التوأم الخائن

الحلقة الثانية عشر

ميس ... سحبت يدها !! اسفة انت من الاول  قرارك واضح و زواج كان اتفاق و  قريب يتم
قيس ... اسف
ميس ... ولا يهمك
قيس ... وجعه خاطره هلبا و خصوصا من رفض ميس ليه
ميس ... بعد خونت فيصل معاش قدرة توثق في ولا شخص و خصوصا رجالة كل تفكيرها كام انه ح ياخد حاجته ويطلقها بعد ما يكسرها !!
علآ ... تبكي بهستيريا !! والله لما ندمها ع حياته
رندا ... علآ ردي بالك ديري شي تندمي عليه
علآ ... مش ح نندم !! دمرتني الحقيرة دمرتني علقاته في شباكها و خلاته ينساني و يكرهني
رندا ... لاحول ولا قوة الا بالله
علآ ... سكتت شوي ؛ ناضت مسحت دموعها و غسلت وجها !! انقولك يمشي يزمر هو وياها هيا نمشو لي روان نضحكو عليها
رندا ... هيا
قيس ... كان في صالون متكي
ميس ... انا ماشية لي حوش عمتي
قيس ... باهي
____________________
$ في حفلة عيد الميلاد

براء ... نازلة من دروج !! نطفي كل ضوء صالة كان ضوء عليها هيا بس
الكل ... سنة حلوة يا جميل سنة حلوة سنة حلوة سنة حلوة يا براء
براء ... 😱😱 مستحيل !!
سند ... ابتسم ؛ بجدك ننسى عيد ميلادك
براء ... حضنته ياعمري
محمد  .. كل سنة و انتي طيبة اميري
براء ... تانكيو حمودي
نجود ... براء كل
براء ... فاتتها و حضنته جداها
حازم .... يشوف لي براء و مش قادر يدير شي
فداء ... شفتي يا خيبة اختك كيف ولت كنتهم
صابرين ... خلاص يام جوزتي نجود ساد
فداء ... تي الفقري راجلك مايكسب اللي عند سند
صابرين .... اووف ع سيرة
اسكندر ... كان ماسك باقة ورد !! ابتسم
براء .... لاااا اسكندر!! حضنته بقوة
اسكندر ... 😍😍😍 سنة حلوة بيبي
براء ... تانكيو
حازم .... 😡😡
فاتح ... 😨😨😨
محمد ... منو هذا
سند ... نعرفش
نجود ... زعما حبيبها
سند ... فنص فيها
منى ... خلونا نتعرفو عليه
محمد ... تتعرفي عليه !! تدوي جد
منى .... اسفة
براء ... تعالا نعرفك عليهم !! يا جماعة هذا اسكندر حبيبي و خوي و دنيتي كلها
اسكندر ... اهلا بيكم
محمد ... تشرفت بمعرفتك محمد!! هذي مرتي منى
اسكندر ... نتشرف بيك !! ربي يدوم عشرتكم
منى ... امين يارب
سند ... 🤨🤨!! مش وقف مع بوه
نجود .. انا نجود مرت سند
براء ... هيا اسكندر نعرفك ع امي
اسكندر ... هيا
نجود ... الحقيرة من تحساب روحها
منى ... تحكي ع نفسك حبيبتي 😍
نجود ... 😲😲😲
فاتح ... طبعا بالمناسبة الحلوة و كل الاحباب و الاصحال مجتمعين حبيت نشاركم بخبر فرحني هلبا انا
عقدت صفقة كبيرة و دخلت في شراكة مع اكبر سلسلة فنادق ايطالية   و شركائي شوي تاني يوصلو للحفل
سند ... الف مبروك
محمد ... الف مبروك
فاتح ... الف مبروك ليكم لانكم ح تستلمو شغل كله
اسكندر ... الف مبروك
فاتح ... ايبارك فيك !!
محمد & سند ... نستأذنوكم
اسكندر ... صار حالك باهي
