الطاهرات(المومس)

البارت الخامس عشر !!

ريبوار...

_ انفصحنا والي فضحتنا بنتك تسوي
علاقات وي ولد المدرسه !!

هذه الكلمات الي حفظتها " من كلامها ...
تبسمت " وحجيت وانا أرفع حاجبي الأيسر

_ منو كال

حجت وهيه تتمشى وتكعد على القنفه متكئه

_ رأئد أتصل بي المدير وراح جابها وأجه

ضاق نفسي "..سحبت هوه بصعوبه وحجيت

_ ورائد من شوكت اله علاقه بيها !!

ماردت ونفضت ايدها بعدم اهتمام
وكالت

_ اخوك يمه الحجي اني مالي علاقه

هزيت راسي ! ورفعت أصبعي بتحذير !!

_ بس اذا طلع كلامج تلفيق اعتبري نفسج
مكسره ! وكاعده يم أمج.

عفتها وصعدت الدرج بخطوات سريعه "
وبهل ثواني
أستوقفتني خطواتي بالتفكير

شنو ' الموقف الي راح يبدر مني اذا الحجي
صحيح
وشلون راح أتصرف ! يمكن أذيها وهي يتميمه وأمانه

بس يمكن يطلع العكس ! وهذا الكلام كذب
بكذب
دجله ماتسويها ! شلون تسويها واني مربيها على أيدي

.اول مره احس نفسي خايف من تصرفاتي
اتمنى
اتمنى مايطلع صحيح

مشيت بخطوات متردده ! ساحب نفس ثكيل
صدري يتعالى من الغضب

فتحت كيلون الباب اسمع صوتها تبجي
وتشهك

' صرت بنص الغرفه وكدامي ' رنيد متخوصره
واكفه ظهرها عليه وجها على دجله

' رفعت راسها دجله لمحتني وشهكت بالبجيي
اندارت رنيد على نظراتها وشهكت
بتمتمه

_ يمه عزه انت جيت

حجيت بحزم شاد قبضتي وصوتي مشدود

_، طلعي بره

رنيد عكدت حواجبها وعيونها مدمعه
لزمتني من جتوفي وهي تباوعلي واني اباوع على دجله .." بقوه

حجت رنيد بتوسل

_ لتسويلها هيج عليك الله

حجيت وصوتي ينفر مني يصير أعلى !..
دفعتها
عن طريقي وتقدمت

_ طلعي بره لا وحق الله أجرم بيج طلعي "

فزت " وطفرت عني ندارت على دجله !
باوعتلها ورت صدت عليه كالت

_ لاتأذيها ريبوار !

بعدت نظري عنها ! تخطتني رنيد وأحس بأنفاسها
!..

حجيت واني أصرخ..

_ اذا صديت ولكيتج موجوده ! ..
أطيح حظج

' طلعت وسمعت طبكة الباب !
باوعت عليها نفخت نفسي الحار

جريت الكرسي ! بقوه كعدت عكس الأتجاه..
..صرت كدامها
اخذت جكاره ! اطفي البركان "..الهايج..
حتى ما أذيها !