عائشة .... يابنتي سامحيني
شهد ... ع شنو تبيني نسامحك ، طول عمرك كبرتيني وربيتيني من غير ماتحسسيني يوم اني مش بنتك
عائشة ... ماكنت حابتك تعرفي بالطريقة هذي
شهد ... يعني لو ماشفت شهادة الميلاد في صندوق ماكنتيش ح تقوليلي انك مش امي
عائشة ... اي ماكنت حابة تعرفي سر هذا بكل
شهد ... انتي تعرفي عيلتي صح من هما وليش خلونا احكيلي
عائشة .... أمك اسمها عبير الله يرحمها و بوك اسمه عصام محبوس بتهمة القتل محكوم عليه 25سنة
بوك كان غني و حالته مستريحة و عنده خوه من امه فوزي!! كان ع قد حاله
بوك تزوج امك ع حب ❤!! و عاشو مع بعض حوالي سنة و بعدين حملت بيكم و جابتكم 🤤🔥
و لما كان عمركم 5 شهور !! عصام قتل عبير لانه القاها في وضع اباحي مع واحد و دخل للحبس !!
ولما كان محبوس كتب وصيته انه رزقه و املاكه كلها ليكم ❤🔥🤤 و خلاكم في كفالة فوزي لي ماكن قد الأمانة .. كذب ع عصام وقاله شهد ماتت و خلا عنده ميس بش يتحكم فيها كيف مايبي وبعد ماتفوت 20 ياخد منها املاكها !!
شهد .... 😨😨😨 شن تعني بي خلاكم و عمركم و ليكم و ميس !! مافهمت شي
عائشة ... انتي التوأم ميس
شهد ... توأم
عائشة .... اي نفس الشعر، نفس العيون، نفس الملامح انتي و اختي لكن انتي طبعك زي عصام نسخه منه
شهد ... ياربي في يوم واحد نسمع اني متبنية و اني عندي اخت توأم و بوي عايش و عمي لوحي ع خاطر لفلوس !! هلبا هكي ، ناضت تجري طلعت
عائشة ... سامحيني سامحيني !!
__________________________
# تسريع الاحداث ....
خلال العملية عائشة !! جسمها ما تحمل و توفت 😥
شهد قعدت ضايعة او وحيدة في تركيا مش عارفة شن دير من جيهة خسرت امها ومن جيهة تانية عايلتها و توأمها !! اما سند كان طول الوقت باله في شهد ع قد ماحول يتواصل معاها كانت ترفض فيه و تبعد عليه ... 🔥💔
صابرين ... نخطبت و كان عرسها قريب اما نجود فزادت تورطت وغلطة بعلاقتها مع فيصل 🔥❤💔
ميس ..بعد ماوقعت ع الاوراق معاملة فوزي ليها تغيرت هلبا و حسسوها كأنها شغالة كانت طيبو ضمو تغسل ز بطلها من قرايتها 🔥❤💔
براء ... علاقة بدت تقوى مع اسكندر اللي كان عقله وروحه فيها كل يوم يطمن عليها و متعلق بيها لدرجة لا توصف ..!!❤🔥💔🤤🤤
فاتح ... اهلين شرفتينا با اتصالك
شهد ... كان من ضروري نتصل بيك
فاتح ... شن درتي مصيبة جديدة
شهد ... نبي نروح لي ليبيا بس خايفة من !! جمال
فاتح ... جمال حليت معاه الموضوع روحي وانتي مطمنة !!
شهد ... نبيش نرجع للشغل
فاتح ... ولا يهمك شن رايك في شغل نظيف
شهد ... اللي هو
فاتح ... تخدمي سكرتيرة في شركة متاعي ❤😍🔥
شهد ... متأكد ما دخلني للخمر
فاتح ... متأكد احجزي تذكرة و روحي
شهد ... اسبوع جاي بنروح
سند ... ردي الله يهديك خيرك
شهد ... اووف ياربي شن ها نفاخ !! نعم
سند ... واخيرا 😍🤤 !! معقولة شهرين بش تردي
شهد ... كان عندي ظرف
سند .. نبي نشوفك توا ضروري
شهد ... ليش تبي تشوفني
سند ... ح نحكيلك ليش بس ضروري نتلاقو
شهد ... اوك
قمر ... محمد نبيك في موضوع
محمد ... ربع يده وقعمز !! نعم
قمر ... ياولدي راك شرفت خلاص نبي نزوجك
محمد .. اه تزوجيني شن قالق من روحي اني
قمر ... والله مادخلي بيك تبيني نموت و نخليك باير اوراي
محمد ... لاحول الله !! سوسو تعالي اسمعي
سناء ... شنو خيرك معا كبدتي🔥😍❤ يالا قمر كل شي الا حبي 🔥❤🤤
محمد ... تعالي فهميها !! تبيني نتزوج
سناء ... روووررري !!! ياريت نبي نزوجك حتى انا
محمد ... سوسو حتى انتي
سناء ... للاسف حتى انا
محمد .... و إن شاء الله من ست الحسن و الجمال
سناء ... والله بنوتة تجنن بيضاء و عيونها زرق و شعرها اسود و قصيرونة و جسم سمباتيك تمشي معاك
محمد .... هههه بلا بصارة هذي لعبة مش بنت
سناء ... والله زي مانحكيلك و اسمها ميس بنت سلف فداء اختي !!
محمد .... سوسو بلا جوو !! سمك تونة عنيدة ترمي صنارة و انا نحصل
سناء ... مش مصدقني ياعني خلاص غدوا نعزمهم ايجو وتجي معاهم ميس و شوف بعيونك
محمد ... لو حق زي ما قلتي ح نتزوجها !!
قمر ... ترقص في حواجبها لي سناء 😌😌
سناء .... غمزتلها 😉😉
___________________________
صابرين ... ماما عرسي قريب و لي توا ماشريت شي
نجود .... اوووف وانتي تقولي اول وحدة ولا اخر وحدة بتتزوجي خلاص
صابرين ... يا حسودية يا انانية نغرتي انا بنتزوج وانتي بايرة
نجود ... ههه وراسك انا ما ناخد الا سند 🔥❤🤤
صابرين .... اوووو سند هههه والله مايشوف لي عنز زيك 😅😅😅
نجود .. ههه قردة وزيك ابتتجوز مازال في دنيا خير
فداء ... خلاص انتي وياها !! كلمتني خالتكم سناء توا غدوا بنمشولها لاعشية
نجود ... واخيرا بنشوف كبيدتي
فداء ... تحشمي شوية قاعد في تركيا ماروحش
صابرين ... ههه اقعدي استني كبيدتك لين تاخده منك وحدة تانية 🔥❤🤤
فداء ... ميس
ميس ... نعم
فداء ... غدوا بتمشي معانا لي حوش سناء
نجود ... وليش ماشية معانا
فداء ... خالتك قالت جيبوها معاكم و ضمي فمك
شهد ... اهلا
سند .... هلا ❤😍
شهد ... شن فيه
سند ... نبي نقولك موضوع وياريت تسمعيني للاخيرة
شهد .. تفضل نسمع فيك
سند .... يتبع ..........
