي سبحي بدلي شوفي شتريدين تسوين ع ما اني ابدل واحضر العشه
سنا: ماشي حبيبي ، كمت دخلت نزعت البدله ومسحت المكياج وفتحت التسريحه وسبحت ع سريع و لبست سيت نوم ومكيجت ونشفت شعري وتعطرت وطلعت ضل يباوع ومبتسم
حيدر: نعيما حبيبي يلا تعاي اكلي
سنا: اجيت، كعدنه نتعشه وخلصناهه سوالف وضحك وسولفنه ع العرس وشون جان يجنن اوف ما اسولفلكم الفرحه بذاك اليوم المهم خلصنه وشلت الاكل وديته بالهول ورجعت للغرفه ومشت الليله تجنن 🥺🤍 كعدنه الصبح لبست فستان ابيض ما اعرف اوصفلكم يا بس مال صباحيه يجنن يجنن ومستور اكيد يعني مال محجبات ومكيجت طلعت اجنن ونزلنه وكلهه فرحانه بينه ملكينه احد كلهه رايحه بس بيت خالته باقين بناتهم ٢ شايفتهم اكيد بس ما اعرفهم يعني تعرفت عليهن يخبلن حبابات 🥺 واجت امي الصبح وجايبه ريوك ومشه اليوم يجنن وراهه بيوم ضلو يجون الخطار واصدقاء عمو واصدقاء حيدر وهوسه ضلينا ايام ع هالحاله بس عشت احلى ايام عبالك اول مرا يعني ولا كأنُ عايشه وياهم من قبل ورا اسبوعين تقريبا من زواجنه قررنه نسافر لتركيا 🥺 وجانت هاي اول مره اسافر لتركيا وويا حيدر 🙈 بقينه تقريبا سبوعين هيج تونست كلش واحلى سفره بحياتي يمكن هي هاي رجعنه مشت حياتنه طبيعيه وكملت دراسه عادي وورا شهر حملت والبيت كله طاير بيه لان اول حفيد الهم وعمو خطيه حاير شيجيب وشيسوي وخاله وروزه وكلهم وشغل قليل ميخلوني واجه شهري ورحت لاهلي ببداية التاسع كلش جبت يعني يومين يم اهلي وجبت ولد سمينا يامن 🥺🙈 وروزه نخطبت ولد وياهه بالكليه اسمه كرار فدوه يخبلون سوه وفد فرحتلهه وورا 3 اشهر تزوجت وراحت وشبعت بجي عليهه لان صدك تعودت عليهه بس دائما تجيلنه وابني كبر وعمي وخاله يوميه جايبيله ملابس ومدري شنو واني هم وومقصرين ويايه ☺️ عشت احله سنه هي هالسنه من عمري فعلا فازت باحلى سنه ويموني صار عمره ٣ سنوات وحملت وطلع هم ولد 😂😂😭 ومتنه فرح لان اصلا مو من النوع الي يهتمون ب جنس الطفل اهم شي بصحه وعافيه واجه للدنيا ياسر حبيبي يخبل طبعا ثنينهم يشبهوني ماخذين شي قليل من حيدر بالملامح وكبروا ولدي الحلوين وصار يموني عمره ١٣ سنه ويسوري ١٠ سنين واكتشفنه من كبروا انو ماخذين من اطباع حيدر وتصرفاته اكثر مني بس الشكل يشبهوني الي اكثر وهاي اني وياكم من قلب الحدث عمري ٢٩ سنه 🥺😂 ما فد يوم هملت نفسي وهاي اني بعد ١٠ سنين متونسه وعايشه احلى عيشه بعد ما صار يسوري احنه انتقلنه بيت وحدنه وبعد ما انتقلنه وايمن تزوج ومرته ورده وحبابه وعمي تقاعد وروزه عدهه بنيه صارت وهاي كل قصتي
العبره من القصه: اول شي واهم شي القصه حقيقيه ومابيهه اي شي جذب واسفه اذا حجيت فد شي ضوجكم لكن جنت احجي تفاصيل حتى تتدمجون بالقصه اكثر واني الي كاتبه القصه القصه متخصني اني بنيه سولفتلي وطلبت منهه اكتبهه وانشرهه و وافقت العبره من القصه شنو انو مهما صار وياك بحياتك اعرف انو الله اله بي اراده واله بي حكمه لان ممعقوله الله يحب يعذبك 😅 ف وعسى ان تكرهوا شيئا وهو خير لكم 🥺 انتوا شفتوا معانات البنيه بالبداية وشون تأذت وانقهرت بس طلبت من الله يساعدهه والله مستحيل يترك عبده هيج ف حمدوا الله ع كلشي بالنهاية قدرنة مكتوب ولازم نشوفة " انا اشاء وانت تشاء والله يفعل مايشاء " واتمنى تونستوا 🥺❤️❤️❤️❤️❤️
قصة: قدري❤️🙁
لتنسون التصويت لايك+كومنت ☹️❤️
حتى توصل الروايه للناس ويقراها اكبر عدد ممكن
مع تحياتي وحبي وتقديري ..💋🖤🙊
الكاتبه:هدى الربيعي
أنت تقرأ
قَـــدري
Romansaمهما واجهنا من مصاعب الحياة ف اقدارنا مكتوبة لا يمكننا الاعتراض عليها ... ف عشها كما هي لعل مايحصل فيه خيراً لك ...♥️ رواية قدري