فاتح ... شن ادير اهني يا كلب
اسكندر ... نحضر في العيد ميلاد بس مروح ولا بايت
هذي مزال ماقررت فيها
فاتح ... اطلع من اهني و ابعد ع بنتي احسن ما
اسكندر ... لالاااا هكي بتزعلني منك يا مان اولا نطلع ايمت نبي او ع دماغي و تانيا براء بنت حمدي !! بنتك شن كان اسمها هيا اه وداد
فاتح ... منين تعرف وداد
اسكندر ... ههه نعرف كل شي و بذات وداد و سر حوش المزرعة
فاتح ... 😨😨😨
عصام ... السلام عليكم !! التمت الاحباب
خديجة ... 🤐🤐😢😢
فوزي ... 😱😱😱
حمدي ... 😟😟😟
فاتح ... 😱😱😱
سناء & قمر .... 🤤🤤🤤
فاتح ... عصام
عصام ... تبيش ترحب بصاحبك و عشيرك و شريكاك
حمدي ... شريكك مش قلت
عصام ... اي مه شريت كل شي من طليان
فاتح ... انت
عصام ... نتناقشو بعدين !! توا بنفرح لي براء بعيد ميلادها
براء ... 🤔🤔
اسكندر ... عمي فاتح خليني نعرفك !! عصام شريكي
و شهد بنته !!
الكل ... مصدومين في شهد كانت واووو حاجة من الخيال
نجود ... ميس ! انتي
فوزي ... كيف هذي ، ايمت ؛ وين
شهد .. نوونووو مش ميس ! شهد توأم ميس
سند ... 😢😢 !! حبيبتي
شهد ... ونسيت نقولك !! مرت سند الاولى
فداء ... مرت سند
شهد ... اي ماتستغربيش
فاتح ... انتي مرت ولدي
شهد ... عمو خيرك !! قربت منه و همست في وذنه
سكر فمك و اسكت خير ما نفضحك قدامهم
فاتح ... هز براسه بمعنى ايه
بعد لي صار المعازيم روحو! اما شهد؛ عصام ؛اسكندر
استقرو بالفيلا حسب الاوراق اللي وقعها فاتح فا عصام يملك معاه بكل شي ..
شهد ... خشت للدار حولت القفطان خدت شور و لبسة توتة و تكت بترقد
محمد ... عقله اوقف من اتجاه شهد هبل فيها
بالرغم من انها مرت خوه !! طق طق
شهد ... تفضل
محمد ... نبي نحكي معاك
شهد ... نعم
محمد ... يتفرج ع جسمها و عيونها و شعرها
شهد ... قول شن عندك ولا اطلع
محمد ... نقولك صباح رباح ع خير
شهد ... ودرا الله لا تردك
___________________________

ميس ... تعشت عند حوش العيلة و روحت
قيس ... نديرلك قهوة معاي
ميس ... لااا شربت بكري دارتلنا علآ
قيس ... اها اكويس
ميس ... اووف قداش جو سخون
قيس ... سخون ؛ خيرك ميس
ميس ... حاسة بحرارة في جسمي !! و راسي صداع و عندي دوخة
قيس ... اكيد من تعب و الضغط النفسي
ميس ... شكله هكي !! بدت تشوف في دنيا تغيم لي حين ماطحت
قيس .... ميس ميس !! حطها ع ركبته ؛ ردي عليا خيرك ؛ ميس
ميس ... 😵😵😵
قيس ... قامها في حظنه طالع بيها للمستشفى
رندا .... علآ علآ ردي عليا علآ ؛ الحقوني
قيس ... ميس ؛ علآ خيرهم يارب شن فيه
جميلة .... وااااه عليا شن فيهم خيرهم
قيس ... عمر ؛ عمر تعالا ساعدني نرفعوهم
عمر ... قام علآ
قيس ... رفع ميس
وصلو للمستشفى نزلو بيهم ع الطوارئ الاطباء خدوهم يفحصو فيهم و العايلة الكل برا يستنو
الدكتور ... يتبع ...