ميس ... نعم نسمع فيك
قيس ... اني بنتزوجك غصب عني !! لانه نحب بنت تانية بس اهلي رفضوها و انا وافقة ناخدك بشرط انه بعد زواج بفترة ح نتزوج حبيبتي !!
ميس ... اتحبها هلبا
قيس ... اي
ميس ... موافقة بس بشرط واحد
قيس ... اللي هو
ميس ... انك تخليني انكمل قرايتي و بعدين نطلقو و بالنسبة لي حبيبتك اتزوجها ايمت تبي
قيس ... تمام !! بعد تكملي قرايتك كل حد يمشي في حاله !! و نتزوج حبيبتي 💍😱
ميس ... متفاهمين 😌
قيس ... شكرا لانك تفهمتيني
ميس ... ولو !! وبجد شكرا ليك على تفهمك
شهد ... رجعت لي حوش امها !! حطت دبشها و شنطته ومشت لي سند حابة تفهم منه شن فيه وشن صار
وصلت شهد للعنوان اللي حكالها عليه سند
فاتح .... كيف نازل من سيارته !! نصدم لما شافه
مشالها مسكه من يدها !! انتي شن ديري هني
شهد ... فاتح 😨😨!! انت
فاتح ... شن جابك لي حوشي
شهد ... حوشك !!
فاتح ... اي حوش !! شن ديري هني فهميني
شهد ... ما تخاف !! انا ماشية سلام
______________________
فات حوالي شهر و بدت ترتيبات و تجهيزات لعرس ميس & صابرين ك اي عرس ليبي ضروري من زحمة و العايلة كلها بايتة و جوو حلو دربوكة و زغاريط و قصاريت ليل لي حد ما جي يوم الفرح
صابرين ... لابسة فيلو اووفر هلبا و ميك اب و تسريحة مرفوعة كانت حلو بس مش بجمال ميس الي لابسة فيلو باربي 🤤❤ و تسريحة مفتوحة مع ميك اب بسيط كانت أميرة 💍🤤😍❤
بس فرحتها ناقصة هلبا انها بتتزوج واحد با اتفاق زواج ع ورق 💍❤😍🤤
قيس ... لابس بدلة رسمية كان حزين يوم عرسه و عقله ، قلبه ، روحه مع بنت تانية 💍🤤😍❤
صابرين ... روحت الاولى مع زوجها
قيس ... 😍😍!! مشاء الله
ميس ... ابتسمت !! وقفت
قيس ... عيونه فيه !! لعبتله بمشاعره !! وصل عندها سلم عليها وبدل دبل 💍🤤🤤❤😍
ميس ... لبست برنوسها و طلعت مع راجلها !!
قيس ... طول طريق مش قادر يحكي شي 😍😍
وصلوو للحوش دخلو الاثنين مع بعض 🤤❤😍
قيس ... مسك يدها و دخلها بشوي بشوي للحوش
ميس ... لو سمحت بنبدل دبشي
قيس ... تفضلي
ميس ...خلت لي دار نوم حولت الطرحة و حاولت تفكك خيوط الفيلو ماقدرت
قيس ... نساعدك
ميس ... اي لو تقدر
قيس ... قرب منها !! فتح لخيوط اطلع 😍🤤❤
ميس ... حولت الفيلو دارت دوش لبست توتة سروال و تيشرت نص كم و حولت الميك اب وقامت شعرها
قيس .... اتعالي تعشي اكيد موتي من جووع
ميس ... اي حالا 🤤!! سحبت الكرسي و قعمزت ع طاولة تاكل
قيس ... يشوف لجمالها و مش مصدق 😍❤
كملو لعشي !! ميس .. ناضت ضم في الكوجينة
قيس ... تتتفرجي ع فيلم
ميس ... لا تعبانة بنرقد !! خدت مخدة و نصولة و خشت لي دار ضيوف بترقد
قيس ... ميس !! شن ديري ارقدي في دار النوم
ميس ... لا عادي ارقد فيه انت
قيس ... مافيه داعي تكبريها هلبا !! مش ح يصير شي بينا لو رقدنا فيه احني الاثنين 🤨😊😊
ميس ... مش حابة نضايقك
قيس ... لا مش ح ضايقيني ولا شي
ميس ... اوك !! رجعت للدار تكت ع سرير رقدت
قيس ... طول ليل يحكي مع حبيبته !! بس عقله كان في جمال ميس و اسلوبها 🤤🤤
____________________
شهد ... طلعت دور ع خدمة بش تقدر تعيش !!
