سند ....مكسد في المحل بروحه مافيش زبائن بكل
شهد ... السلام عليكم
سند ... قام عيونه 😍😍 مشاء الله
شهد ... عفوا شن قلت
سند ... يشوفلها من غير ما يقول ولا حرف سحرت عقله
شهد ... كانت لابسة جينز ازرق و بلوزة بيضاء و سبيدرو ابيض من غير حجاب شعرها طويل و موج
سند .... يتبع فيها بعيونه مش قادر ينطق ولا حرف
شهد ... لو سمحت نبي نبيع هذم
سند ... تمام خذي منها الذهب وزنه
شهد ... تتفرج على المحل
سند ... حقهم 60,000اجمالي
شهد ... اوك تمام
سند ... حاليا عندي بس 20,000 لو حابه ارجعي بعد ساعة ولا استني لين ما نكملك المبلغ
شهد ... اوك تمام نستنى هني لو ممكن
سند .... اوك اتصل بصاحبه بش يجيبله باقي المبلغ
و قعد بتفرج ع شهد
جمال ... فتح عيونه ايحس في راسه ثقيل هلبا
حول لغطى شاف جنبه مالقاش شهد اووف وين مشت التافهة هذي البس دبشه و الفت انتباهه انه دولاب دار مفتوح قرب منه القي الخزنة مفتوح و الذهب والفلوس و المستندات و الديسكات مهناش نزل يعيط من فوق
يا حقيرة بدر يا بدر
بدر ... نعم سيدي
جمال.... البنت متاع مبارح منين جبتها
بدر .... جبتها من عند فاتح
جمال.... برا جيبهولي الكلب الحقيرة سرقتني و هربت
بدر ... حاضر سيدي و طلع يتمتم مه من تتبيعك للبنات تستاهل محلااه فيك ان شاء الله
_____________
سليم ... السلام عليكم
سند ... وعليكم السلام
سليم ... اتفضل هذا المبلغ اللي قتلي عليه
سند ... تمام خذي لفلوس عدهم
شهد ... مزال معطل
سند ... اتفضلي هذا المبلغ كامل
شهد ... شكرا
خذت لفلوس وطلعت
سند ... معليشي
شهد ... نعم
سند ... ممكن رقمك
شهد ... ليش
سند ... عجبتيني
شهد ... هات فونك
سند ... تفضلي
شهد .... كتبتله رقمها
سند ... 😍😍
شهد ... باي
ميس .... صباح الخير بابا
فوزي ... صباح النور
ميس ... بابا حابه نحكي معاك في موضوع
فوزي ... اني حابب نحكي معاك قبل
ميس ... تفضل
فوزي ... اليوم ماشين بنخطبو لي حازم
ميس ... الف مبروك و ينه خليني نباركله ايمت بنمشو بش نلحق نوتي روحي و نروح بكري من كلية
فوزي ... انتي مش ح تمشي معانا
ميس ... ليش
فوزي ... اقعدي في الحوش اقري و يوم تلبيسة بري معا لبنات
ميس ... حاضر بابا
فوزي ... شن كنتي بتقوليلي
ميس ... كان فيها كيف نبي نتغدا برا مع فرح
فوزي ... تمام عندك فلوس
ميس ... عندي
فوزي ... ما تعطليش
ميس ... حاضر
___________
بدر ... وينه البنت
فاتح .... ع شنو تحكي
بدر .... البنت اللي رفعتها منك لي جمال
فاتح ... تحكي ع شهد ماشفتها من البارح لما طلعت معاك
بدر ... البنت سرقة الذهب و الديسكات و فلوس من خزنة جمال و فيه مستندات مهمة جظا
فاتح ... الحقيرة خلاص توا نعرف كيف تجيبهم له
بدر ... متاكد
فاتح ... مادور شي
شهد .... الو
فاتح ... طلعتي خطيرة يا فرخة
شهد ... شوف ذهب بعته او حقه مش رداته لكن ديسكات و المستندات ابعتتهملك بيهم تقدر تاخد مبلغ كبير من الكلب جمال و انا انساني من اليوم مش ح نرجع للشغل
فاتح ... ربي يهنيك شهد طمنيني عليك مرة مرة
شهد ... سلامتك
فاتح .... سلام
شهد ..كسرت شفرتها و خذت لفلوس و مشت هيا و أمها لي المطار خدو اول طائرة لي تركيا
استأجرت شقة و رفعت امها للمستفشى بش اديرلها
العملية ع قلبها .... ✔❤
خدت شفرة تركية ركبتها و فتحت الأنترنت وصلها مسج من سند ع الواتس
شهد ... هلا
سند ... أهلين
شهد ... القيتك باعتلي مسج ع الواتس
سند ... اتصلت بيك مقفل
شهد ... اي كسرتها شفرتي
سند ... ليش
شهد ... سافرة
سند ... وين
شهد ... تركيا
سند ... معناها نتلاقو بعد ساعتين
شهد ... كيف بعد ساعتين
سند ... اني في المطار جاي لي تركيا
شهد ... كيف
سند ... اللهم صدفة خير من الف ميعاد
شهد ... اوك توصل بالسلامة
سند ... اعطيني عنوانك نجيك
شهد ... اوك ح نبعتهولك في مسج
سند ... باي
شهد ... باي
سكرت الخط 💔💔 اوووف ياربي كان صدفة هلبا معقولة زعما حياتي بتتغير زعما سند هو نصيبي
خلاص يا شهد شن تخرفي ياسرك من الدوة زايدة زيه زي تانين عجبه شكلي و جسمي يا خد حاجته و يمشي و انا نفس الشي ناخد منه فلوس و نمشي !! 😱🔥
.....يتبع .....