طول الوقت تفكيرها في سند او كيف خدعهت كيف انها لعبة من فاتح و هيا قعدت مربوطة بيها 😨😨
سند .... حاله كان مايعجبش بكل لا ياكل ولا يشرب يفكر في شهد و كيف انها اكيد تكون اخدت فكرة مش اكويسة عليه 🤤😍❤
سناء ... فاتح حرام عليك الولد هكي
فاتح ... مافيش حد دخله بيه
قمر ... ربي يهديك خلاص خليه يطلع راهو لا ياكل ولا يشرب معقولة عنده قريب شهرين ع الحال هذا المية الا ما نحلفو عليه بش يشرب 🤤🤤
فاتح ... قولوله ايحط عقله في راسه ويحلف ع المصحف انه معادش يشوفها ولا يكلمها
قمر ... خلاص نقوله او لو وافق نفتح عليه
فاتح ... باهي
سناء ... خليك قمر اني توا نقنعه
قمر ... تمام
سناء ... خذت المفتاح و ركبت تجري لي سند فتحت الباب و خشت !! سند سند
سند ... نعم
سناء ... ياولدي عيب اللي دايره في روحك
سند ... و مش عيب اللي دايرنه فيا
سناء ... اسمعني
سند ... نحبها !! و نموت فيها
سناء ... ماقتلك حبها ولا ابعد عليها اسمع كلامي تربح
سند ... شنو !!
سناء ... نوض بدل و دوش و انزل وتصرف عادي او قدام بوك و امك انت فوتتها ونسيتها او لاتبيها ولا شي و تصرف عادي !! و اكيد بوك ح يرخي العين و قتها انت دور عليها و اتصل بيها و جهز ترتيباتك و ارجع لي مرتك
سند ... حضنه !! عمتي من غير شن بندير
سناء ... اوراس ولدي كله الا دموعك غاليات عليا 😍
سند ... انتي ليش تساعدي فيا
سناء ... انا اكثر وحدة نعرف الحب و فراقه و زي ماخسرت ولدي مانتمنى من حد يخسر اللي يحبهم
سند ... حضنه !!
سناء ... زادت حضنته !! محتاجة الحضن هذا اكثر منك !! اي شن اسمها كنتنا
سند ... شهد 😍
سناء ... كيف مدايرة اوصفهالي
سند ... بشرتها بيضاء و عوينتها زرق و اشعرها اسود مموج و قصيرونة و ضعيفوونو
سناء .... سند متأكد اسمها شهد و تزوجتها لما كنت في تركيا
سند ... اي علاش
سناء ... سبحان الله تقول توصفلي في ميس
سند ... ميس !! منو ميس هذي 🤨🤨
سناء ... لحظة !! خدت فونها فتحت الاستيديو هذي
سند ... شهد !! هذي هيا مرتي شهد
سناء ... مرتك بس مستحيل تكون شهد !! لانها ماطلعت من حوش عمها بكل و انا متأكدة
سند .... والله ياعمتي هيا او ردت ع امي يومها
سناء ... استنى لحظة !! توأم ميس المتوفيه حتى هيا اسمها شهد !! مستحيل ياعني بنت عصام تانية عايشة و فوزي كذب
سند ... عصام منو و توام شنو !! احكيلي
سناء ... عصام يكون ..... ...... يتبع
